Morgunblaðið - 05.03.2020, Qupperneq 16

16 DAGLEGT LÍF
MORGUNBLAÐIÐ FIMMTUDAGUR 5. MARS 2020
Draghálsi 14 -16 · Sími 4 12 12 00 · www.isleifur.is
Þú finnur
gæðin!
Skoðaðu úrvalið
í netverslun
isleifur.is
Kristín Heiða Kristinsdóttir
khk@mbl.is
Ég tók bara upp á þessuhjá sjálfri mér að standafyrir samsöng. Mig lang-aði að syngja á svona
viðburði þegar ég sá innslag í Land-
anum um slíkt fyrirbæri. Ég er
kona úti í bæ sem finnst að svona
þurfum við að hafa í hverfinu okkar.
Við erum þrjú sem höfum verið
saman í því að undirbúa þetta og
koma þessu á koppinn, ég og Ólafur
Jóhann Ólafsson og Edda Hrönn
Gunnarsdóttir. Við höfum þekkst
frá því við vorum saman í Álftamýr-
arskóla og okkur finnst öllum gam-
an að syngja,“ segir Sesselja
Traustadóttir sem býr á Laug-
arnesveginum í Reykjavík og er
umhugað um menningarlífið í sínu
hverfi.
„Ég seldi þeim á Kaffi Lauga-
læk hugmyndina að hýsa viðburð-
inn okkkar og þau tóku vel í það.
Fyrsti Lækjarsöngur var í byrjun
febrúar og Svavar Knútur leiddi
sönginn. Þetta gekk vel og það var
rosalega gaman, þétt setinn sal-
urinn og allir að syngja með. Það
var alveg rífandi stemning og fólk
færði sig yfir til okkar úr hinum
enda hússins þegar söngurinn hófst.
Sá háttur var hafður á að fólki var
frjálst að koma með hljóðfæri og
taka þátt í undirleiknum og þrír
gestir gerðu það, tóku upp gítara
sína og spiluðu með,“ segir Sesselja
og bætir við að söngtextum hafi
verið varpað á skjá svo allir gætu
sungið með.
„Fyrst og fremst voru sungin
lög sem flestir kunna eða kannast
við, íslensk sönglög. Svavar Knútur
laumaði svo inn perlum sem sumir
höfðu ekki heyrt áður, til dæmis
sungum við Yfir í Fjörðum, eftir
Böðvar Guðmundsson, sem var al-
veg dásamlegt, þá bráðnaði liðið í
salnum. Þetta er lag sem allir á
Norðurlandi þekkja en
Reykjavíkursollurinn kann þetta
náttúrulega ekki, og er ekki vanur
að fá að syngja svona,“ segir Sess-
elja og hlær.
Lækjarsöngshópurinn ætlar að
bjóða í mánaðarlegan samsöng fyrir
alla sem vilja koma saman og
syngja.
„Við ætlum að vera með sam-
söng fyrsta föstudag í hverjum
mánuði út vorið, næsti Lækjar-
söngur verður á morgun föstudag 6.
mars, síðan fyrsta föstudag í apríl
og svo í maí,“ segir Sesselja og bæt-
ir við að Svavar Knútur ætli aftur
að leiða sönginn. Hún tekur fram að
gott geti verið að panta borð fyrir
fram. „Á Kaffi Laugalæk er góður
matur beint frá býli og gaman að
byrja kvöldið á því að gæða sér á
honum, en fólk þarf ekki að panta
mat frekar en það vill, þó að það
vilji koma og syngja. Allir eru
hjartanlega velkomnir og það kost-
ar ekkert inn. Það er svo gefandi að
syngja saman og það þarf að tala
þetta upp. Fólk þarf ekki að vera
komið í dagvistun hjá eldri borg-
urum til að mega syngja saman, það
má alveg húrra þetta saman í hverf-
inu hjá sér, hittast og segja hæ.
Lækjarsöngur er fjölskylduvænn,
síðast kom Svavar Knútur með
börnin sín með og aðrir gestir
gerðu það líka. Lækjarsöngshóp-
urinn var búin til í kringum sam-
söng í hverfinu og mögulega færum
við okkur um hverfið, við gætum til
dæmis verið einhvern daginn í Kaffi
Flóru í Grasagarðinum, hver veit.“
Lækjarsöngur fyrir alla
Ljósmyndir/Gréta Sóley Arngrímsdóttir
Gaman Gestir tóku vel undir í fyrsta Lækjarsöng, Sesselja fremst t.h., á móti henni sitja Ólafur Jóhann Ólafsson og
Edda Hrönn Gunnarsdóttir, en þau þrjú hafa verið saman í því að undirbúa viðburðinn sem verður aftur á morgun.
