Fréttablaðið - 16.10.2020, Blaðsíða 20

Þórdís Lilja
Gunnarsdóttir
thordisg@frettabladid.is
Jólahlaðborð Hótel Arkar verður á sínum stað í ár eins og undanfarin ár með örlítið
breyttum hætti en áður. Verð-
launakokkar standa fyrir dýrindis
hlaðborðsveitingum á veitinga-
staðnum Hver, en staðurinn hlaut
Íslensku lambakjötsverðlaunin í
maí síðastliðnum.
„Síðastliðin fimmtán ár höfum
við haldið jólahlaðborð fyrir hvort
heldur fyrirtækjahópa, pör eða
einstaklinga. Við stefnum að því
að halda jólahlaðborð með breyttu
sniði í ár. Maturinn verður eins
og vanalega með hefðbundnu og
hátíðlegu sniði með nokkuð af
villibráð í bland. Þá verður borið
fram á borðin í stað þess að hafa
eitt stórt hlaðborð fyrir allan
salinn. Lagt verður upp með að
vera með hringborð fyrir um 8-10
manna hópa og svo sérborð fyrir
einstaklinga eða pör.
Við byrjum á gómsætri súpu
sem borin er fyrir hvern og einn
matargest. Svo eru forréttirnir
bornir fram á hópaborðin þannig
að hóparnir skammta sér sjálfir.
Sama gildir um eftirréttina og
aðalréttina sem verða bæði kaldir
og heitir réttir, með meðlæti og
öllu tilheyrandi. Í tilfelli þeirra
sem koma ekki í hópum verður
maturinn borinn fram á sér-
diskum fyrir hvern og einn,“ segir
Jakob Arnarson, hótelstjóri á Hótel
Örk.
Rífandi stemning
Ingvar Jónsson sem margir þekkja
úr Pöpunum tekur á móti gestum
með ljúfum tónum og skemmti-
dagskrá, en Ingvar hefur getið sér
gott orð sem veislustjóri. „Þetta er
þriðja árið sem hann er veislustjóri
á hlaðborðinu hjá okkur en hann
hefur alveg einstakt lag á því að
ná til sem allra flestra, ungra sem
aldinna veislugesta.“ Jakob segist
búast við að stemningin í ár verði
góð og hátíðleg. „Svo er aldrei að
vita hvernig ástandið verður í lok
nóvember og desember. Ef við
erum heppin og ef Þórólfur lofar
þá er kannski hægt að hafa diska-
þeyti sem heldur uppi stuðinu
fram til ellefu. En við förum að
sjálfsögðu eftir öllum þeim sótt-
varnareglum sem eru gildandi
hverju sinni.“
Helgarnar þrjár sem jólahlað-
borðið stendur til boða: Föstu-
dagar og laugardagar 27. og 28.
nóvember, 4. og 5. desember og svo
11. og 12. desember.
Gisting
Hótelið var stækkað töluvert
fyrir tveimur árum og er nú hið
glæsilegasta. „Það er alltaf gott að
koma í kyrrðina hér í Hveragerði
og hótelið er mikill griðastaður.
Við bjóðum upp á hagstætt gisti-
náttaverð á hótelinu fyrir þá sem
langar að gera aðeins meira úr
jólahlaðborðinu. Eftir ljúffengan
amerískan morgunverð á hótelinu
er tilvalið að skella sér í heit böð
áður en haldið er heim á leið. En á
hótelinu erum við með afar nota-
lega sundlaug fyrir hótelgesti og
heita potta. Einnig er hér að finna
eitt náttúrulegasta gufubað á
landinu, og er gufan leidd beint úr
jörðinni og inn í gufubaðið.“
Nánari upplýsingar eru veittar á
vefsíðu hótelsins hotelork.is og á
Facebook: Hótel Örk, þegar nær
dregur.

Hótel Örk, Breiðamörk 1c –
810 Hveragerði. Sími: 483-4700
Hátíðleg jólastemning á Örkinni
Jólahlaðborðið á Hótel Örk hefur heldur betur slegið í gegn hjá landanum enda sameinast í
þessu fallega húsi allt í senn gómsætur og hátíðlegur matur, gleðilegur andi og ljúf jólastemning.
Jakob Arnarson, hótelstjóri á Hótel
Örk, mælir með að hótelgestir nýti
sér sundaðstöðuna enda er gufu-
baðið einstakt á landsvísu.
Maturinn verður ljúffengur eins og vanalega með hefðbundnu og hátíðlegu
sniði með nokkuð af girnilegri villibráð í bland. MYNDIR/AÐSENDAR.
Jólahlaðborðin á Örkinni hafa verið vinsæl hjá mörgum gestum sem koma aftur og aftur. Ingvar Jónsson, sem
margir þekkja úr Pöpunum, tekur glaðlega á móti gestum með ljúfum tónum og hátíðlegri skemmtidagskrá.
Ég er alin upp hjá matelskum foreldrum og svo var systir mín lærð smurbrauðsjómfrú
og það hafði sennilega sín áhrif,“
svarar smurbrauðsdrottningin
Marentza Poulsen um ástæður
þess að hún fór meðal annars í læri
hjá sjálfri Idu Davidsen, heims-
frægri smurbrauðsdrottningu
Dana.
