Fréttablaðið - 16.10.2020, Blaðsíða 12

Ástkær eiginmaður minn, faðir,
tengdafaðir og afi,
Ægir Ingvarsson
bifvélavirkjameistari og vélstjóri,
lést á Dvalar- og hjúkrunarheimilinu
Jaðri í Ólafsvík, þriðjudaginn 13. október sl.
Ásta Dóra Valgeirsdóttir
Ingvar Valgeir Ægisson Áslaug Olga Heiðarsdóttir
Trausti Ægisson Lilja Ólafardóttir
Valgerður Margret Ægisdóttir Hafrún Elvan Vigfúsdóttir
og barnabörn.
Elsku sambýlismaður minn,
faðir og sonur,
Hugo Filipe Viana Santos
varð bráðkvaddur
sunnudaginn 11. október.
Útförin verður auglýst síðar.
Jóna Bjarney Hreinsdóttir
Kamilla Rós Davíðsdóttir Davíð Páll Svavarsson
Hreinn Elí Davíðsson
Jose Filip Hugosson
Júlíana María Hugosdóttir
Daníel Filip Hugosson
Madalena Viana Santos
Elskulegur bróðir okkar og mágur,
Sveinbjörn Björnsson
vörubílstjóri,
Gaukshólum 2, Reykjavík,
verður jarðsunginn 20. október 2020
frá Lágafellskirkju í Mosfellsbæ kl. 13.00.
Vegna fjöldatakmarkana verða aðeins
nánustu ættingjar og vinir viðstaddir. Athöfninni verður
streymt á slóðinni: https://youtu.be/IGdPxOY389k
Þeim sem vilja minnast hans er bent á Hjartaheill og
Krabbameinsfélagið.
Anna Hjálmdís Gísladóttir
Sveinlaugur Björnsson Þorgerður Jónsdóttir
Þórður Jónsson
Rebekka Björnsdóttir Tómas Guðmundsson
Þórgunnur Björnsdóttir Gunnar Gunnarsson
Ástkær móðir okkar, tengdamóðir,
dóttir, amma og systir,
Auður Gústafsdóttir
Næfurási 15, Reykjavík,
lést laugardaginn 10. október.
Útförin fer fram frá Fossvogskirkju,
mánudaginn 19. október kl. 11.
Vegna aðstæðna verða aðeins nánustu aðstandendur
og vinir viðstaddir. Athöfninni verður streymt á slóðinni:
https://youtu.be/EGaIjItmutM
Blóm og kransar vinsamlega afþökkuð en þeim sem vilja
minnast hennar er bent á Ljósið.
Natacha Durham Georg Eysteinsson
Dustin Durham Karen Durham
Þórhildur Magnúsdóttir
Gunnlaugur, Hilmar, Eysteinn, Levi og Caroline Audrey
Aðalheiður á einn stærsta þáttinn í að koma Seyðis-firði á kortið sem ferða-mannamekka Austur-lands,“ stendur meðal annars í rökstuðningi
Samtaka sveitarfélaga á Austurlandi
fyrir því að veita Aðalheiði Borgþórs-
dóttur menningarverðlaun nýlega.
Fyrsta spurning til hennar er því: Eru
menningarmiðstöðin Skaftfell, LungA,
(Listahátíð ungs fólks á Austurlandi)
Hótel Aldan og fleiri athyglisverð upp-
byggingarverkefni á Seyðisfirði undan
þínum rótum runnar? „Ekki hugmynd-
irnar sjálfar, nema að litlu leyti,“ svarar
hún. „Ég hef verið meira í því að grípa
hugmyndir á lofti, þróa þær áfram og
koma þeim í framkvæmd. Hótelhug-
myndin byggði á okkar húsa-arfi frá því
um aldamótin 1900. Veitingastaðurinn
Aldan er í einu þeirra þriggja húsa sem
tilheyra Öldunni og öll eru innréttuð í
antíkstíl. Við vorum svo heppin að fá
frábæra rekstaraðila sem hafa haldið
þeim veitingastað gangandi frá 2003
og það er afrek. Allt snýst um að laða að
gott fólk til að vinna með, ég er nokkuð
góð í því.“
Aðalheiður kveðst til dæmis hafa
unnið í áhugaverðum grasrótarhópi að
því að koma Skaftfelli, menningarmið-
stöð, á koppinn, fyrst sem formaður og
síðar framkvæmdastjóri. „Vinna með
skapandi fólki er mjög skemmtileg,
þó það sé kannski ekki endilega fram-
kvæmda- eða rekstrarfólk. Það er svo
gaman að láta verða eitthvað úr þeim
æðislegu hugmyndum sem koma fram
á hinum skrýtnu fundum hópsins.“
Ekki allt dans á rósum
Barnsskónum sleit Aðalheiður í Eyjum.
