Morgunblaðið - 31.03.2020, Blaðsíða 27

ÍÞRÓTTIR 27
MORGUNBLAÐIÐ ÞRIÐJUDAGUR 31. MARS 2020
Umræðan um hvort og hvern-
ig eigi að ljúka hinum ýmsum yf-
irstandandi íþróttamótum er að
vonum áberandi á þessum ein-
kennilegu dögum og vikum.
Flestir virðast smám saman
vera að átta sig á þeirri stað-
reynd að það er ekki hægt að af-
lýsa deildakeppni sem er langt
komin. Henni þarf að ljúka á ein-
hvern hátt.
Stökum mótum er hægt að af-
lýsa og halda aftur að ári án þess
að það komi að of mikilli sök en
deildakeppni lýtur allt öðrum
lögmálum.
Þar þarf að fá niðurstöðu,
krýna meistara, úrskurða um
færslur á milli deilda, ákvarða
sæti í Evrópukeppni.
Þú byrjar ekki keppni sem
hefur verið í gangi þrjá fjórðu-
hluta tímabils upp á nýtt með
allt á núlli. Það er í raun svo ein-
falt að ég eyði ekki plássi í að út-
lista ástæðurnar fyrir því.
Til að fá niðurstöðu í yfirstand-
andi deildakeppni eru tvær leiðir.
Leika hana til enda eða taka þá
ákvörðun að staðan þegar henni
þurfti að fresta gildi sem loka-
staða.
Ekki þarf að rökræða mikið
um hvor aðferðin er æskilegri.
KKÍ valdi þá seinni fyrir íslenska
körfuboltann. Fór strax í verri
kostinn, neyðarúrræðið, en klár-
aði ekki dæmið alveg. Ef þetta er
gert þarf að krýna meistara í
leiðinni. Stjörnukarlar og Vals-
konur áttu að sjálfsögðu að fá Ís-
landsbikarana 2020 fyrst þessi
leið var valin, og tvö lið áttu að
færast á milli karladeildanna.
Hina aðferðina þarf ekki að
fara mörgum orðum um. Loksins
þegar óhætt verður að stunda
íþróttir á ný, þegar Víðir leyfir
það, verður hafist handa við að
ljúka yfirstandandi deildakeppn-
um. Sama hvaða tíma það tekur.
Næsta tímabil byrjar ekki fyrr en
þessu lýkur. Hvenær sem það
verður.
BAKVÖRÐUR
Víðir Sigurðsson
vs@mbl.is
GOLF
Kristján Jónsson
kris@mbl.is
Golfíþróttin er að einhverju leyti í
annarri stöðu en ýmsar aðrar íþrótta-
greinar hvað það varðar að tímabilið
hér heima er ekki hafið. Brynjar Eld-
on Geirsson, framkvæmdastjóri GSÍ,
segir að af þeim sökum þá muni GSÍ
hinkra alla vega fram til mánaðamóta
apríl/maí með að taka stórar ákvarð-
anir um mótahald GSÍ. Vissulega ríki
þó óvissa varðandi mótahald vegna
kórónuveirunnar og þeirra áhrifa
sem hún hefur á samfélagið allt.
„Eins og er höldum við okkur við
okkar áætlanir varðandi landsliðs-
verkefni ársins og fleira. Eins og við
þekkjum er óvissa í golfíþróttinni
eins og annars staðar á meðan veiran
er að ganga yfir heimsbyggðina.
Reynt er að fresta sem minnstu langt
fram í tímann í golfinu á alþjóðlegum
vettvangi. Það er viðmiðið um þessar
mundir að taka ekki ákvarðanir of
langt fram í tímann. Menn skoða
hvern viðburð fyrir sig. Segja má að
einnig sé verið að vinna þannig að
hlutunum hér heima.