Svavar Knútur Gestir mega koma með eigin hljóðfæri og spila með.
Lækjarsöngur hefst á morgun
föstudag kl. 20.30 á Kaffi Lauga-
læk, Laugarnesvegi 74 a Reykja-
vík. Þeir sem vilja, koma með
hljóðfærin sín og spila með. Happy
á barnum til kl. 19 og góður matur
á matseðlinum. Borðapantanir á
Facebook: kaffi.laekur
Allir sem reynt hafa vita að það að syngja saman veitir mikla gleði, enda hefur verið sýnt fram á að við slíka
iðju framleiði fólk endorfín, sem er vellíðunarefni. Á morgun, föstudag, verður Lækjarsöngur öðru sinni á
kaffihúsinu Kaffi Laugalæk, þar sem Svavar Knútur mun leiða samsöng gesta. Hin söngglaða Sesselja
Traustadóttir er forsprakki að viðburðinum.
Norðanfólk sem býr í henni Reykja-
vík sækir margt svokallaða
Akureyrarmessu sem haldin er í
höfuðstaðnum fyrir sunnan ár
hvert. Akureyrarmessan þetta árið
verður næstkomandi sunnudag, 8.
mars, kl. 14 í Bústaðakirkju í
Reykjavík. Séra Pálmi Matthíasson
þjónar við athöfnina, en ræðumað-
ur dagsins verður Gísli Sig-
urgeirsson. Hljómsveit Rafns
Sveinssonar mætir að norðan og
flytur tónlist Birgis Marinóssonar,
en hann lést á Akureyri á öðrum
degi jóla á síðara ári. Mynd eftir
Kristinn G. Jóhannsson listmálara
prýðir sálmaskrána að venju og í
þetta sinn er hún af fjallinu Kald-
bak við Eyjafjörð. Allir eru hjartan-
lega velkomnir.
Árleg Akureyrarmessa
Hljómsveit og
ræðumaður
Kaldbakur Mynd Kristins G. Jóhanns-
sonar listmálara prýðir sálmaskrá.
„Vá! Bækur, les-
endur þeirra og
allt hið voðalega
í heiminum, er
yfirskrift árlegrar
ráðstefna um
barna- og ung-
lingabókmenntir
sem haldin verð-
ur í Gerðubergi
nk. laugardag, 7.
mars, kl. 10.30-
13. Á ráðstefnunni verður fjallað um
birtingarmyndir loftslagsbreytinga
og annarra erfiðra viðfangsefna
samtímans í bókmenntum fyrir ung-
menni. Einnig verður rýnt nánar í
hvaða bækur standa börnum og
unglingum til boða, hvaða hlutverki
barna- og ungmennabækur gegna í
breyttum heimi og hvernig miðla
má efni, bæði í leik og í starfi, til
ungra lesenda. Hildur Knútsdóttir,
Guðrún Lára Pétursdóttir, Sævar
Helgi Bragason, Hjalti Halldórsson
og Dögg Lára Sigurgeirsdóttir halda
erindi.
Ráðstefnan er opin öllu áhuga-
fólki um íslenskar barna- og ung-
lingabókmenntir.
Ráðstefnan Vá! Bækur
Hildur
Knútsdóttir
Barna- og ung-
lingabókmenntir
Café Lingua – lif-
andi tungumál er
samkunda sem
fer reglulega fram
á vegum Borgar-
bókasafnsins og
Vigdísarstofn-
unar. Næsti hitt-
ingur er í dag,
fimmtudag, í
Stúdentakjallar-
anum Háskólatorgi og hefst kl. 18.
Viltu kynnast einhverjum sem talar
reiprennandi tungumálið sem þú ert
að læra? Viltu deila þínu eigin tungu-
máli með einhverjum sem er að reyna
að ná tökum á því? Einstakt tækifæri
til að kynnast nýjum menningar-
heimum og heimsborgurum í Reykja-
vík og æfa sig í tungumálum í leið-
inni. Eitt af markmiðunum er að
virkja þau tungumál sem hafa ratað
til Íslands með fólki hvaðanæva og
auðgað mannlíf og menningu ásamt
því að vekja forvitni.
Café Lingua í kvöld
Æfið ykkur í
tungumálum
Cafe Lingua