„Það var mikil upplifun fyrir
mig að fá að kynnast Idu Davidsen
og fá tækifæri til að vinna með
henni, en við erum góðar vinkonur
í dag,“ segir Marentza. „Ida hefur
mikla ástríðu fyrir smurbrauði og
þessum gamla og góða mat sem
norrænu þjóðirnar hafa lifað á í
gegnum tíðina. Ég lærði að bera
virðingu fyrir þeirri matargerð og
hversu mikið hægt er að gera úr
henni og við hana.“
Marentza kenndi smurbrauðs-
drottningunni líka eitt og annað.
„Auðvitað lærði Ida ýmislegt af
mér og þeim matreiðslumönnum
sem við unnum með á árunum sem
hún kom til Íslands að vinna við
víðfræg jólahlaðborðin á Borginni.
Hún kynntist dásamlegu síldinni
okkar og hana er að finna á mat-
seðli Idu í dag,“ upplýsir Marentza.
Fólk sækir í stemninguna
Þegar Marentza er innt eftir sinni
kærustu minningu af jólahlað-
borðum fortíðar, nefnir hún
undirbúninginn.
„Það var svo mikil tilhlökkun
að undirbúa allan þennan mat og
smakka áður en stóri dagurinn
rann upp. Svo að kenna fólki
að borða mikinn mat án þess
að standa á blístri. Það voru
líka margir sigrar við það eitt
að sjá gesti prófa eitthvað sem
þeir héldu að þeir gætu alls ekki
borðað, til dæmis síld sem var
þá ekki mikið á borðum landans
á aðventunni líkt og á hinum
Norðurlöndunum, en það hefur
breyst.“
Marentza segir smurbrauð
sannarlega við hæfi á jólahlað-
borðum.
„Siðurinn kemur frá Dönum
enda eru þeir þekktastir fyrir sitt
„smörrebröd“. Danir eru mjög
árstíðabundnir þegar kemur að
matargerð. Á þessum árstíma er
meira um feitari mat, til dæmis
lifrarkæfu, svínakjöt og alls kyns
síldarrétti og tíðkast að hópar
hittist á aðventunni til að gera sér
glaðan dag og njóta þess að borða
gott „smörre“ með kældum snafs
og bjór. Það er stemningin sem
fólk sækist eftir og mér finnst við
Íslendingar alveg vera þar, við
kunnum að njóta aðventunnar í
allri sinni dýrð.“
Í aðdraganda jóla verður Mar-
entza með jólaplatta á Klömbrum
á Kjarvalsstöðum en þar er opið
alla daga frá klukkan 10 til 17.
„Já, ég verð með jólasmurbrauð,
síldarplatta með fimm tegundum
af heimagerðum síldarréttum
og jólaplatta með heitum og
köldum réttum. Einnig jóla-
glögg og epla skífur, sem gerist
nú varla jólalegra á aðventunni,“
segir Marentza sem einnig rekur
Café Flóruna í Grasagarðinum á
sumrin.
„Mín uppáhaldsbrauðsneið á
aðventunni er með purusteik,
heimagerðu rauðkáli og góðri
puru. Hún verður auðvitað á boð-
stólum á Klömbrum,“ segir Mar-
entza og gefur lesendum uppskrift
af gómsætu smurbrauði til að
njóta í jólaljósum, hlýju og gleði.
Smurbrauð með
roastbeef og
kartöflusalati
Kartöflusalat:
1 kg kartöflur, soðnar, kældar,
skrældar og skornar í teninga
2-3 dl majónes
2 msk. 18% sýrður rjómi
2-3 tsk. sætt franskt sinnep
1 dl graslaukur
2 msk. kapers
Salt og pipar eftir smekk
Haldið kartöf lunum til hliðar á
meðan öðru hráefni er hrært vel
saman og bætið við meira sinnepi,
salti og pipar ef vill. Bætið því
næst kartöf lunum saman við
majónesblönduna.
Smurbrauðsgerðin:
Smyrjið rúgbrauðssneið með
smjöri. Raðið fallega ofan á hana
fjórum sneiðum af roastbeef, en
líka má nota skinku og jafnvel
hangikjöt. Setjið kartöf lusalat
ofan á miðju brauðsins og skreyt-
ið með steiktum laukhringjum,
radísum, sýrðum agúrkum og
einhverju grænu, til dæmis karsa,
kerf li eða steinselju.
Borðað vel án þess að standa á blístri
Smurbrauðsdrottningin Marentza Poulsen segir Íslendinga, líkt og frændur vora Dana, kunna vel
þá list að njóta aðventunnar í allri sinni dýrð og gera sér glaðan dag í jólalegum mat og drykk.
Smurbrauðsdrottningin Marentza
Poulsen. FRÉTTABLAÐIÐ/ANTON BRINK Smurbrauð a la Marentza, með roastbeef og heimalögðu kartöflusalati.
4 KYNNINGARBLAÐ 1 6 . O K TÓ B E R 2 0 2 0 F Ö S T U DAG U RJÓLAHLAÐBORÐ