Íþróttablaðið - 01.04.1966, Blaðsíða 28

legt starf glímufélaga, ættu nú loks
að slíðra sín deigu vopn.
Ölafur H. Óskarsson.
Glímufréttir frá XJmf. BreiðabMk
í Kópavogi.
Ungmennafélagið Breiðablik er eitt
af þeim alltof fáu ungmennafélögum,
sem hafa glímukennslu og glímuæf-
ingar á stundaskrá snini. Félagið hef-
ur um nokkurt skeið átt allsnarpa
glímumenn, en formlega var ekki
stofnuð glímudeild með fastan kenn-
ara og þjálfara fyrr en á síðastliðnu
ári. Kom það í ljós, hér sem annars-
staðar þar sem glímukennsla hefur
verið hafin, að glíman á miklum vin-
sældum að fagna og stunda nú æfing-
ar í flokkum drengja og fullorðinna
yfir sextíu manns, en húsnæðisskort-
ur háir félaginu nokkuð.
Stofnað hefur verið til árlegrar
bikarglímu og fór hin önnur í röð-
inni fram fyrir skömmu, þótti hún
takast allvel og var glímuunnend-
um í Kópavogi til mikillar ánægju.
Ennfremur hafa verið haldnar kapp-
glímur fyrir drengi þrisvar á s.l.
vetri.
Glímudeild félagsins hefur dafnað
vel og telur nú rösklega 120 félaga,
hvetjum við því önnur ungmennafé-
lög til þess að taka höndum saman
og vinna að framgangi íslenzku
glímunnar.
Kópavogi, apríl 1966
Bigurður Geirdal.
Frá Glímudeild K.R.
Æfingar hafa verið tvisvar I viku
á þriðjudögum og föstudögum kl.
20.00 í Miðbæjarbarnaskólanum.
Þjálfari hefur verið eins og und-
anfarin ár Rögnvaldur Gunnlaugsson,
en hann er jafnframt formaður
glímudeildarinnar.
Margir nýir starfskraftar hafa
bæzt við á árinu og eru alltaf menn
að bætast í hópinn.
Þeir eldri hafa ekki æft að stað-
aldri, en þeir yngri æfa nokkuð vel.
K.R. hefur tekið þátt i þeim glím-
um í vetur sem þeir hafa átt kost á
þ.e.a.s. Skjaldarglímu Ármanns og
Landsflokkaglímunni, en í þeirri
glímu sigruðu K.R.-ingar í sömu
flokkum og 1965 þ.e.a.s. þrem af
sex. Hilmar Bjarnason varð Islands-
meistari í öðrum flokki, Einar
Kristinsson í Unglingaflokki og Jón
Unndórsson í Sveinaflokki, einnig átti
K.R. annan mann í fyrsta flokki og
þriðja flokki, átta fengu verðlaun í
glímunni.
K.R. hefur átt Islandsmeistara
annars flokks og Unglingaflokks þrjú
ár í röð einnig hafa K.R.-ingar sigrað
í bæði skiptin í Sveinaflokk, sem
glímt hefur verið í honum.
Það sem stendur glímunni mest
fyrir þrifum hjá K.R. er húsnæðis-
leysi, en félagið hyggst nú bæta
húsakost sinn við Kaplaskjólsveg og
verður eldra húsið að sjálfsögðu tek-
ið undir glímuna að einhverju leyti.
Sigtryggur Sigurðsson.
Fréttir frá Ungmennafélaginu
Víkverja.
Ungmennafélagið Víkverji var
stofnað í Reykjavík 9. október 1964.
Starfsemi þessa unga félags hófst
með glímukennslu í október sama ár.
Glímukennari var Kjartan Bergmann.
Innanfélagsmót var haldið 21.
marz 1965 — bikarglíma — og voru
þátttakendur sjö. Einnig var innan
félags flokkaglíma, haldin 2. maí.
Þar var keppt í þremur þyngdar-
flokkum fullorðinna og í unglinga- og
drengjaflokki. Þátttakendur voru alls
22 í þessari glímukeppni.
14 manna glímuflokkur frá félag-
inu sýndi glímu á Landsmóti U.M.F.
1. á Laugarvatni á s. 1. sumri.
1 október-mánuði s.l., hófst glímu-
kennsla aftur á vegum félagsins og
hefir verið kennt í allan vetur 1
Iþróttahúsi Jóns Þorsteinssonar, og
hafa þátttakendur verið alls um 70.
I vetur tóku 3 glímumenn frá fé-
laginu þátt í Skjaldarglímu Ármanns,
og 3 í Landsflokkaglímunni. Þá hafa
einnig verið háðar innan félagsins
glímukeppnir. Flokkaglíma þar sem
keppt var í þremur þyngdarflokkum
fullorðinna, og drengjaflokki og voru
þátttakendur 9, og bikarkeppni þann
17. apríl s.l. og voru þátttakendur 8
í þeirri keppni.
Stjórn Glímudeildar félagsins
skipa Hannes Þorkelsson, formaður
og með honum í stjórn eru þeir
Gunnar R. Ingvarsson og Hjálmur
Sigurðsson.
Valdimar Óskarsson.
Fjórðungsglímumót
V estfirðingafjórðungs.
Fyrsta fjórðungsglímumót Vest-
firðingafjórðungs var haldið 23. apríl
í Stykkishólmi, og vann Sveinn Guð-
mundsson mótið. Þátttakendur voru
10 auk Más Sigurðssonar íþrótta-
kennara er glímdu sem gestur.
Keppt var um fagran silfurbikar,
sem Sigurður Ágústsson alþingis-
maður gaf til verðlauna í þessari
keppni.
Úrslit urðu þessi: Sveinn Guð-
mundsson H.S.H. 9 v., Gissur
Tryggvason H.S.H 7 og y2 v., Vilberg
Guðjónsson H.S.H. 6 og y2 v., Árni
Páll Jóhannson H.S.H. 5 v., Gunnar
Kristjánsson H.S.H. 5 v., Guðlaugur
Erlendsson U.M.S.D. 4 v., Bjarni
Kristjánsson U.M.S.D. 3 og y2 v.,
Vagn Guðmundson 3 og % v., Egill
Þórðarson H.S.H. 1 v., Ómar Árna-
son H.S.H. 0 v.
Glíman þótti hin bezta.
Fjðrðungsglímumót
Sunnlendingafjórðungs.
Fyrsta fjórðungsglímumót Sunn-
lendingafjórðungs var haldið 30.
apríl í félagsheimili Garðahrepps, og
bar Ármann Lárusson sigur af hólmi.
Keppt var um fagurt glímuhorn,
sem Mjólkurbú Flóamanna gaf til
verðlauna í þessari keppni.
Þátttakendur voru fimm allur úr
U.M.S.K. Urslit urðu: Ármann
Lárusson 4 v., Sigurður Geirdal 3 v.,
ívar Jónsson 3 v., Ríkharð Jónsson
1 v., Gestur Kristinsson 0 v.
Fjórðungsglímumót
Norð lendingafjórð ungs.
Fjórðungsglímumót Norðlendinga-
fjórðungs var háð á Akureyri laug-
ardaginn 30. apríl s. 1. Þátttakendur
voru 5, þrír frá Ungmennasambandi
Eyjafjarðar og tveir frá Iþrótta-
bandalagi Akureyrar. Þetta er £
120