Íþróttablaðið - 01.10.1986, Page 48

íslandsmótið
átti sérlega gott tímabil. Vamarmenn-
irnir Þorsteinn Þorsteinsson og Jón
Sveinsson komu vel út og var Jón einn
þeirra sem var spáð titlinum „besti
ungi leikmaðurinn" einkum eftir stór-
góða frammistöðu með U-21 ára lands-
liðinu í Finnlandi. Besti varnarmaður-
inn er þó Viðar Þorkelsson — geysi-
sterkur en um leið vel spilandi og á
mörkum þess að verðskulda landsliðs-
sæti. Einn besti leikmaður landsins um
þessar mundir og enn á uppleið. Lykil-
leikmaður í miðjuspilinu er Pétur
Ormslev sem stóð sig mjög vel í sumar,
einkum fyrri hluta mótsins. Það er
áberandi hve mikla þýðingu Pétur hef-
ur fyrir framherja Framliðsins, einkum
Guðmund Torfason sem er mjög háður
snilldarsendingum Péturs og á erfitt
uppdráttar þegar Pétur er ekki í stuði.
Ekki svo að skilja að hinir miðvallar-
leikmenn Fram þeir Ómar ðrlygsson,
Steinn Guðjónsson, Gauti Laxdal og
Kristinn Jónsson hafi verið farþegar í
Framliðinu. Öðru nær. Þeir stóðu sig
allir vel, mikilvægir hlekkir í liðskeðj-
unni og Gauti kórónaði sitt fyrsta tíma-
bil í meistaraflokki með því að vera val-
inn „besti ungi leikmaðurinn" af félög-
unum í 1. deild í lokahófinu glæsilega í
Broadway. Geysilega efnilegur piltur,
leikinn, með mikla yfirsýn og góðar
sendingar. Sóknarleikurinn hefur verið
aðall Framliðsins undanfarin ár og var
hann einnig mjög beittur í ár um leið
og aðrir liðshlutar styrktust. Nafnarnir
Guðmundur Torfason og Guðmundur
Steinsson fyrirliði eru besta miðherja-
par í íslensku knattspymunni. Frammi-
staða Guðmundar Torfasonar er rakin
hér annars staðar en kafteinn Guð-
mundur Steinsson stóð sig einnig afar
vel og var m.a. næst markahæstur í
deildinni með 10 mörk. Aðrir leikmenn
sem komu við sögu voru m.a. Þórður
Marelsson, Arnljótur Davíðsson, Öm
Valdimarsson, Þorsteinn Vilhjálmsson
ogfl.
Þjálfari liðsins, hinn geðþekki Ás-
geir Elíasson á stóran þátt í frábærum
árangri Fram s.I. tvö ár. Hann hefur
skapað lið sem er í hópi þeirra bestu
sem fram hafa komið á íslandi og er
gaman að íslenskur þjálfari skuli ná
svo góðum árangri. Rós í hnappagat
Ásgeirs Elíassonar.
Ekki má skiljast við Fram án þess að
minnast á hina ötulu forystusveit fé-
lagsins. Knattspyrnudeildinni er
stjórnað af nokkrum hörkuduglegum
ungum mönnum sem eru hreinlega
eins og giftir félaginu. Undir stjórn
Halldórs Jónssonar formanns er knatt-
spyrnudeild Fram án vafa sú best rekna
í landinu og það skilar sér í góðum
árangri meistaraflokks og mjög öflugu
unglingastarfi. Til hamingju Framarar!.
Valur: Gott tímabil —
Evrópusætið tryggt
„38 stig nægja til að vinna mótið,“
sagði Ian Ross þjálfari Vals í upphafi
móts og hann reyndist sannspár, eins
og oft áður. Þegar það varð Ijóst eftir
sigur Vals á ÍA í síðustu umferðinni og
jafntefli Fram gegn KR að Fram væri
íslandsmeistari á betri markatölu en
Valur sagði Ross: „Það er aldrei gaman
að tapa af titlum en ef það er hægt að
tapa titli á virðingarverðan hátt (with
dignity) gerðum við Valsmenn það
núna.“
Þetta má til sanns vegar færa. Valur
varð fyrir mikilli blóðtöku fýrir keppn-
istímabilið er fjórir af lykilleikmönnum
íslandsmeistaraliðsins frá í fyrra hættu
að Ieika með liðinu. Félagið fékk að
vísu nokkra sterka leikmenn í staðinn
en það tekur tíma að búa til nýtt lið.
