Fréttablaðið - 02.10.2020, Síða 16

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103.
Með No Concept höfum við sett fimm af okkar eftir-lætis stöðum í London í
einn og sama veitingastaðinn sem
þó verður ekki með neinu sérstöku
konsepti, segir Michelin-kokkur-
inn Agnar Sverrisson, einn eigenda
nýja veitingastaðarins No Concept
sem opnar með pompi og prakt á
Hverfisgötu 6 í dag.
„No Concept er staður engum
líkur, allavega ekki á Íslandi, það
liggur ljóst fyrir. Þangað verður
gaman að koma, góður matur, líf
og fjör, og minn draumur að fá fólk
í hádegismat, síðan síðdegisdrykk
og aftur í kvöldmat. Að gestirnir
séu hjá okkur allan daginn því þeir
vilji ekki fara neitt annað.“
Fútt, fjör og góður matur
Á matseðli No Concept er svo-
kallað „posh fast food“ eða fínn
skyndibiti, allt frá matarmiklum
salötum, ómótstæðilegum ham-
borgurum, sterkum kjúklinga-
vængjum og fínustu steikum.
„Maturinn verður í einfaldari
kantinum en mjög vel gerður. Við
tökum börgerinn í hæstu hæðir
og verðum líka með gómsætar
pítsur úr geggjuðum pítsaofni.
Hjá okkur verður því hægt að fá
góðan mat og góð vín á viðráðan-
legu verði og það verður fútt í
þessu, hægt að horfa á helstu fót-
boltaleiki þótt staðurinn sé alls
enginn fótboltabar, við verðum
með plötusnúða á kvöldin og alls-
konar skemmtilegar keppnir, eins
og hver getur borðað sterkustu
vængina,“ upplýsir Agnar, fullur
tilhlökkunar.
Við stjórnvölinn á No Con-
cept er bróðir Agnars, Valþór Örn
Sverrisson, og yfirkokkurinn Jón
Örn Jóhannesson, sonur Jóhann-
esar í Múlakaffi.
„Húsið er fullskipað úrvals
teymi. Jón Örn stýrir eldhúsinu
af metnaði og kann á því tökin.
Með okkur er líka vínþjónninn
Anna sem vann hjá mér á Texture
í London og verður vínþjónn
hússins. Sjálfur mun ég dúkka upp
þegar færi gefst á No Concept enda
miklu fleiri tímar í sólarhringnum
hjá mér og verð ég mikið á
staðnum til að byrja með. Við
hlökkum til að geta loks opnað,
erum búnir að gjörbreyta staðnum
undanfarna mánuði og þar ríkir
núna skemmtilegur London-New
York-fílingur.“
Michelin-stjarna í áratug
Agnar hefur undanfarin þrettán
ár rekið veitingastaðinn Texture
í Lundúnum við góðan orðstír en
starfar nú sem yfirkokkur á þeim
rómaða veitingastað Moss í Bláa
Lóninu.
„Til stóð að flytja Texture í nýtt
húsnæði í nóvember en þegar
kórónaveiran setti allt úr skorðum
ákvað ég skella í lás því það opnar
enginn veitingastaði í London í
þessu ástandi,“ segir Agnar sem
árið 2010 var fyrstur Íslendinga
til að fá hina eftirsóttu Michelin-
stjörnu og hélt henni á Texture í
tíu ár.
„Það þykir gott afrek. Þetta voru
góðir tímar en líka á stundum
erfiðir því það er sennilega tíu
sinnum erfiðara að reka veitinga-
stað í London vegna gífurlegrar
samkeppni,“ segir Agnar, hvergi
banginn að opna nýjan stað í
Reykjavík nú þegar kórónaveiran
gerir enn usla.
„Er einhvern tímann rétti
tíminn til að opna veitingastað?
Þetta er kannski ekki gráupplagt
núna en til að vera á jákvæðum
nótum er samt sem áður ágætt að
ekki megi koma of margir inn því
yfirleitt þegar nýir staðir opna
á Íslandi er brjálað að gera til að
byrja með og enginn ræður neitt
No Concept er staður fyrir glaðar stundir, góðan mat og drykk á góðu verði.
Á No Concept er matreiðsla á börgerum tekin í hæstu hæðir. MYND/ADDI.IS
Pítsurnar á No Concept eru lostæti úr geggjuðum pítsaofni. MYND/ADDI.IS
Þeir Valþór
Örn, Agnar og
Jón Örn segja
No Concept
vera stað sem
er gaman að
koma á, njóta
matar, drykkjar,
fjörs og fútts
og best væri ef
gestirnir vildu
helst ekki fara.
FRÉTTABLAÐIÐ/
SIGTRYGGUR ARI
við neitt. Því munum við ná að
fínpússa allt vel áður en samfélagið
fer í sinn eðlilega gír á ný,“ segir
Agnar sem sér einnig um matar-
hönnun á veitingastaðnum Moss í
Bláa Lóninu.
