Fréttablaðið - 16.10.2020, Blaðsíða 21

Vegna heimsfarald-
ursins er vitaskuld
sérlega mikilvægt að
virða þessar reglur til að
jólahlaðborð geti yfir-
höfuð farið fram.
Oddur Freyr
Þorsteinsson
oddurfreyr@frettabladid.is
Á jólunum er til siðs að borða eins og enginn sé morgundagurinn og það
er engin ástæða til að njóta ekki
jólahlaðborðsins til fullnustu, en
til þess þurfa samt allir að fylgja
ákveðnum siða- og sóttvarna-
reglum. Vegna heimsfaraldursins
er vitaskuld sérlega mikilvægt að
virða þessar reglur til að jólahlað-
borð geti yfirhöfuð farið fram
þetta árið. Hér eru nokkrar góðar
reglur sem er fínt að hafa í huga
til að veislan geti farið vel fram, til
viðbótar við almennar sóttvarna-
reglur sem þarf auðvitað að fylgja
í hvívetna.
Hugið að hreinlæti
n Fyrst þarf auðvitað að huga
að almennu hreinlæti og þvo
og spritta hendurnar áður en
snert er á diskum eða mat.
Það á líka aldrei að snerta mat
með höndunum, heldur nota
tólin og hnífapörin sem eru til
staðar. Það er líka alveg bannað
að færa tangir eða önnur tól á
milli bakka eða diska, því það
er aldrei að vita nema einhver
sé með fæðuóþol og grænkerar
vilja yfirleitt aldrei að tólin sem
þeir nota hafi snert kjöt.
n Ef þú þarft að hnerra eða hósta
við hlaðborðið geturðu bókað
að fá augngotur og jafnvel (mis)
vel valdar háðsglósur, en það
verða allir þakklátir ef þú stígur
frá hlaðborðinu og auðvitað á
að gera þetta í olnbogabótina
en ekki hendurnar.
n Það er líka alveg bannað að dýfa
sama matarbitanum tvisvar í
meðlæti, sósur eða annað.
Aldrei. Dýfa. Tvisvar.
Í röðinni
n Hlaðborð eru yfirleitt ein-
stefnugötur. Ekki ryðjast og ekki
fara á móti umferð. Það þykir
líka ekki fínt að labba upp að
vini eða kunningja sem er þegar
í röðinni og nota spjallið við
viðkomandi sem afsökun fyrir
því að troða sér inn í röðina. Svo
er gott að drolla ekkert við að fá
sér svo aðrir komist að.
n Í fyrstu umferð er gott að velja
sér forrétt, salat og aðalrétt en
það þarf annan disk fyrir eftir-
matinn, þannig að það er betra
að láta hann bíða þangað til í
annarri umferð. Það er ekki fínt
að byrja að borða á meðan þú
ert enn að fara í gegnum hlað-
borðsröðina né að hrúga á disk-
inn sinn, þetta verður að öllum
líkindum ekki í síðasta sinn sem
þú kemst í matvæli. Það er líka
synd að taka meira en maður
getur borðað, því afganginum
verður hent og þar með sóað.
n Það ætti alltaf að fylgja litlum
börnum í gegnum hlaðborðið
og hjálpa þeim að fá sér það
sem þau þurfa.
Við matarborðið
n Ekki teygja þig yfir aðra, það
er dónalegt og gæti líka valdið
slysi.
n Notaðu hnífapör, ekki puttana
og ekki troða of miklu upp í þig
í einu. Notaðu hnífapörin til að
lyfta matnum upp í munninn, í
stað þess að beygja þig yfir disk-
inn og skófla upp í þig. Reyndu
líka að borða af yfirvegun.
n Samræður við matarborðið
ættu að vera ánægjulegar, léttar
og skipta þá sem sitja við borðið
máli.
n Síðast en ekki síst er mikilvægt
að sýna bæði öðrum gestum og
öllu þjónustufólki virðingu og
þakka alltaf vel fyrir sig.
Umgengnisreglur fyrir hlaðborð
Samkomur eins og jólahlaðborð geta valdið sumum kvíða, því fólk óttast að koma illa fyrir eða
brjóta einhverjar óskrifaðar siðareglur sem það þekkir ekki. Hér eru nokkur ráð til að forðast þetta.
