Morgunblaðið - Sunnudagur - 05.04.2020, Page 24

24 MORGUNBLAÐIÐ SUNNUDAGUR 5.4. 2020
LÍFSSTÍLL
ópukeppni meistaraliða vorið 1985.
Coventry City bíður því enn eftir
sínu tækifæri í Evrópu.
Fyrstur til að verja víti
Hafi þetta verið óvænt úrslit hvað
má þá segja um það sem gerðist ári
síðar; þegar sturlungarnir í Wimble-
don tóku upp á þeim ósköpum að
leggja nýbakaða Englandsmeistara
og langbesta lið landsins, Liverpool,
1:0? Wimbledon var á sínu öðru ári í
efstu deild og hafði skráð sig til leiks
í deildarkeppni aðeins ellefu árum
áður.
Norður-Írinn Lawrie Sanchez
gerði sigurmarkið með skalla á 37.
mínútu en hetjan var fyrirliðinn og
markvörðurinn Dave Beasant, sem
varð fyrsti maðurinn til að verja
vítaspyrnu í úrslitaleik bikarsins,
þegar hann kom í veg fyrir að
markahrókurinn mikli John Ald-
ridge setti mark sitt á leikinn. Það er
útbreiddur misskilningur að Beas-
ant sé fyrsti markvörðurinn til að
leiða lið sitt til bikarmeistaratignar
en hið rétta er að það var William
Merriman majór en lið hans, Royal
Engineers, hampaði bikarnum á því
herrans ári 1875, fjórða árið sem
þetta elsta knattspyrnumót í heimi
var haldið. Old Etonians lágu þá sár-
ir eftir. Royal Engineers bættu þar
með fyrir tapið í fyrsta bikarúrslita-
leik sögunnar, þegar engir aðrir en
Wanderers fóru með sigur af hólmi.
Meðal annarra í liði Wimbledon í
þessum fræga leik 1988 voru kvik-
myndastjarnan Vinny Jones, Dennis
Wise og John Fashanu, auk bak-
varðar með nafn við hæfi, Clive
Goodyear. Laurie Cunningham kom
inn á sem varamaður í einum af
sárafáum leikjum sínum fyrir
Wimbledon. Ári síðar var hann allur.
Fergusynir felldir
Stóru liðin unnu alla bikartitlana
nema einn á tíunda áratugnum,
Manchester United fjóra, Arsenal
tvo, Liverpool, Tottenham og
Chelsea einn hvert. Eina liðið utan
elítuhópsins sem komst að var Ever-
ton, 1995, og öfugt við Watford-
leikinn var liðið í gervi Davíðs í þeim
leik gegn Golíatnum, sem tekið hafði
ensku knattspyrnuna heljartökum,
Manchester United undir stjórn Sir
Alex Fergusons.
Eitt mark réð úrslitum á Wem-
bley og það gerði miðherjinn Paul
Rideout með kollspyrnu á 30. mín-
útu eftir að Graham Stuart hafði átt
skot í þverslána. United henti öllu
nema eldhúsvaskinum í Everton eft-
ir það, líkt og Bretar myndu orða
það. Þannig kom Ryan Giggs inn á
fyrir Steve Bruce í hálfleik. En allt
kom fyrir ekki og miðvörðurinn
Dave Watson hóf bikarinn hátt á
loft. Þetta var fimmti bikarmeist-
aratitill Everton og seinasta gullið
sem ratað hefur í hús á Goodison
Park, fyrir utan Samfélagsskjöldinn
sama ár.
Synd væri að segja að Everton
hafi teflt fram sínum fræknustu son-
um þennan dag, ef undan eru skildir
Neville gamli Southall í markinu og
Duncan Ferguson, sem kom af
bekknum. Gary Ablett var í vörninni
og Anders Limpar og Andy Hinch-
cliffe á köntunum.
Fyrsti Íslendingurinn
Á fyrsta áratugi þessarar aldar unnu
stóru félögin einnig níu bikartitla,
Arsenal og Chelsea þrjá hvort, Liver-
pool tvo og Manchester United einn.
Upp á milli komst óvæntur gestur,
Portsmouth, í hinum leiknum síðustu
fjörutíu árin þar sem ekkert af stóru
liðunum sex kom við sögu. Andstæð-
ingurinn var ekki síður framandi,
Cardiff City frá Wales, sem þá lék í B-
deildinni. Af því tilefni fékk velski
þjóðsöngurinn, Hen Wlad Fy Nha-
dau, að óma, ásamt auðvitað God Save
the Queen og sálminum Abide With
Me, sem alltaf eru flutt. Bæði félög
höfðu unnið bikarinn einu sinni áður,
Cardiff 1927 og Portsmouth 1939.
Eitt mark var gert í leiknum og
þar var að verki hinn ástsæli níger-
íski miðherji, Nwankwo Kanu, af
stuttu færi á 27. mínútu.