Elda það sem gestirnir vilja
Agnar hefur einnig hlotið lof virt-
ustu gagnrýnenda á Englandi fyrir
að elda besta matinn í Lundúnum.
Hann er spurður hvert leynitrix
hans sé við eldamennskuna.
„Það er að vinna eins og óður,
hafa smá tilfinningu fyrir mat og
vita hvað gesturinn vill. Kokkar
flaska stundum á að elda fyrir
sjálfa sig til að sýna hvað þeir
eru klárir og gleyma að elda það
sem gesturinn vill, rétt eins og ég
gerðist sekur um þegar ég byrjaði
með Texture. Ef gestur vill „well
done“ steik fær hann vitaskuld
„well done“ steik en stundum var
viðkvæðið: „Já, nei nei, við berum
bara fram „medium rare“ steikur.“
Það er jú gesturinn sem borgar
okkur launin og þess vegna eldum
við það sem hann vill, þótt við
setjum upp matseðlana eins og við
viljum hafa þá,“ segir Agnar.
Það sé líka mikils virði að eiga
góða fastagesti og vera sjálfur á
svæðinu til að heilsa upp á gestina.
„Það er jafn veigamikið og
maturinn og þjónustan. Einhverra
hluta vegna vill fólk hitta kokk-
inn. Ég skildi ekkert í því að vera
sífellt beðinn um að koma í salinn
og skrifa eiginhandaráritanir á
matseðla, en svona er þetta. Það
var óneitanlega sérstakt en gaman
og ég verð auðvitað í salnum á No
Concept og heilsa upp á gestina.“
Saknaði Íslands sárt
Komið er hálft ár síðan Agnar
flutti aftur heim.
„Ég áttaði mig ekki á hversu
mikið ég saknaði Íslands. Ég kom
yfirleitt heim á mánaðarfresti og
taldi mér þá trú um að ég gæti ekki
beðið með að komast aftur út. Mér
líður yndislega á Íslandi enda býr
hér dóttir mín og fjölskyldan öll,“
segir Agnar og hyggst ekki fara
utan í veitingarekstur í bráð.
„En maður skyldi aldrei segja
aldrei. Ég elska London en fór þó
þangað fyrir um mánuði og þar
var skelfilegt ástand sem hefur
bara versnað síðan. Ef Íslendingar
halda að þeir hafi það slæmt hér
er ástandið tíu sinnum verra í
London.“
Uppáhalds matur Agnars er
fiskur.
„Ég elska allan fisk; ostrur, humar,
kóngakrabba, hörpuskel, lúðu og
þorsk. Texture varð hvað frægast
fyrir að vera með ferskan og góðan
fisk, sem er skondið í ljósi þess að á
No Concept verður ekki nema fiskur
dagsins,“ segir Agnar og hlær.
„Ég var náttúrulega bara vill-
ingur og þurfti að fara út til að
sanna fyrir sjálfum mér og fjöl-
skyldunni að ég gæti þetta. Ég
segi alltaf að ef maður ákveður
eitthvað í lífinu, þá getur maður
það, sama hversu óraunhæft eða
heimskulegt markmiðið virðist
vera. Ég hafði séð kokkabækur frá
London og langaði að vera eins og
kokkarnir í bókunum, opna minn
eigin stað úti og vatt mér bara í
það. Fyrstu tíu árin voru ekkert
nema puð, strit og grátur þegar ég
vann nítján tíma á dag, sex daga
vikunnar, en ég lét mig hafa það
því ég vissi að það myndi skila
sér og níu árum seinna opnaði ég
Texture. Ég er auðvitað lukkunnar
pamfíll því vinnan er mitt áhuga-
mál, líf og yndi, og ekki allir jafn
heppnir og ég,“ segir Agnar sem
þakkar mömmu sinni og ömmu
velgengni í kokkalífinu.
„Þær elduðu báðar góðan mat og
það setti tóninn. Ætli mitt besta
veganesti að heiman hafi ekki
verið að læra að borða góðan fisk
og þekkja muninn á því hvað er
góður fiskur og ekki,“ segir Agnar,
spenntur að fá gesti í mat, drykk og
góðar stundir á No Concept.
„Þetta verður engu líkt og ég
verð vonsvikinn ef við náum
ekki að verða mjög ofarlega þegar
kemur að langbesta matnum í
bænum.“
No Concept er á Hverfisgötu 6
í Reykjavík. Opið mánudaga til
miðvikudaga frá klukkan 15, og frá
klukkan 12 fimmtudaga til sunnu-
dags. Sjá nánar á noconcept.is.
Á No Concept
verður gaman að
koma, góður matur, líf og
fjör, og minn draumur
að gestirnir séu hjá
okkur allan daginn því
þeir vilji ekki fara neitt
annað.
Framhald af forsíðu ➛
2 KYNNINGARBLAÐ FÓLK 2 . O K TÓ B E R 2 0 2 0 F Ö S T U DAG U R