Morgunblaðið - 02.04.2020, Page 20

20 FRÉTTIRInnlent
MORGUNBLAÐIÐ FIMMTUDAGUR 2. APRÍL 2020
Skeifan 3 • 108 Reykjavík • Sími 581 2333 • rafver.is • rafver@rafver.is
VORHREINGERNINGARDAGAR
23. mars-8. apríl
Frábær tilboð
FC 5 Skúringarvél
K7 Öflug
háþrýstidæla
K5 Öflug
háþrýstidæl 28.802
Hvít
55.096
Með rafhlöðu
Áður 33.885
WV 1 Gluggaskafa
Áður 64.819
18.684
Gufutæki
Áður 20.760
SC 1 Gufutæki
VC 2 Ryksuga
14.442
Ryksuga
Áður 16.990
8.990
Hvít
Áður 9.999
74.691
Háþrýstidæla
Áður 82.990
a
59.391
Háþrýstidæla
Áður 65.990
Ágúst Ingi Jónsson
aij@mbl.is
Alls varð aflinn í marsmánuði hjá
Bárði SH frá Ólafsvík 1.091 tonn og
einhver kíló, eins og Pétur Péturs-
son, skipstjóri og útgerðarmaður,
orðar það. Bárður er á netum og lík-
legt er að um metafla sé að ræða á
netabát í einum mánuði. „Strákarnir
voru að gúggla þetta og fundu engin
dæmi um svona mikinn afla,“ segir
Pétur og kunnáttumenn í þessum
fræðum, sem rætt var við í gær, tóku
undir það.
Bárður kom nýr til landsins frá
Danmörku í lok síðasta árs og hóf
róðra er líða tók á janúar. Frá ára-
mótum er aflinn alls orðinn 1.869
tonn. Bárður er stærsti vertíðar-
bátur landsins sem smíðaður er úr
plasti, en hann er 26,9 metra langur,
sjö metra breiður og með 2,5 metra
djúpristu.
Vinna og sofa
Í mars komu þeir á Bárði mest
með um 65 tonn að landi eftir daginn
4. mars úr átta trossum. Alls voru
róðrarnir í mánuðinum 30 og landað
var 31 sinni. Frá 21. mars reri Pétur
eldri á gamla Bárði, sem er 15 metra
og tæplega 30 metra plastbátur. Þar
fiskaðist sömuleiðis mjög vel. Pétur
sonur útgerðarmannsins tók þá við
stjórn á nýja bátnum og landburð-
urinn hélt áfram.
„Þetta hefur klárlega verið um-
fram væntingar hjá okkur í mars-
mánuði og það langmesta sem ég hef
nokkurn tímann fengið,“ segir Pétur
eldri. „Það var róið nánast alla daga
mánaðarins þrátt fyrir að ótíð hafi
stundum gert sjósókn erfiða. Menn
eru eðlilega orðnir þreyttir og gera
ekki mikið annað þessa daga en að
stunda vinnuna og fara svo heim að
sofa.“
Í gær var bræla við Breiðafjörð,
en Pétur stefnir á að fara í 2-3 róðra
fyrir páska. Þar sem páskastopp er
skollið á á svæðinu þarf að sækja út
fyrir fjórar mílur til 11. apríl og síð-
an út fyrir 12 mílur til 23. apríl.
Þrátt fyrir kórónufaraldur segir
Pétur að lífið og samfélagið gangi að
mestu sinn vana gang.
Metmánuður að baki
hjá áhöfninni á Bárði
 1.091 tonn og einhver kíló, segir Pétur útgerðarmaður
Morgunblaðið/Alfons Finnsson
Veisla Haldið var upp á þúsund tonnin í brúnni á Bárði með gómsætri og fallega myndskreyttri tertu í fyrrakvöld.
Frá vinstri: Sæbjörn Ágúst Svavarsson, Guðjón Árnason, Eiríkur Gautsson, Pétur Pétursson yngri, Loftur Bjarna-
son, Jóhann Eiríksson, Pétur Péturson eldri, Helgi Már Bjarnason, Kristján Helgason og Höskuldur Árnason.
Norðmenn máttu hefja hrefnuveiðar
ársins í gær, 1. apríl, og er heimilt að
veiða 1278 dýr. Það er sami kvóti og í
fyrra, en þá veiddust 429 dýr og var
það lélegasta vertíðin fram til þessa.
Veiðarnar eru umdeildar og hefur
breski stjórnmálamaðurinn og auð-
jöfurinn, Michael Ashcroft, gagnrýnt
veiðarnar harðlega. Segir þær gam-
aldags, villimannslegar og ónauðsyn-
legar.
Fjallað er um málið á vef NRK
Nordland og er vitnað í grein sem
Ashcroft lávarður skrifaði i Mail on
Sunday. Þar segir Ashcroft að Norð-
menn geti ekki réttlætt slátrun á
hrefnum í hundraðavís á hverju ári.
