Íþróttablaðið - 01.12.1992, Qupperneq 18
í KNATTSPYRNU
Sigmundur Ó. Steinarsson,
íþróttafréttamaður á Morgunblað-
inu, hefur getið sér gott orð fyrir
bækur um knattspyrnu sem hann
hefur skrifað. Má þar til telja bók um
Ásgeir Sigurvinsson og bækur um
heimsmeistarakeppnina í knatt-
spyrnu. Nú nýverið kom út ný bók
eftir Sigmund sem fjallar um sögu
Evrópukeppni landsliða í knatt-
spyrnu frá 1958-1992.
Bókin spannar sögu Evrópukeppn-
innar allt frá upphafi en eins og knatt-
spyrnuáhugamenn vita er Evrópuk-
eppnin orðin ein mesta knattspyrnu-
veisla sem fram fer. Það var þó ekki
fyrr en á Ítalíu árið 1980 sem keppnin
tók á sig núverandi form — tveir fjög-
urra liða riðlar, þar sem átta bestu
knattspyrnuþjóðir Evrópu reyna með
sér, en framan af var keppnin byggð á
útsláttarfyrirkomulagi.
í bókinni eru leikir keppninnar
raktir og ferill þeirra stjarna, sem
skinið hafa skærast hverju sinni, er
rakinn. Alls eru 150 stjörnur Evrópu-
keppninnar kynntar, allt frá di Stef-
ano og Yasim fram til Papin og
Schmeichel.
Sérstaklega er gerð grein fyrir þátt-
töku íslendinga í Evrópukeppninni í
aukaköflum við kaflana um þær for-
keppnir sem íslendingar hafa tekið
þátt í.
Sigmundur Ó. Steinarsson.
Ekki þarf að fara mörgum orðum
um feril Sigmundar Ó. Steinarssonar
— hann þekkja flestir íþróttaunnend-
ur. Hann hefur unnið í tvo áratugi við
íþróttablaðamennsku og er því flest-
um hnútum kunnugur jaegar íþróttir
eru annars vegar. M.a. má taka fram
að í bókinni er að finna Evrópu-
úrvalslið leikmanna Evrópukeppn-
annafrá 1958-1992 sem hópurfrétta-
manna var fenginn til að velja. Sig-
mundur Ó. Steinarsson var einn
þeirra sem tóku þátt í valinu. Af ellefu
leikmönnum úrvalsliðsins veitti Sig-
mundurátta þeirrabrautargengi ívali
sínu. Hann vildi taka þá Franco Bar-
esi, Lothar Mattháus og Johan Cruyff
úr liðinu og færir haldgóð rök fyrir
því að aðrir leikmenn hefðu fremur
átt heima í úrvalsliðinu.
Aðspurður sagði Sigmundur að
margir leikjanna í Evrópukeppninni
væru honum minnisstæðir en minn-
isstæðastan kvað hann vera leik Vest-
ur-Þjóðverja gegn Belgum í úrslita-
leik EM árið 1980 en hann varð í
meira lagi dramatískur.
Bókin er 160 blaðsíður að stærð og
er byggð upp á svipaðan hátt á fyrri
bækur Sigmundar. Fjölda fróðleiks-
mola er að finna í bókinni og er þar
oft að finna „hina hliðina" á leikjum
og leikmönnum keppninnar. M.a. er
sagt frá því að kassetta með lögum
Eltons John hafi verið í miklu uppá-
haldi hjá leikmönnum danska liðsins
síðastliðið sumar og hlustuðu þeir
ávallt á þessa snældu á leið sinni í
leiki. Fyrir úrslitaleikinn skaustafturá
móti nýtt lag upp á toppinn hjá
dönsku leikmönnunum — lagensku
stórsveitarinnar Queen „We are the
champions"!
Forkálfar í íþróttalífinu hafa jafnan
valist til að rita formála bóka Sig-
mundar. Meðal þeirra má nefna
Bryan Robson, fyrrum fyrirliða enska
fótboltalandsliðsins, og Ásgeir Sigur-
vinsson, fyrrum fyrirliða íslenska
landsliðsins. Á þessu er engin breyt-
ing að þessu sinni og formála bókar-
innar ritar forseti ÍSÍ, Ellert B. Schram.
Fróði hf. gefur bókina út og kostar
hún kr. 1.980,-
18