Íþróttablaðið - 01.12.1992, Side 10

„EG VARÐ
NÚ EKKI
BEINT
RÍKUR AF
ÞESSU„
Á tólf ára tímabili lék Sigurður
Sveinsson með fimm erlendum lið-
um. Olympia frá Svíþjóð, þýsku lið-
unum Nettelsted, Lemgo og Dort-
mund og spænska liðinu Atletico
Madrid. Segir Sigurður að ekki hafi
beinlínis verið um atvinnumennsku
að ræða í Svíðþjóð og að sér hafi
gengið illa að fá greitt á Spáni —
reyndar eigi hann ennþá peninga
inni hjá Atletico Madrid. En varð Sig-
urður Sveinsson ríkur af því að vera í
atvinnumennsku — á hann miklar
eignir eftir þennan rúma áratug í al-
þjóðahandbolta?
„Ég varð nú ekki beint ríkur af
þessu en maður gat komið sér vel
fyrir. Það er hægt að hafa ágætt upp
úr þessu. Ég var lengst í Þýskalandi og
svo á Spáni. Á Spáni eru mun meiri
peningar í boði en t.d. í Þýskalandi
og Frakklandi. Bestu atvinnumenn-
irnir á Spáni fá svimandi fjárhæðir og
ég get nefnt sem dæmi Vujovic hjá
Barcelona. Hann var talinn hafa um
25 milljónir á ári þegar ég var þarna.
Fyrir utan peningahliðina er ýmislegt
gert fyrir leikmenn í formi húsnæðis
o.fl. Þegar ég var í Þýskalandi fengu
leikmenn 30% afslátt ef þeir keyptu
bíl hjá BMW eða Volkswagen. Menn
voru að fá eins konar matar- og bens-
ínpeninga og það væri svo sem allt í
lagi að fá slíkt hér heima líka."
— Ertu atvinnumaður í íslenskum
handbolta núna?
„Ég hef heyrt margar kjaftasögur
um sjálfan mig hér heima. Því miður
er ég ekki atvinnumaður núna þó svo
SIGURÐUR
SVEINSSON
að ýmislegt sé gert fyrir mig. Það fara
orðið 5 tímar á dag í handboltann og
svo verð ég að vinna líka."
— Nú virðist sem svo að þú ættir
að geta haft gott upp úr því að leika
handbolta hér á landi ef marka má
eftirspurnina eftir þér. Hvað eru
menn reiðubúnir til að greiða fyrir
Þig?
„Það er rétt að það var talsvert um
fyrirspurnir hvað mig varðar fyrir
þetta keppnistímabil en ég lét málin
aldrei komast á það stig að menn
gætu farið að bjóða peninga. Ég var
búinn að ákveða að spila á Selfossi
að minnsta kosti einn vetur í viðbót
og sagði mönnum það. Ég er að vona
að ég nái að minnsta kosti að leika
næsta vetur líka en að þeim tíma
loknum fer ég kannski að leiða hug-
ann að þjálfun. Það freistar mín ekki
mikiðað veraspilandi þjálfari. Þaðer
betra að hætta sem leikmaður og
hellasérsvo af heilum huga íþjálfun-
ina. Ég hef ekkert velt því fyrir mér
hvað ég geri að afloknu yfirstandandi
tímabili — það verður bara að ráðast
af árangrinum. Markmið okkar Sel-
fyssinga er að komast í Evrópukeppn-
ina."
10