Við höfum látið golfklúbbana vita
að við tökum stöðuna um mán-
aðamótin apríl/maí varðandi móta-
hald GSÍ. Við höfum sent út ákveðin
tilmæli til klúbbanna um að ætli
menn að halda mót, til dæmis opin
mót í apríl eins og stundum hefur
verið gert þegar vel viðrar, að þá
þurfi menn að fara að öllum til-
mælum yfirvalda. Ég held samt sem
áður að slíkt mótshald sé erfitt í ljósi
aðstæðna og líklega yrði takmörkuð
þátttaka og enn ekkert öruggt hvað
veðurfar varðar. Við munum gera
ráðstafnir um mánaðamótin apríl/
maí allt eftir því hvernig útlitið verð-
ur,“ segir Brynjar og bendir á að erf-
itt sé að spá fyrir um framvinduna á
alþjóðlegum vettvangi og hjá þeim
mótaröðum sem íslenskir atvinnu-
kylfingar eiga keppnisrétt á. Ástand-
ið vegna veirunnar sé misjafnt eftir
löndum og þau geti verið mislengi að
vinna úr því.
„Þetta er erfitt. Fæstir átta sig á
að þjóðir eins og Ítalía, Spánn og
Þýskaland senda marga keppendur á
þessi mót á mótaröðunum í Evrópu
og halda einnig mikið af mótum á
hverju ári. Einnig þjóðir eins og Sví-
ar og Danir. Veiran hefur því mikil
áhrif á heildina litið jafnvel þótt hægt
væri að halda mót á einhverjum stöð-
um. HM landsliða er á dagskrá í
september og verður í Asíu. Þangað
sendum við keppendur. Ef ástandið
hjá Evrópuþjóðum verður langvar-
andi þá mun koma þrýstingur að
færa mótið til eða fella það niður.
Persónulega hef ég mestar áhyggjur
af því að veiran er á svo mismunandi
stigum hjá þjóðum í Evrópu. Það
gæti raskað mótshaldi. Þótt við verð-
um til í slaginn hér á Íslandi þá er
ekki víst að allir í Evrópu verði í
stakk búnir til að fara út í alþjóðlega
keppni.“
Kylfingarnir komnir heim
Spurður út í íslenska atvinnukylf-
inga segir Brynjar þá bíða nú átekta
og æfa hér heima.
„Okkar landsliðsfólk og afreksfólk
undirbýr sig eins og stutt sé í keppni
en virðir stöðuna og fyrirmæli yf-
irvalda. Flest þeirra eru í undirbún-
ingsvinnu fyrir komandi átök hvenær
sem að þeim kemur. Sum þeirra voru
byrjuð að spila eins og Valdís og
Ólafía og eru nú í ákveðinni óvissu.
Atvinnumenn hafa komið heim á
meðan það versta gengur yfir. Eru
sjálf að æfa hér heima hjá sínum
klúbbum. Maður tekur einnig eftir
því í öðrum íþróttum eins og hand-
boltanum að atvinnumenn eru komn-
ir heim í bili.
Mótaraðirnar eru um alla Evrópu.
Íþróttir almennt eru ekki númer eitt
á listanum þegar stjórnendur fyr-
irtækja þurfa að hagræða innan
sinna fyrirtækja og taka sársauka-
fullar ákvarðanir. Mótaraðir eru háð-
ar samstarfsaðilum sínum og það á
einnig við um stóru mótaraðirnar.
Fyrirtæki víða um heim eru í ólgusjó
og við í íþróttahreyfingunni þurfum
að bíða og vona. Þegar úr rætist í
efnahagslífinu munum við fá aftur
það súrefni í starfsemi okkar sem við
þurfum frá okkar samstarfsaðilum.“
Mismunandi áherslur
Brynjar segir að Svíar haldi golf-
völlum opnum með ákveðnum skil-
yrðum. Þeir hafi einnig tekið ákvarð-
anir fyrir nokkrum vikum varðandi
mótshald.