Lið Portsmouth var prýðilega
mannað í þessum sögulega leik en þar
var meðal annarra að finna markvörð-
inn David James, Glen Johnson, Sol
Campbell, Lassana Diarra og Niko
Kranjcar. Að ekki sé talað um okkar
mann, Hermann Hreiðarsson, fyrsta
og eina Íslendinginn til að vinna enska
bikarinn. Chelsea var svo ósvífið að
vinna bikarinn tímabilið áður en Eið-
ur Smári Guðjohnsen kom og næst
árið eftir að hann fór. Bömmer!
Knattspyrnustjóri Portsmouth
var Harry gamli Redknapp, seinasti
Bretinn til að stýra liði til sigurs í
keppninni.
Féll nokkrum dögum síðar
Undanfarinn áratug hefur sama
mynstrið verið uppi; risarnir hafa
landað níu titlum og dvergarnir ein-
um. Sá sigur kom raunar ekki síður
úr óvæntri átt en þegar Portsmouth
læsti klónum í bikarinn. Við erum
sumsé að tala um frækinn sigur
Wigan Athletic á milljónaliði Man-
chester City árið 2013. Þrátt fyrir
stigvaxandi veldi varð City að gera
sér tvo bikara að góðu frá 2010-19,
Arsenal og Chelsea unnu þrjá hvort
og Manchester United einn.
Sigur Wigan á City er klárlega á
pari við sigur Wimbledon á Liverpool
1988 og mesta sjokk bikarsögunnar á
þessari öld. Til að sletta óhóflegum
rjóma á marengstertuna kom sig-
urmarkið ekki fyrr en í uppbótartíma.
Þar var að verki varamaðurinn Ben
Watson, sem aðeins hafði verið í tíu
mínútur á vellinum. Að sjálfsögðu með
skalla, smælingjarnir beita því vopni
óspart í þessum bikarsigrum sínum.
Enda þótt aðeins séu sjö ár liðin
eru flestir úr liði Wigan þennan dag
sparkunnendum gleymdir, nema þá
helst hörðustu Wigan-mönnum. Em-
merson Boyce var fyrirliði en einnig
má nefna menn eins og nafnana
James McCarthy og McArthur,
Jordi Gómez og Fílbeininginn knáa
Arouna Koné.
Aldrei þessu vant var bikarúr-
slitaleikurinn ekki lokaleikur vetr-
arins og aðeins nokkrum dögum síð-
ar féll Wigan úr úrvalsdeildinni eftir
ósigur gegn Arsenal og hefur ekki
sést þar síðan. Wigan er eina liðið í
sögunni til að vinna bikarinn og falla
niður um deild á sömu leiktíðinni.
Menn tóku þann skell þó á brjóst-
ið enda er þetta eini bikarinn sem
Wigan Athletic hefur unnið frá því
félagið var sett á laggirnar á því
herrans ári 1932.
Hvaða lið ætli hafi orðið bik-
armeistari það ár?
Lawrie Sanchez skorar sigurmarkið fyrir Wimbledon gegn Liverpool með kollspyrnu í víðfrægum leik á Wembley vor-
ið 1988. Margir telja það óvæntustu úrslitin í sögu enska bikarsins en ellefu árum áður var Wimbledon utan deilda.
footballwhispers.com
Englendingurinn Glen Johnson, okkar maður Hermann Hreiðarsson og Gana-
búinn Sulley Muntari með bikarinn eftir frækinn sigur Portsmouth árið 2008.
AFP
Ben Watson skorar framhjá Joe Hart á Wembley 2013 og tryggir Wigan
Athletic sætan og mjög óvæntan sigur á stórstjörnunum í Manchester City.
AFP
’ Sigur Wigan á City erklárlega á pari við sig-ur Wimbledon á Liverpool1988 og mesta sjokk bik-
arsögunnar á þessari öld.
Til að sletta óhóflegum
rjóma á marengstertuna
þá kom sigurmarkið ekki
fyrr en í uppbótartíma.
Útsölustaðir: Öll apótek, heilsuverslanir og heilsuhillur stórmarkaðanna.
Skapið varð jafnara og hitakófi
„Ég er svo ánægðmeð Femarelle a
mínar vinkonur og ég veit að nokk
Femarelle hefur hjálpaðmér alveg
líðanminni“.
Valgerður Kummer Erlingsdóttir
Femarelle vörurnar eru náttúruleg lausn
fyrir konur sem finna fyrir einkennum vegna
hormónabreytinga
Háþróuð vara semmiðar á tauga- og
innkirtlakerfið – hefur jákvæð áhrif á lund og
dregur úr þreytu.
Recharge
Margar konur hafa upplifað eftirfarandi eftir að
þær byrjuðu á FEMARELLE RECHARGE 50+
■ Slær hratt á einkenni (hitakóf og nætursviti minnka)
■ Stuðlar að reglulegum svefni
■ Eykur orku
■ Eykur kynhvöt