Íþróttablaðið - 01.04.1966, Blaðsíða 27
Samhyggð Gaulverjabæjarhreppi,
Umf. Biskupstungna, Biskupstungum
og Umf. Dagsbrún, Austur-Landeyj-
um.
Umf. Dagsbrún hefur árlega glímu-
keppni innan félagsins, þar sem
keppt er um fagran verðlaunagrip.
Sigurvegari í þeirri glímu í ár varð
Gunnar Marmundsson, Svanavatni
Austur-Landeyjum.
I>á er árleg glímukeppni á íþrótta-
móti Vöku og Samhyggðar, sem
aldrei hafa fallið niður um tveggja
áratugaskeið, um tíma var og keppt
í drengjaglímu milli sömu félaga, en
hefur fallið niður öðruhvoru síðustu
árin, vegna þátttökuleysis.
Hin árlega Hæfniglíma Skarphéð-
ins var háð í félagsheimilinu Borg í
Grímsnesi sunnudaginn 6. marz.
Keppendur voru sjö frá 5 ung-
mennafélögum. Þórir Sigurðsson
Umf. Biskupstungna sigraði í glímu-
unni og hefur hann oftast borið sigur
úr bítum eða sex sinnum alls.
1 glímu þessari er glímt um fagr-
an verðlaunagrip, sem gefinn var af
Glímudeild Ármanns og fyrst var um
keppt 1950.
Glímustjóri var Sigurður Greip-
son í Haukadal, en yfirdómari Haf-
steinn Þorvaldsson, Selfossi.
Hafsteinn Þorvaldsson.
Frá TJngmenna- og ípróttasambandi
Austurlands.
Sérstakt glímuráð er starfandi inn-
an U.I.A., sem fer með öll málefni
glimunnar.
Á Reyðarfirði hafa verið glímuæf-
ingar í vetur. Oftast hafa verið á
æfingum 12—20 þátttakendur, sem
hafa sýnt mikinn áhuga fyrir glím-
unni. Viðar er áhugi fyrir glímu t. d.
á Seyðisfirði.
Nú tel ég að það séu tímamót í ís-
lenzkri glímu. Það hefur verið stofn-
að Glímusamband Islands sem hefur
með að gera flest glímumót á land-
inu, og tel ég að það hafi mikla fram-
tíð fyrir sér fyrir glímuna. Það skap-
ar meiri áhuga hjá þeim mönnum
sem vilja efla glímuna. Nú á að koma
á fjórðungsmótum í glímu, tel ég það
mjög mikilvægt að koma á slíkum
mótum. Einnig þyrfti að koma á
flokkaglímu fyrir hvern fjórðung og
drengja og unglinga mótum, senda
síðan þrjá fyrstu úr hverjum flokki
á flokkaglímu Islands þó eftir því
sem álitið er af dómurum hverju
sinni. Með þessu væri hægt að efla
þessa iþrótt að miklum mun. Þá gæti
komið fram mikið af góðum glímu-
mönnum um land allt.
Aðalsteinn I. Eiríksson, Reyðarfiröi.
Iþróttabandalag Keflavíkur efndi
til glímunámskeiðs eftir áramótin og
fékk hinn kunna glímumann Guð-
mund Frey Halldórsson til þess að
annast kennsluna.
Þátttaka í þessu námskeiði var
betri en þeir bjartsýnustu höfðu von-
að því milli 50 og 60 piltar tóku þátt
i námskeiðinu og varð að skifta pilt-
unum í aldursflokka og fjölga tím-
um. Námskeiðinu lýkur um mánaða-
mótin apríl-maí. Fyrirhugað er að
byrja glímuæfingar aftur strax
næsta haust.
Hafst. Guðmundsson.
Frá Glímudeild Glímufélagsins
Ármanns.