„Ég var tólf ára þegar ég f lutti hingað
austur þannig að ég mótaðist hér. Hef
alltaf verið hugmyndarík og ekkert
hrædd við að fara ótroðnar slóðir. Ef
ég brenn fyrir einhverju þá geri ég allt
sem hægt er til að láta það ganga upp þó
öðrum finnist það ógerningur. Auðvitað
eru alltaf erfiðleikar að glíma við. Það
fer enginn dansandi á rósum gegnum
allt. Mörg þeirra verkefna sem Seyðis-
fjörður er þekktur fyrir eru til dæmis
fjármögnuð frá ári til árs,“ segir Aðal-
heiður og bendir á að mörg menningar-
fyrirbæri séu á sama báti um allt land,
Nýlistasafnið og fleiri grasrótar batterí.
„LungA byrjar á núllpunkti árlega.
Hátíðin hefur samt verið við lýði í yfir
tuttugu ár. Ég var þar lengi í framlínu en
dóttir mín, Björt Sigfinnsdóttir, tók við
kyndlinum.“
Semi-villingur á tímabili
Það var árið 1999 sem Aðalheiður var
ráðin ferða- og menningarfulltrúi
Seyðisfjarðar og þá fóru hjólin að snúast.
„Áður hafði ég verið tónlistarkennari frá
1984 – ég á uppruna í tónlist og var rokk-
ari og semi-villingur á tímabili! Lærði
söng og gítarspil í tónlistarskóla bæði
hér fyrir austan og í Tónskóla Sigur-
sveins en var samt aldrei sérlega mikill
hljóðfæraleikari, kunni samt fullt og
hafði gaman af að semja.“ Spurð hvort
hún sé enn að búa til tónlist svarar hún:
„Nei, ég get ekki sagt það, ég leiddist út
í svo margt annað, þó ég hafi ekki haft
sérstök plön þá er ég alltaf til í ný verk-
efni.“
Síðustu tvö ár hefur Aðalheiður verið
bæjarstjóri á Seyðisfirði en nú er búið
að sameina sveitarfélögin á Austurlandi
þannig að því tímabili er lokið. „Það er
ágætt, ég og pólitík eigum ekkert góða
samleið. Hér hefur verið meirihluti og
minnihluti og það er umhverfi sem ég
þrífst ekki vel í. Samt er áhugavert að
kynnast því og skemmtileg reynsla,“
segir hún og bætir við: „Ég er aðstoðar-
maður sveitarstjóra í augnablikinu, nú
er bara millibilsástand og framtíðin
óráðin.“ gun@frettabladid.is
Vinna með skapandi
fólki er mjög skemmtileg
Aðalheiður Borgþórsdóttir á feril sem rokkari, ferða- og menningarfrömuður og bæjar-
stjóri á Seyðisfirði og hefur unnið ötullega að markaðssetningu bæjarins. Samband
sveitarfélaga á Austurlandi veitti henni menningarverðlaun á nýafstöðnum haustfundi.
„Allt snýst um að laða að gott fólk til að vinna með.“ MYND/BJÖRT SIGFINNSDÓTTIR
Það er svo gaman að láta verða
eitthvað úr þeim æðislegu hug-
myndum sem koma fram á
hinum skrýtnu fundum hópsins.
Walt Disney stofnaði fyrirtækið sitt, Disney, þennan
mánaðardag árið 1923, ásamt bróður sínum, Roy O. Disney.
Fyrirtækið hefur síðan skapað margar eftirminnilegar
teiknimyndapersónur en sú fyrsta og jafnframt sú þekkt-
asta er Mikki mús. Meðal annarra eru Mína mús, Andrés
önd, Plútó og Guffi.
Disney gerði stuttmyndir um þessar persónur til ársins
1937 en það ár kom Mjallhvít og dvergarnir sjö út, sem var
fyrsta teiknimyndin í fullri lengd. Meðal annarra vinsælla
Disney-kvikmynda má nefna Mary Poppins, Pirates of the
Caribbean, Toy Story, Öskubusku, Ratatouille, Cars, Konung
ljónanna, High School Musical, Bolt, Björn bróður og Mulan.
Þ E T TA G E R Ð I S T: 16 . O K T Ó B E R 19 23
Fyrirtækið Disney var stofnað
1612 Eldgos brýst út í Kötlu.
1890 Landshöfðingi vígir fyrsta síma sem lagður er á Ís-
landi, milli Reykjavíkur og Hafnarfjarðar. Í Fjallkonunni er
fyrirbærið kallað málþráður.
1902 Landakotsspítali er tekinn í notkun, hann var reistur
og rekinn af Sankti Jósefssystrum.
1905 Verzlunarskóli Reykjavíkur tekur til starfa.
1995 Milljónagangan, mótmælaganga þeldökkra Banda-
ríkjamanna til Washington D.C., fer fram.
1997 Fyrsta litmyndin birtist á forsíðu The New York
Times.
 Merkisatburðir
1 6 . O K T Ó B E R 2 0 2 0 F Ö S T U D A G U R12 T Í M A M Ó T ∙ F R É T T A B L A Ð I Ð
TÍMAMÓT