Morgunblaðið - Sunnudagur - 01.03.2020, Qupperneq 2

Í FÓKUS
2 MORGUNBLAÐIÐ SUNNUDAGUR 1.3. 2020
Íslendingar eru upp til hópa keppnisfólk. Við keppum í öllu mögulegu; fót-bolta, fegurð, myndlist, söng og meira að segja pönnukökubakstri áLandsmótum ungmennafélaganna. Ætli það sé ekki einsdæmi í heim-
inum? Einu höfum við þó aldrei keppt í, alltént ekki svo ég viti. Það er svefn.
Samt blasir það við. Sumir geta ómögulega keppt í fótbolta, hvað þá fegurð,
söng, myndlist og pönnukökubakstri. En öll þurfum við að sofa og hljótum
fyrir vikið að vera gjaldgeng á Íslandsmeistaramótinu í svefni. Nema þá
helst allra hörðustu naglarnir sem halda því fram fullum fetum að þeir þurfi
ekki að sofa nema í tvo til þrjá tíma á
sólarhring. Áttu annan, lagsi?
Og ekki skortir áhugann. Við er-
um dugleg að flytja inn allskonar
sérfræðinga frá útlöndum til að
kenna okkur að sofa og fullt er út úr
dyrum þegar þeir taka til máls í
samkomuhúsum landsins. Enda er
fátt betra í þessu lífi en góður svefn.
Nema þá helst góðar hægðir.
Ég sé fyrir mér íþróttahúsið í
Digranesi. Nei, bíðum við, sjálfa
Egilshöllina, þar sem karlar og kon-
ur reyna með sér á Íslandsmeist-
aramótinu í svefni. Og allir á eins
beddum; ekkert formúlu eitt-kjaftæði yrði liðið. Þar sem sum rúm eru betri
en önnur. Það yrði svindl. Keppnin yrði að sjálfsögðu send út í beinni útsend-
ingu í sjónvarpi. Veit ekki hvort hún gerði sig í útvarpinu.
Kveikjan að þessum pistli var samtal við son minn í vikunni en hann er
mikill áhugamaður um svefnvenjur og kom sér fyrir skemmstu upp forláta
hring sem mælir svefn hans í bak og fyrir. Nóttina áður hafði hringurinn gef-
ið honum 9 í einkunn fyrir svefn sem hlýtur að teljast mjög gott á allan al-
mennan mælikvarða. Ég hafði reyndar mestan áhuga á því hvort hringurinn
væri þess umkominn að taka afrit af draumum manna en svo er því miður
ekki. Þekki ég vísindamenn rétt hlýtur slíkur hringur þó að koma á markað
innan fárra ára. Hugsið ykkur þvílík veisla það yrði!
En aftur að Íslandsmeistaramótinu í svefni. Svefn er ekki sama og svefn
og þess vegna er tímafjöldi afstæður. Þannig er ekki víst að maður sem sefur
laust og illa í fjórtán klukkustundir sé betur hvíldur en maður sem sefur eins
og hestur í sjö klukkustundir. Raunar allar líkur á því að sá síðarnefndi sé
betur búinn undir átök dagsins. En úr þessu myndi Íslandsmeistaramótið
auðvitað skera, þar sem svefnkóngur og svefndrottning Íslands yrðu krýnd.
En hafið mig nú afsakaðan; það er að svífa á mig einhver höfgi.
Zzzzzzzzzzzzzz …
Íslandsmeistara-
mótið í svefni
Pistill
Orri Páll
Ormarsson
orri@mbl.is
’ Ég hafði reyndarmestan áhuga á þvíhvort hringurinn væriþess umkominn að taka
afrit af draumum manna
en svo er því miður ekki.
Sindri Freyr Steinsson
Tvær. Þær voru allt í lagi, ekkert
spes.
SPURNING
DAGSINS
Hvað borð-
aðir þú
margar
bollur á
bolludag?
Xailette Bustamante
Enga á bolludag en sex á sunnudag-
inn. Tvær í morgunmat, tvær í há-
degismat og tvær í kvöldmat.
Gunnar Páll Einarsson
Tvær. Þær voru ekkert sérlega
góðar.
Þórey Anna Ásgeirsdóttir
Ég borðaði tvær bollur með
vanillukremi. Rosa góðar.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
RAX
Freyvangsleikhúsið í Eyjafirði sýnir um þessar mundir Önnu Frank í leikstjórn
Sigurðar Líndal. Járnbrá Karítas Guðmundsdóttir leikur Önnu Frank. Sýnt
verður á föstudags- og laugardagskvöldum fram á vor. Miðar fást á tix.is.
Sagan sem má
ekki gleymast
JÁRNBRÁ KARÍTAS GUÐMUNDSDÓTTIR
SITUR FYRIR SVÖRUM
Hvernig kom það til að þú fékkst aðalhlutverkið í
Önnu Frank?
Mamma sagði mér frá prufunum og ég ákvað að skella mér. Í
flýti um morguninn tók ég með mér ljóð eftir langömmu mína og
spann svo í kringum það. Ég var frekar lítið undirbúin. Svo feng-
um við líka texta frá leikstjóranum en prufurnar voru heila helgi.
Þegar ég var nýkomin heim á sunnudagskvöldinu hringdi leik-
stjórinn og spurði hvort ég vildi hlutverkið. Það kom mér svaka-
lega á óvart, af því að ég var líka búin að segja þeim að ég væri í
alls konar öðru, eins og dansi. En þau vildu mig samt og ég var
mjög glöð.
Hefurðu alltaf haft áhuga á leiklist?
Mamma sendi mig á leiklistarnámskeið þegar ég var lítil og þá
kviknaði áhuginn. Ég hef oft farið á sýningar í Freyvangsleik-
húsinu og líka leikið í sýningum en þetta er í fyrsta sinn sem ég
er í aðalhlutverki.
Ætlar þú að leggja leiklist fyrir þig?
Ég veit ekki hvað ég ætla að verða, en kannski leikkona. Það kemur
í ljós.
Varstu búin að lesa Önnu Frank áður en þú fórst í
prufuna?
Já, ég las hana fyrst þegar ég var tólf, þrettán. Ég skildi svo vel hvernig
Anna hugsaði og hvernig henni leið. Það er náttúrlega hræðilegt hvernig
sagan endar.
Finnst þér þessi saga enn eiga erindi í dag?
Já, þessi saga þarf alltaf að vera sögð. Ég þekki marga sem vita ekki hver
Anna Frank var. Ég vil alls ekki að þessi saga gleymist.
Dalvegi 10-14, 201 Kópavogi - Sími: 555-1212 - handverkshusid.is
Opið frá kl. 8 - 18 virka daga og 12 - 16 laugardaga
VILTU LÆRA SILFURSMÍÐI,
TÁLGUN EÐA TRÉRENNSLI?
Fjölmör
stuttnáms
í handve
g
keið
rki.
Skráning og upplýsingar á
www.handverkshusid.is
SÍGILDIR SUNNUDAGAR
KLASSÍSK TÓNLEIKARÖÐ
Ástarjátning
Cauda Collective
1. mars kl. 16
Nánar á harpa.is/sigildir