Fullyrða má, að starfsemi GGÁ
hafi aldrei staðið með meiri blóma,
en einmitt nú í vetur, enda hafa
aldrei fleiri glímumenn sótt reglulega
æfingar. Láta mun nærri, að tæp-
lega 200 drengir á aldrinum 7—16
ára (flestir eru 10—13 ára, 25—30
eru 16 ára gamlir) hafi stundað æf-
ingar reglulega. Þessi háa tala ber
ljóslega vott um vaxandi áhuga á
þjóðaríþrótt Islendinga, glímunni, og
vonandi ber forystumönum Ármanns
gæfa til að hlúa svo að þessum unga
glímumannahóp, að hann leysist ekki
upp og hverfi, heldur nái sterkur
kjarni að myndast í honum, sem síð-
ar, eftir 4—5 ár, yrðu helzta uppi-
staðan í glímusveit framtiðarinnar.
Hörður Gunnarsson, formaður
GGÁ, hefur lagt geysimikla vinnu og
alúð í þennan drengjahóp, en það er
ofviða einum manni til lengdar að
halda svona stórum hóp saman. Að
vísu hafa ýmsir eldri glimumenn
GGÁ aðstoðað Hörð við uppfræðslu
drengjanna í glimulistinni, en hann
hefur þó fyrst og fremst haft hita og
þunga dagsins á sínum herðum.
Eldri glímumenn félagsins hafa
sótt æfingar nokkuð vel ca. 40 að
tölu ,sumir reglulega aðrir ekki.
Þátttakan í æfingum eldri deildarinn-
ar hefur verið ca. 12—16 glímumenn
að meðaltali. Gísli Guðmundsson,
hinn snjalli og góði glímumaður, hef-
ur kennt eldri deild í vetur, og von-
andi heldur hann því áfram. Rúnar
Guðmundsson, glímukappi, og Hörð-
ur Gunnarsson hafa aðstoðað Gísla
við kennsluna.
Um þessar mundir eru innanfélags-
glímur að hefjast; Flokkaglíma Ár-
manns og Bikarglíma Ármanns. 1
flokkaglímunni verða 5 flokkar hjá
þeim eldri (3 þyngdar- og aldurs-
flokkar) og 8 flokkar hjá þeim yngri.
1 unglingaflokki verður keppt um
„Sigurjónsskjöldinn“ (Péturssonar),
sem Þorsteinn Hraundal vann s.l. ár,
en hann verður væntanlega með einn-
ig að þessu sinni. 1 flokki þeirra, er
fæddir eru 1955 og æft hafa tvo vet-
ur, verða sennilega sex keppendur,
sem allir eru efnilegir glímumerm;
Kjartan Ólafsson er kannski þeirra
efnilegastur.
Erfitt er að spá fyrir um úrslit í
Bikarglímu Ármanns, en s.l. ár sigr-
aði Pétur Sigurðsson, sem mun nú
verja bikarinn. Pétur hefur iðkað
glímu um langt árabil, en því miður
hefur hann ekki tekið þátt í opin-
berum glímum mörg undanfarin ár,
þrátt fyrir reglulega keppni innan-
félags. Guðmundur Freyr Halldórs-
son, Hörður Gunnarsson, Valgeir
Halldórsson og fleiri munu veita
Pétri hraða keppni, ef þeir verða
með, sem og vænta má.
Deildin hefur 12 æfingatíma til
umráða í viku £ Iþróttahúsi Jóns
Þorsteinssonar við Lindargötu, 8 æf-
ingartíma fyrir þá yngri og 4 æfing-
artíma fyrir þá eldri, og það hefur
staðið í járnum, að það nægði deild-
inni.
Gamlir gllmumenn og aðrir unn-
endur glímunnar undrast samtímis
því, sem þeir gleðjast yfir, hve glím-
an virðist í örum vexti nú um land
allt. Um tíma leit út fyrir, að hóp-
íþróttirnar myndu ganga af glímunni
dauðri, en þessi fjörkippur, sem
hlaupinn er £ glimuna, sannar það,
að hún á enn sterk £tök f Islending-
um. Samt sem áður verður að styðja
og efla á allan hátt störf þeirra fé-
laga, sem iðka glfmuna, svo að fjör-
kippurinn verði að varanlegu og
sterku lífi. Urtölumenn og rógberar,
sem um nokkur undanfarin ár hafa
opinberlega afflutt og hamlað eðli-
119