Dagblaðið Vísir - DV - 31.07.2020, Qupperneq 4

1 Myndavél rak á land – Sagði sögu skelfilegs harmleiks Árið
2005 rak myndavél á land í Taílandi,
með myndum sem teknar voru
tveimur mánuðum áður og sýndu
síðustu mínúturnar í lífi bandarískra
hjóna.
2 Sverrir tattoo er látinn: „Sakna þín ólýsanlega mikið“ Sverrir
Þór Einarsson, einnig þekktur sem
Sverrir tattoo, er látinn. Sverrir var
58 ára að aldri, þekktur húðflúrari og
litríkur persónuleiki.
3 Glæpur skekur Hrísey – Aldr-aður maður rændur milljónum
– „Helvítis kvikindið læddist í
kortið mitt“ Aldraður íbúi í Hrísey
varð fyrir því að ræstingamanni tókst
að millifæra hátt í þrjár milljónir af
bankareikningi hans.
4 Heilt fjölbýlishús grotnar niður á besta stað í borginni Rúm-
enskir verkamenn búa frítt í einu
elsta, grónasta og dýrasta hverfi
Reykjavíkurborgar.
5 Ásrún og Atli stunduðu kynlíf fyrir framan myndavél – „Þetta
var aldrei leikið eða performerað“
Hjónin Atli Bollason og Ásrún
Magnúsdóttir voru hluti af mynd-
bandslistaverki Ragnars Kjartans-
sonar.
6 Mæðgur fundust látnar í bíl – Skelfileg ástæða and-
látanna liggur nú fyrir Ung kona og
dætur hennar tvær fundust látnar
í bíl í Texasfylki í Bandaríkjunum.
Aðdragandinn var vægast sagt
skelfilegur.
7 Áreitt í Hagkaup í Skeifunni – „Ekki fokking grípa í rassinn
á mér í miðri búð“ Hin tvítuga Rut
Þorbjörnsdóttir varð fyrir þeirri
óskemmtilegu reynslu að vera áreitt
kynferðislega í verslun Hagkaups í
Skeifunni.
8 Komst að sannleikanum um eiginmanninn daginn sem hann
var myrtur Hin bandaríska Ashlee
Birk komst að skelfilegu leyndarmáli
mannsins síns sama dag og hann
var skotinn til bana.
MEST LESIÐ
Á DV Í VIKUNNI Í FRÉTTUM ER ÞETTA HELST...
Gísli Rúnar látinn
Á miðvikudag var tilkynnt að hinn þjóðþekkti leikari, grínisti,
handritshöfundur og þýðandi, Gísli Rúnar Jónsson væri látinn,
67 ára að aldri. Gísli Rúnar var gríðarlega afkastamikill á
sínum ferli og kom að gerð fjölda sjónvarpsþátta, kvikmynda
og leikverka sem eiga sér djúpar rætur í þjóðarsálinni. Sam-
úðarkveðjum og minningarorðum hefur rignt yfir fjölskyldu
Gísla Rúnars á samfélagsmiðlum undanfarna daga.
Ný tíðindi í máli Madeleine McCann
Erlendir miðlar greindu frá
því í vikunni að þýskur kyn-
ferðisbrotamaður, Christian
Brückner, væri grunaður
um að vera valdur að hvarfi
Madeleine Mcann. Rannsókn
hefur undanfarið staðið yfir
í garði í Hannover í Þýska-
landi þar sem Christian bjó
fyrir nokkrum árum. Lög-
reglan gæti verið að leita
að líkamsleifum Madeleine,
fatnaði hennar eða símtækj-
um eða öðrum rafrænum
búnaði sem tilheyra hinum
grunaða.
Endurráðningar flugfreyja
Félagsmenn FFÍ samþykktu nýgerðan kjarasamning við
Icelandair fyrr í vikunni. Fram kom að 170 flugfreyjur yrðu
endurráðnar. Samkvæmt nýjustu fregnum er mikil óánægja á
meðal félagsmanna FFÍ með endurráðningarnar og snýr það
meðal annars að þeirri ákvörðun að taka ekki eingöngu mið
af starfsaldri við endurráðningar, heldur lúti einnig að þáttum
eins og frammistöðu.
Aðgerðir gegn COVID-19 hertar á ný
Tilkynnt var um hertar aðgerðir innanlands og á landamærum
vegna COVID-19 frá hádegi 31. júlí. Fjöldatakmarkanir miðast
þá við 100 manns og tveggja metra reglan verður skylda á ný.
Eins og staðan er í dag eru 39 sýktir af veirunni hér á landi,
215 manns eru í sóttkví og búast má við að þeim fari fjölgandi
á næstunni. Einn sýktur einstaklingur hefur verið lagður inn
á Landspítalann.
Vill fá vopnaða lífverði
Jeffrey Ross Gunter, sendi-
herra Bandaríkjanna á Ís-
landi, vakti reiði margra með
Twitter- færslu þar sem hann
notaði orðið „Kínaveira“ yfir
kórónaveirufaraldurinn og lét
fylgja með mynd af banda-
ríska og íslenska fánanum. Í
umfjöllun CBS kemur fram
að sendiherrann telur lífi sínu
ógnað á Íslandi og vill fá vopn-
aða lífverði.
Knattspyrnan í hættu
Greint var frá því í vikunni að íþróttaviðburðum fullorðinna
muni verða frestað um viku. Það á einnig við um alla knatt-
spyrnuleiki fullorðinna sem hefðu átt að fara fram á næstu
dögum. Þrátt fyrir að einungis sé um viku að ræða þá gæti
komið til harðari aðgerða á næstunni. Tímabil í íslensku knatt-
spyrnunni gætu því verið í hættu ef aðgerðir verða hertar.
CMYK
SV/HV
Vertu viss um að velja
besta kjötið á grillið!
Meira á
www.fjallalamb.is

4 FRÉTTIR 31. JÚLÍ 2020 DV