„Þjóðirnar eru að takast á við
ástandið á mismunandi hátt. Svíar
ætla að halda öll unglingamót á árinu
og hvika ekki frá því en hafa slegið af
öll öldungamót. Ætla einnig að hafa
færri í hverjum ráshópi, leikmaður
skráir skorið sjálfur, engir kylfuber-
ar, engir áhorfendur og skálinn lok-
aður. Matarpakkar afgreiddir í gegn-
um lúgu. Þetta gáfu Svíar út fyrir
þremur vikum. Hægt er að hafa golf-
velli opna fyrir almennan leik og
halda golfmót með ákveðnum reglum
eins og Svíar eru að gera. Mótanefnd
GSÍ er að meta stöðuna varðandi allt
þetta og fylgjast grannt með hvernig
þróun mála er hér heima. En eins og
komið hefur fram hjá Hauki Erni
[Birgissyni forseta GSÍ] þá er móta-
tímabilið okkar ekki í fullum gangi
núna eins og hjá mörgum öðrum
þjóðum og eða íþróttagreinum. Það
er því enn töluverður tími til stefnu
fyrir okkur. Við munum fylgja því
eftir í einu og öllu sem íþróttahreyf-
ingin er beðin um að gera og hvað til-
mæli og reglur yfirvalda varðar.
Fjölgun iðkenda í sumar?
Brynjar er bjartsýnn varðandi ís-
lenska golfsumarið. Tekjutap verði
þó líklega vegna þess að straumur er-
lendra ferðamanna hefur dregist
snarlega saman þar sem samgöngur
hafa laskast verulega. En þrátt fyrir
það gæti fjölgun iðkenda mögulega
orðið staðreynd.
„Golfið er hentug íþrótt út frá lýð-
heilsusjónarmiðum og frábær kostur
fyrir alla sem þurfa að hreyfa sig í
þessum aðstæðum sem nú eru. Hægt
er að fara út á völl með því að fylgja
þeim reglum sem settar eru. Ég er
bjartsýnn á að golfsumarið hérna
heima geti orðið frábært. Utanlands-
ferðir liggja nánast niðri og ég tel að
golfið komi sterkt inn með vorinu.
Það hefur sýnt sig að golfíþróttin hef-
ur alltaf vaxið í kreppuástandi. Það
sást til dæmis eftir síðustu fjár-
málakreppu. Þá sáum við aukningu í
félagatali golfhreyfingarinnar þrátt
fyrir spár um annað.
Sumir okkar klúbba hafa fengið
töluvert af erlendum gestum og
treysta á vallargjöld frá þeim. Það
mun dragast saman þetta sumarið
sem er miður. Síðasta sumar var
metár hvað það varðar en eins og út-
litið er núna þá tapar hreyfingin
tekjum í þessu tilliti. Að öðru leyti er-
um við bjartsýn miðað við aðstæður
og sjáum fyrir okkur gott golfsumar.
Vonandi munu sveitarfélögin
styðja við íþróttafélögin á allan hátt
sem unnt er. Félögin sitja uppi með
ýmsan fastan kostnað eins og starfs-
fólk og þjálfara en skertar tekjur og
styrki. Við höfum heyrt það að und-
anförnu frá stjórnarfólki í íþrótta-
hreyfingunni í fjölmiðlum. Ekki geta
allir gefið launin sín eftir. Til dæmis
ef það eru einu tekjurnar hjá íþrótta-
fólki. Það þarf að koma einhver raun-
veruleg aðstoð til skjalanna til þess
að koma íþróttafélögunum okkar í
gegnum þetta ástand sem nú ríkir,
frá ríki og sveitarfélögum. Ef illa ár-
ar hjá félögunum þá árar eðlilega illa
hjá sérsamböndunum. Okkar regn-
hlífarsamtök, ÍSÍ, þurfa að fara fyrir
íþróttahreyfingunni og hvetja til að-
gerða frá ríki og sveitarfélögum og
þannig koma íþróttafélögunum og
sérsamböndum okkar í gegnum
þetta óveður og vonandi styttir upp
sem fyrst,“ segir Brynjar Geirsson.