Valsmenn áttu von á því að verða í
3.-5. sæti í mótslok. En eins og undan-
farin tvö tímabil óx liðinu ásmegin með
hverjum leik og í seinni umferðinni var
liðið komið á fulla ferð í baráttunni um
íslandsmeistaratitilinn. En þegar Þor-
grímur Þráinsson fyrirliði var kominn
með aðra höndina á bikarinn kom
slæmt tap fyrir KR og Fram fékk tæki-
færi á að tryggja sér titilinn.
Eigi að síður gott keppnistímabil
Vals og Ian Ross þjálfari sýndi enn einu
sinni hæfni sína að búa til sterkt lið
sem er á toppnum á réttum tíma. Erfitt
er að tína út þá leikmenn Vals sem
stóðu upp úr í sumar. Þar hefur ein-
faldlega verið reynt að búa til sterkt
lið þar sem einstaklingarnir leika hver
fyrir annan, engar stjörnur. Þetta hefur
tekist vel en frammistaða Guðmundar
Hreiðarssonar vakti þó sérstaka at-
hygli. Eftir að hafa verið í skugganum
og vermt varamannabekkina undanfar-
in ár fékk Gummi loks tækifæri er
Stefán Arnarson meiddist. Guðmundur
greip tækifærið báðum höndum svo og
flesta þá bolta sem á Valsmarkið komu
og var einn besti markvörður landsins í
sumar. Aðrir áberandi leikmenn voru
m.a. Guðni Bergsson hinn eldfljóti
varnarmaður sem bætti enn við sig í
leikskilningi og þroska og er í hópi
bestu varnarmanna landsins. Nýliðam-
ir Sigurjón Kristjánsson og Ámundi
Sigmundsson vom helstu markaskor-
arar Vals og stóðu sig mjög vel, hvor á
sinn hátt. Einnig er barátta Ámunda og
ósérhlífni til hreinnar íyrirmyndar.
Magni Pétursson er þýðingarmikill
hlekkur í Valskeðjunni en fær ekki
alltaf þá jákvæðu umfjöllun sem hon-
um ber. Aðrir stóðu sig einnig vel —
en eins áður sagði er Valsliðið fyrst og
fremst sterk heild.
ÍA: Enn einn titillinn
á Akranes
Það bjuggust ekki allir við miklu af
ÍA-liðinu í sumar. Þrátt fyrir reynslu-
mikinn hóp töldu margir sem það vant-
aði þetta nauðsynlega hungur í árang-
ur sem þarf til að fleyta liðum alla leið
á toppinn. Enda gekk upp og niður hjá
Skagamönnum fram í mitt mót er þeim
bættist óvæntur liðsauki. Pétur Pét-
ursson gekk í sitt gamla félag. Endur-
koma Péturs hafði góð áhrif á Skaga-
liðið. Bæði er Pétur hörkugóður Ieik-
maður og svo virtist hann hafa mjög
góð áhrif á félaga sína í liðinu og smit-
aði þá með krafti sínum og leikgleði.
En ÍA-liðið er ekki bara Pétur. Birkir
markvörður Kristinsson er með þeim
betri í deildinni og hefur vafalítið haft
gott af leiðsögn þjálfara síns, Jim
Barron fyrrverandi markvarðar. ÍA átti
og eitt af upphrópunarmerkjum sum-
arsins ef svo má að orði komast —
Heimi Guðmundsson sem er sérlega
Ieikinn og skemmtilegur bakvörður.
Ólafur Þórðarson er hættur að vera
efnilegur og orðinn góður. Einhver
vanmetnasti leikmaður landsins er
miðvallarleikmaðurinn Guðbjörn
Tryggvason, sannkallaður Iiðsspilari
sem sjaldan á slæman dag. Mikill
vinnuhestur sem leikur stórt hlutverk
bæði í varnarleik og sóknarleik ÍA-
liðsins. Barron þjálfari ÍA var hissa á
því að hægt skyldi að ganga framhjá
Guðbirni við val í landsliðið og Ian
Ross Valsþjálfari er sömuleiðis meðal
48