Hann segist ekki kaupa þær rök-
semdir að veiðarnar byggist á norsk-
um hefðum. Að sama skapi hafi
þrælahald verið hluti af venjum í
Bretlandi fram til 1833.
Um 100 þúsund hrefnur sé að finna
í norskum sjó og stofninum sé ekki
ógnað. Samt sem áður séu margar
ástæður fyrir Norðmenn að láta af
þessum veiðum. Þessi fallegu dýr eigi
skilið að fá vernd. Í 80% tilvika drep-
ist dýrin snöggt þegar skutull veiði-
manna lendir í þeim, en í 20% tilfella
lifi dýrið í nokkrar mínútur áður en
það drepst. Jafnvel kálffullar kýr séu
skotnar. Þá bendir Ashcroft á að lítill
áhugi sé á hvalkjöti í Noregi og megn-
ið af afurðunum fari í dýrafóður.
Nær væri að auka hrefnuveiðar
Ole Mindor Myklebust, stjórnar-
maður í félagi smáhvalaveiðimanna
segir að honum sé brugðið yfir rök-
semdafærslu Ashcrofts og nær væri
að auka veiðarnar. Ekki sé hægt að
skipuleggja stjórnun sem byggist á
sjálfbærni án þess að stjórna stærð
stofna spendýra í sjónum. Þau éti
meira á norskum hafsvæðum heldur
sé veitt af fiski á sömu svæðum.
aij@mbl.is
Hrefnukvótinn
1.278 dýr í Noregi
 Hörð gagnrýni
frá Ashcroft lávarði
Morgunblaðið/Sigurður Ægisson
Hrefna Hvalveiðar eru umdeildar.
Ágúst Ingi Jónsson
aij@mbl.is
Hægt og bítandi hefur dregið úr
pöntunum hjá Einhamri Sefood í
Grindavík og á samdrátturinn jafnt
við um markaði í Bretlandi og Banda-
ríkjunum. Fyrirtækið sérhæfir sig í
útflutningi á ferskum fiski og í ljósi
stöðunnar hefur verið dregið úr sjó-
sókn og nokkrir starfsmenn í vinnsl-
unni hafa verið sendir heim, án þess
þó að gripið hafi verið til uppsagna.
Alda Agnes Gylfadóttir, fram-
kvæmdastjóri Einhamars, segir að
útflutningurinn sé nú um helmingur
af því sem eðlilegt megi telja. Afurðir
eru allar fluttar út með flugi og segir
Alda að ekki haf orðið teljandi vand-
ræði með flutninga til þessa.
Halda að sér höndum
Talsverður dagamunur sé á pönt-
unum, einn daginn sé lítið að gera, en
svo komi kippur þann næsta. Ástand-
ið í New York sé erfitt, en heldur
skárra á Boston-svæðinu. Í Bretlandi
hafi verið settar takmarkanir á það
um helgina hvað fólk megi kaupa
margar einingar af tiltekinni vöru í
stórmörkuðum til að koma í veg fyrir
hamstur. Þeim skilyrðum hafi nú ver-
ið aflétt og þá sé spurning hvort fisk-
sala aukist á ný. Fiskmörkuðum hef-
ur hins vegar verið lokað í Bretlandi.
„Það er eðlilegt að menn haldi að
sér höndum meðan það versta geng-
ur yfir og salan fer stigminnkandi,“
segir Alda. „Við erum á fullu og reyn-
um að láta hvern dag telja og þökkum
fyrir hvern dag sem enginn veikist
hjá okkur og við getum haldið áfram.
Hátt í 70 starfsmenn
Í næstsíðustu viku var nokkuð góð
keyrsla, í síðustu viku héngum við í
dagvinnu, en þessi vika er slakari og
við höfum þurft að senda nokkra
starfsmenn í vinnslunni heim. Tíðin
hefur verið erfið, en bátarnir reru á
mánudaginn og ég reikna með að
annar þeirra fari út í kvöld,“ sagði
Alda um miðjan dag í gær.
Einhamar Seafood er eitt stærsta
fyrirtækið í kvótaaflamarkskerfinu
og gerir út tvo fullkomna 30 tonna
línubáta, Gísla Súrsson GK og Auði
Vésteins SU. Á hvorum bát eru fjórir
í áhöfn og í vinnslunni starfa tæplega
40 manns að öllu eðlilegu miðað við
árstíma. Alls stafa um 70 manns hjá
Einhamri.
Ljósmynd/Einhamar Seafood
Grindavík Einhamar gerir út tvo báta, Gísla Súrsson GK og Auði Vésteins
SU, en dregið hefur úr sjósókn vegna ástandsins á helstu mörkuðum.
Dregur úr sölu
hægt og bítandi
 Þakka fyrir hvern dag án veikinda
 Dregið úr sjósókn og færri í vinnu