Það er engin ástæða til að njóta ekki jólahlaðborðsins til fullnustu, en til þess þurfa samt allir sem mæta að fylgja
hinum ýmsu siða- og sóttvarnareglum sem er gott að þekkja, en sumar þeirra eru óskrifaðar. MYND/GETTY
Ef þú ert að fara að halda veislu þá erum við með allan nauðsynlegan búnað ,“ segir
Jóhannes Ægir Kristjánsson,
deildarstjóri fyrirtækjasviðs hjá
Fastus.
„Við erum með mikið úrval af
postulíni, bökkum, diskum og
öðru, frá RAK og Figgjo sem henta
vel fyrir hlaðborð og í veislurnar.
Svo erum við með mikið af fylgi-
hlutum fyrir hlaðborð, eins og
skálar, tangir, ausur, merkispjöld
og allt sem þarf að fylgja með.“
Mikið úrval lausna
Eitt af því sem Jóhannes nefnir eru
upphækkanir á borðum en þær
geta gefið hlaðborðinu nýjan og
skemmtilegri blæ. „Það sem er svo
að koma mikið inn og hefur verið
vinsælt að undanförnu eru alls
konar fylgihlutir á hlaðborð, eins
og upphækkanir en við erum með
mikið úrval af viðarupphækk-
unum til að lyfta hlaðborðinu upp
svo það sitji ekki alveg flatt eins
og það var í gamla daga. Þannig er
hægt að gera þetta aðeins meira
upplífgandi og jafnvel nota þær til
að koma meiru á borðið,“ útskýrir
hann
„Svo erum við með glös fyrir
veislurnar, allar tegundir af
glösum, kokkteilglös, vínglös og
vatnsglös. Þá erum við líka með
hitaborð, bæði rafmagns- og fyrir
sprittkerti og viðarskurðarbretti
svo eitthvað sé nefnt.“
Að sögn Jóhannesar hefur
ýmislegt breyst á síðustu árum.
„Fyrir 5-10 árum var mjög mikið
hvítt og fólk var kannski aðeins að
brjóta upp með svörtu. Núna er
fólk farið að nota liti, litaða bakka,
litaða diska, litaðar skálar. Þetta
er orðið meira eins og listaverk,
hver réttur er farinn að njóta sín
betur í fallegri skálum og á fallegri
diskum. Það er ekki bara hvítt, það
er dálítið barn síns tíma en er auð-
vitað líka alltaf sígilt.“
Reynsluríkt starfsfólk
Jóhannes segir viðskiptavini
Fastus vera af öllum stærðum og
gerðum. „Við erum til dæmis að
þjónusta veitingahús, kaffihús,
mötuneyti og skóla. Alls staðar
þar sem matur er framleiddur, þá
Lausnir og
búnaður fyrir
allar veislur
Hjá Fastus er hægt að fá allt sem þarf
til að halda veislu, hvort sem um
ræðir borðbúnað, hitaborð, skurðar-
bretti, merkispjöld eða upphækkanir.
Jóhannes Ægir Kristjánsson segir það færast í vöxt að fólk kjósi litríkari diska og skálar. FRETTABLAÐIÐ/ANTON
Það er mikið úrval af vönduðum
hitaborðum í boði hjá Fastus, bæði
rafmagns og líka fyrir sprittkerti.
Í Fastus er
að finna allt
sem þarf fyrir
veisluna.
erum við með heildarlausnina,“
segir hann.
„En svo erum við líka alltaf að
verða sterkari og sterkari á ein-
staklings- eða heimilismarkað-
inum, það hefur verið gríðarleg
aukning á því síðustu árin. Ef fólk
er að halda veislu heima þá er hægt
að kaupa í minna magni, það þarf
ekki alltaf að kaupa 100 diska, það
er hægt að koma og kaupa bara 6
eða 12 diska og fylgihluti með því.“
Viðskiptavinir geta stólað á
viðamikla reynslu og þekkingu
starfsfólks. „Við erum með fagfólk
sem aðstoðar fólk við að velja.
Margir starfsmenn eru búnir að
vera í þessu í mörg ár svo við erum
með áratuga reynslu um borð hjá
okkur og við fylgjumst vel með
nýjungum, það kemur alltaf eitt-
hvað nýtt á hverju ári.“
KYNNINGARBLAÐ 5 F Ö S T U DAG U R 1 6 . O K TÓ B E R 2 0 2 0 JÓLAHLAÐBORÐ