Íþróttablaðið - 01.12.1992, Blaðsíða 19

EmBríiH'W
HUGSAÐ UPPHÁTT
Fyrir skömmu kom út bókin
HUGSAÐ UPPHÁTT eftir Svavar
Gests en það er æviminningabók
höfundar. Eins og flestum er kunn-
ugt er Svavar landskunnur tónlistar-
og útvarpsmaður en eins og kemur
fram í bókinni HUGSAÐ UPPHÁTT
var hann sömuleiðis liðtækur
íþróttamaður. Gefum honum sjálf-
um orðið:
„Þegar sjómannsferli mínum lauk
fór ég aftur að vinna hjá Skipaútgerð-
inni en fyrr um sumarið hafði ég
kynnst Halli Símonarsyni sem var ári
yngri en ég. Hann átti heima skammt
frá mér, á Vesturgötu 34. Hallur var
farinn að æfa hlaup og slóst ég í för
með honum á eina æfingu því ég sá
fram á að þótt ég hefði æft knatt-
spyrnu með KR vor eftir vor þá kæm-
ist ég aldrei í keppnislið því ég var
alltaf sendur í sveit áður en knatt-
spyrnumótin hófust. Því var auðveld-
ara að stunda frjálsar íþróttir.
ÍSLANDSMET í
GRINDAHLAUPI
Ég hóf æfingar með Halli ogfyrren
varði keppti ég í 100 metra hlaupi og
110 metra grindahlaupi drengja. Ég
var gífurlega sprettharður, vann samt
ekki til fyrstu verðlauna í 100 metra
hlaupi en varð drengjameistari í 110
metra grindahlaupi sumarið 1944.
Hlaut fyrir þetta verðlaunapening og
nafn mitt í blöðin þegar greint var frá
úrslitum. Um úrslit hlaupsins sagði
Jóhann Bernharð í íþróttablaðinu:
„Svavar kom flestum á óvart enda er
þetta í fyrsta sinn sem hann keppir."
Sveit ÍR sem sigraði í Reykjavíkurboðhlaupinu 1945. Fremri röð f.v.: Haukur
Clausen, Magnús E. Baldvinsson, Finnbjörn Þorvaldsson, Gylfi Hinriksson,
Svavar Gests, Örn Clausen og Hannes Berg. Aftari röð f.v.: Óskar Jónsson,
Jóel Sigurðsson, Sigurður Sigurðsson, Valgarð Runólfsson, Kjartan Jóhanns-
son, Hallur Símonarson og Jóhannes Jónsson.
ISLANDSMEIST ARl
í FIMM MÍNÚTUR
— brot úr æviminningabók Svavars Gests,
HUGSAÐ UPPHÁTT
Ég hafði keppt undir merkjum KR en
næsta sumar hóf ég æfingar með
íþróttafélagi Reykjavíkur því bæði
var Hallur félagi minn í ÍR og fleiri
strákar sem ég hafði kynnst á Mela-
vellinum. Þetta sumar tók ég þátt í
þeim mótum sem buðust en vann
ekki til verðlauna nema í 4x100
metra boðhlaupi. Eitt sinn fréttist að
KR hefði efnt til innanfélagsmóts og
þar var keppt í 400 metra grinda-
hlaupi ífyrstasinn. Um leið eignaðist
KR fyrsta íslandsmethafann í þessari
grein. Og ekki bara drengjamethafa
því þetta var fyrsta mótið í þessari
grein og því fullkomið met sem gilti
jafnt fyrir drengi sem fullorðna. Þetta
sættu ÍR-ingar sig ekki við og aug-
lýstu innanfélagsmót í 400 metra
grindahlaupi nokkrum dögum síðar.
Keppt var í tveimur riðlum og sigraði
égífyrri riðlinum og bætti íslandsmet
KR-ingsins. Ég varð því íslandsmeist-
ari í400 metra grindahlaupi karla. En
Adam var ekki lengi í paradís, sann-
ast sagna ekki nema í fimm mínútur.
Þeir Haukur og Örn Clausen voru í
næsta riðli og hlupu báðir undir met-
tíma mínum.
Hlaupabrautin á Melavellinum
var malarbraut og var hún oftast nær
gljúp eftir rigningar. Þá voru ekki til
startblokkir eins og nú, heldur þurftu
hlaupararnir að grafa sér startholur.
Sé þetta haft í huga þá hafa tímar þeir,
sem ég náði í einstaka greinum á
drengjameistaramótum, verið vel
viðunandi. Ég hljóp 100 metra á 12,4
sek., 400 metra á 58,5 sek. og 110
metra grindahlaup á 18,6 sek.
Ég stundaði hlaup á Melavellinum
aðeins í þrjú sumur og var þá um leið
í boðhlaupssveit ÍR sem tók þátt í
Tjarnar- og Reykjavíkurboðhlaup-
inu. Eina myndin, sem til er af mér
sem íþróttamanni, erfrá Reykjavíkur-
boðhlaupinu þar sem sveit IR varð
sigurvegari. Allt fram á þennan dag
hef ég fylgst með árangri frjálsíþrótta-
manna, íslenskra sem erlendra, enda
standa frjálsar íþróttir öllum íþrótta-
greinum ofar í hug mínum."
19