Íþróttablaðið - 01.10.1986, Blaðsíða 17

Svifdrekaflug
altnen
et \>aYa
5ko»a set'
ni\egatVírt-
tókstog1?a
FAFRÆÐI
Er dýrt að stunda svifdrekaflug?
„Þarna kom spurningin sem við bið-
um eftir. Fólk veit ótrúlega lítið um
svifdrekaflug og elur með sér fjöldann
allan af ranghugmyndum. Ein þeirra er
að svifdrekaflug sé óheyrilega dýrt
sport og ekki á færi annarra en fokríkra
manna að stunda það. En þetta er
náttúrulega hin mesta vitleysa, við
erum allir óbreyttir almúgamenn.
Eini beini kostnaðurinn við iþrótt-
ina liggur í drekanum. Byrjandi getur
vel komist af með dreka fyrir 30.000
krónur og þá er hjálmur og flugvesti
talið með. Það er engin ástæða fyrir
byrjendur að festa kaup á dýrum og
fullkomnum tækjabúnaði. Reynslan
hefur sýnt að 60 - 70% þeirra sem byrja
á drekaflugi hætta því innan árs. Það
er því best að byrja smátt og þreifa sig
síðan áfram ef íþróttin höfðar til
manns á annað borð.
Þeir sem lengra eru komnir eru með
útbúnað sem kostar allt að 150 - 160
þúsund. Þá erum við að tala um góðan
dreka, flugvesti, fallhlíf, hjálm og full-
komna mæla, hraðamæli, hæðamæli og
rismæli. Mælarnir eru nauðsynlegir,
því líkaminn greinir ekki svo gjörla
hvað ris drekans er mikið. Einnig er
erfitt að átta sig á hraðanum miðað við
jörðu og hæð. Mælarnir sem við notum
eru fyrirferðarlitlir en ákaflega ná-
kvæmir. Flugmenn sem prófað hafa
mælana okkar hafa lýst undrun sinni á
nákvæmni þeirra.
Við klæðum okkur líka alltaf vel fyrir
hvert flug, því hver veit nema við verð-
um heppnir og lendum í góðu upp-
streymi og komumst upp í háar hæðir
og þar getur verið kalt. En ef það tekst
ekki þá kúldrumst við kappklæddir
niðri við jörð og þar getur maður
svitnað heil ósköp. En í góðum skilyrð-
um og í kyrru lofti er flugið nánast eins
auðvelt og liggja í leti upp í rúmi.“
Hvað er það sem lokkar menn út í
drekaflugið?
„Við þessari spurningu er ekki til
einhlítt svar. Drekaflugið er fjölbreytt
íþrótt þar sem allt er undir flugmann-
inum sjálfum komið. í fluginu kynnist
maður einnig nýjum hliðum á sjálfum
sér. í erfiðum flugum þarf maður að
vinna úr hræðslunni vitandi að enginn
getur komið til hjálpar.
Drekafluginu fylgir alltaf spenna,
hversu góð sem flugskilyrðin eru.
Spennan heldur flugmanninum vak-
andi og hann verður varkár. Ef hjartað
hættir að slá hraðar rétt fyrir flugtak
verða menn kærulausir og það má síst
í þessu sporti."
Þið eruð allir landsliðsmenn í dreka-
flugi og hafið keppt erlendis, hvernig
eru íslenskir flugmenn samanborið við
erlenda?
„íslenskir flugmenn er almennt tald-
ir nokkuð góðir og þökkum við erfið-
um flugskilyrðum það. Hitaupp-
streymin hér á landi eru mun minni og
strjálli en gengur og gerist á góðum
flugsvæðum erlendis. Við höfum því
töluverða reynslu í flugi við erfið skil-

17