Íþróttablaðið - 01.10.1986, Side 10

Juventus
manns. Innan tveggja ára verður full-
gerður nýr völlur hjá Juventus og rúm-
ar hann svipaðan áhorfendafjölda. Á
æfingasvæðinu eru 4 grasvellir hver
öðrum betri. Auk aðalliðsins eru tvö
önnur lið innan Juventus en yngstu
strákarnir sem leika fyrir félagið eru
13-14 ára.
Eins og áður sagði er Platini fæddur
í Joeuf í Austur-Frakklandi. Faðir hans
var stærðfræðikennari en einnig þjálf-
ari heimaliðsins. Fjótlega tók hann eft-
ir hæfileikum sonar síns en þegar Plat-
ini var 17 ára gerði hann sér sjálfur
grein fyrir að hann ætti framtíð fyrir
sér sem atvinnuknattspyrnumaður. Þá
höfðu 4 atvinnumannalið samband við
hann og Platini ákvað að ganga til liðs
við Nancy. Nánast eingöngu sökum
þess að faðir hans hafði þjálfað hjá
Nancy og var öllum hnútum þar kunn-
ugur. Platini lét allan lærdóm lönd og
leið en valdi þess í stað að leika með
unglingaliði félagsins. Frami Platini á
vellinum var ekki eins skjótur og marg-
ur heldur því hann náði ekki að vinna
sér fast sæti í aðalliði Nancy fyrr en í
byrjun árs 1975 þá að verða 20 ára. Þá
héldu hæfileikar hans áfram að þróast
og skömmu síðar lék hann sinn fyrsta
landsleik sem var gegn Tékkóslóvakíu.
í þeim leik skoraði hann mark með
bananaskoti úr aukaspyrnu sem síðan
hefur verið hans vörumerki.
Ferifl Platini með Nancy var glæsi-
legur og skoraði hann 98 mörk í 175
leikjum. Frammistaða Platini vakti
áhuga liða utan úr heimi og gerðu
bæði Inter Milan og Valencia honum
tilboð. Hann ákvað þó að ganga til liðs
við besta lið Frakklands á þessum
tíma, Saint-Etienne. Stjarna Platini
skein skærar með hverju árinu sem
leið en eftir að Platini fór frá Saint-
Etienne hefur allt gengið á afturfótun-
um hjá félaginu og lék liðið í 2.deild á
tímabili.
KÓNGURINN í
EVRÓPU
Frá því að Platini fór til Ítalíu 1982
hefur hann verið kóngurinn í Evrópu.
Hann varð markahæsti leikmaður
deildarinnar þrisvar sinnum og hlaut
auk þess fjöldann allan af verðlaunum.
Platini er vel launaður leikmaður eins
Platini skýtur einu „bananaskoti" að
marki. Scirea fylgist vel með.
og allir geta ímyndað sér og þarf því
ekki að hafa miklar fjárhagsáhyggjur í
framtíðinni. Hann rekur íþróttamið-
stöð í Suður-Frakklandi og segist ætla
að starfa þar að loknum atvinnu-
mannaferlinum. Þar eru 5 knatt-
spyrnuvellir og um 30 tennisvellir og
segist Platini ætla að dvelja þar í fram-
tíðinni ásamt fjölskyldu sinni sem er
honum mjög kær. Reyndar segir hann
að eiginkonan, börnin og foreldrarnir
sé það í lífinu sem haldi honum heil-
brigðum. Platini á eftir eitt ár af samn-
ingnum hjá Juventus og þá kemur í
ljós hvort hann heldur áfram á Ítalíu
eða dregur sig í hlé.
En líf atvinnumannsins er ekki eilíft
sólskin og því hefur Platini kynnst eins
og flestir aðrir. Á meðan Platini lék
með Nancy var hann ávallt léttur í lund
og tók þátt í gríninu með félögunum.
Þar var hann ekki undir neinni pressu.
Er hann lék með Saint-Etienne tók
alvaran við og Platini varð lokaðri með
ári hverju. Aginn hjá félaginu var meiri
en hann hafði kynnst áður og í liðinu
voru 11 stjömur sem allar kepptust um
að skína sem skærast. Margir töluðu
um að Platini þjáðist af hinum nýja
sjúkdómi mannkynsins — þunglyndi.
Um tíma neitaði hann að leika með
landsliðinu sökum þrjósku og eigin
duttlunga. Fjölskyldulífið hjá Platini
var heldur ekki upp á það besta því
eiginkona hans hélt framhjá honum
með félaga hans úr landsliðinu og var
það á vitorði allra. Platini neitaði að
leika með landsliðinu ef þessi tiltekni
leikmaður léki einnig. Á þessum tíma
var Hidalgo að taka við sem landsliðs-
þjálfari og breytti hann leikaðferð liðs-
ins á þá leið að ekkert rúm var fyrir
viðhald eiginkonu Platini. Að sögn
franskra blaðamanna sem voru á ís-
landi fyrir skemmstu hefur Platini liðið
mikið fyrir þetta þó svo allt virðist vera
í lagi núna. Einnig sögðu blaðamenn-
irnir að Platini hafi neitað að tala við
franska blaðamenn eftir heimsmeist-
arakeppnina í Mexíkó sökum þess að
hann var harðlega gagnrýndur í heima-
landinu að henni lokinni. Ástæða þess
að Platini hefur verið fámáll er einnig
sú að Maradona er stjarna númer eitt í
heiminum í dag og fellur hann þá sjálf-
ur í skuggann.
PLATINI SKOTSPÓNN
Dálítið skondið var að fylgjast með
Uphitunaræfingar Juventus eru mjög fjölbreytD'
Laudrup er hér í fararbroddi í höfrungahlaupi.
10