Kylfingar bíða átekta
 Golfsambandið mun skoða stöðuna nánar vegna kórónuveirunnar í lok apríl
 Framkvæmdastjóri GSÍ bjartsýnn á golfsumarið  Víða erlendis er þó óvissa
Ljósmynd/seth@golf.is
Íslandsmeistararnir Guðrún Brá Björgvinsdóttir og Guðmundur Ágúst
Kristjánsson eru í biðstöðu með sín verkefni erlendis vegna veirunnar.
Birkir Heimisson, knattspyrnumað-
ur úr Val, hefur staðfest að hann sé
með kórónuveiruna en það kom
fram á fótbolti.net. Þar skýrði Birk-
ir frá því að hann hefði verið rúm-
liggjandi síðustu viku en væri orð-
inn einkennalaus og liði ágætlega.
Hann verði í einangrun í fjórtán
daga. Birkir, sem er tvítugur og
kom til Vals frá Heerenveen í Hol-
landi í vetur, er fyrsti leikmaðurinn
í Pepsi Max-deild karla sem skýrir
frá því að hann hafi fengið veiruna
en áður hefur komið fram að Ólafur
Stígsson, annar þjálfara Fylkis, hafi
greinst með hana.
Birkir fékk
kórónuveiruna
Morgunblaðið/Skapti Hallgrímsson
Norðanmaður Birkir Heimisson
hóf ferilinn með Þór á Akureyri.
KÖRFUBOLTI
Víðir Sigurðsson
vs@mbl.is
Jón Axel Guðmundsson landsliðsmaður í körfu-
knattleik hefur ákveðið að taka þátt í nýliðavali
NBA-deildarinnar í sumar en þetta staðfesti
hann við Morgunblaðið í gær. Valið á að fara
fram í Brooklyn í New York 25. júní.
Jón Axel lýkur námi frá Davidson-háskóla í
vor en þar hefur hann átt fjögurra ára afar far-
sælan feril og hefur slegið fjölda meta í sögu
Wildcats, körfuboltaliðs skólans.
Hann átti að leika með liðinu í fyrstu umferð
úrslitakeppni bandarísku háskóladeildarinnar,
„March Madness“, föstudaginn 13. mars en
keppninni var aflýst nokkrum klukkustundum
fyrir leikinn og þar með var ferli Jóns með Wild-
cats lokið.
„Já, ég er búinn að ákveða að fara í nýliðavalið
þó eins og er sé allt í óvissu hérna þar sem allt er
lokað. Fyrsta skrefið hjá mér er að fá mér um-
boðsmann, ég er með nokkra í sigtinu og á eftir
að velja úr en geri það örugglega í þessari viku,“
sagði Jón Axel við Morgunblaðið.
Hætti við fyrir ári síðan
Hann er áfram vestanhafs enda skólinn enn þá
í gangi, í fjarkennslu, þótt körfuboltatímabilinu
sé lokið. „Já, það er allt lokað hérna og maður
stundar námið bara í gegnum netið,“ sagði Jón
Axel en kórónuveiran hefur ekki herjað eins
harkalega í Norður-Karólínu og víða annars
staðar í Bandaríkjunum.
Hann skráði sig í nýliðavalið síðasta vor en
ákvað í lok maí að hætta við og ljúka í staðinn
náminu við Davidson-skólann með fjórða og síð-
asta tímabilinu þar. Þá hafði hann æft með bæði
Sacramento Kings og Utah Jazz til að sýna sig
og sanna en þann vetur hafði hann verið kjörinn
besti leikmaðurinn í Atlantic 10 háskóladeildinni,
sem og íþróttamaður ársins í karlaflokki hjá
Davidson.
Jón Axel ætlar í nýliðaval NBA
 Stundar námið á netinu síðustu vikurnar á loka-
vetrinum í Davidson-háskólanum í Bandaríkjunum
AFP
Davidson Jón Axel Guðmundsson hefur átt góðu
gengi að fagna vestanhafs undanfarin ár.