Samtökin '78 - 40 ára afmælisrit Samtakanna '78 - 01.06.2020, Blaðsíða 5

Samtökin '78 - 40 ára afmælisrit Samtakanna '78 - 01.06.2020, Blaðsíða 5
AVORP 5 AFMÆLIS- KVEÐJA FORSETA ÍSLANDS, GUÐIMATH. JÓHANIMESSONAR, TIL SAMTAKANNA !78 Mikið er það vel til fundið hjá Samtökunum ’78 að fagna 40 ára afmæli sínu með útgáfu þessa veglega rits. Saga verður aldrei sögð í eitt skipti fyrir öll, aldrei skráð þannig að öllum líki og ekki verði um deilt. Aldrei verður til eínn sannleikur. En við verðum að leitast við að þekkja okkar fortíð, segja frá henni og öllum hennar blæbrigðum og álitamálum, horfa yfir víðan völl en skima líka inn í hvern krók og kima. Þannig getum við lært af því sem miður fór og einsett okkur að gera betur í framtíðinni. Þannig heiðrum við einnig minningu og atbeina þeirra sem börðust fyrir bættum heimi, gegn hleypidómum og kreddu, órétti, ógn og illsku. Saga hínsegin fólks á Islandi var lengstum saga þeírra sem ekki máttu tjá ást sína og þrár, leyfa sér að vera þeir sjálfir. Rétturinn til að þvinga og þröngva, sýna hatur og heíft, var ríkari réttinum til að elska og elskast í friði. Blessunarlega hefur okkur miðað í rétta átt. Á íslandi ríkir ástfrelsi og fólki er frjálst að tjá sig og skilgreina sína stöðu í samfélaginu að eigin vild. Þannig á það vera. Þannig virkar öflugt og heiðarlegt samfélag. Vissulega náum við víst aldrei að skapa paradís á jörð þar sem öllum líður eins vel og best verður á kosið, þar sem allir ná að njóta sín á eigin forsendum, í sátt við sig sjálfa og samborgara sína. En í þá átt þurfum við samt að stefna, rétt eins og við verðum að hafa sannleiksást að leiðarljósi þegar við rýnum í liðna tíð þótt við vitum fullvel að lokatakmarkið næst aldrei. Og alltaf steðja ógnir að. Stundum er það grátbroslegt hverníg fólk getur fyllst ótta við þá sem eru hinsegin - homma og lesbíur, trans fólk og aðra. En það getur líka verið ógnvekjandi, hættulegt, hræðilegt. Ótti kveikir stundum illsku. Gegn þeirri vá þurfa þeir að standa saman sem vilja verja samfélag laga og réttar, umburðarlyndis og samkenndar, frelsis og atorku. Fái reiði og heift að ríkja á einu sviði er hætt við að illa fari víðar. Áfram er því verk að vinna. Áfram þarf að berjast gegn ótta og ugg, gegn fordómum og fáfræði. Samt er það nú svo að róðurinn virðist sem betur fer sífellt léttari. Nú um stundir, fjórum áratugum eftir stofnun samtakanna, er staða hinsegin fólks í samfélaginu allt önnur og betri. Samtökin hafa einnig þróast og breyst. Innan þeirra er rúm fyrir alls kyns ágreining og áherslumun, enda væri það frekar öfugsnúið ef fjölbreytni og umburðarlyndi skipaði ekki öndvegi innan Samtakanna ’78. í hinni eilífu réttindavernd ber einmitt að varast að þröngsýni skjóti rótum þar sem síst skyldi, varast að sjálfsögð hagsmunagæsla leiði til þess að fólk verðí ofurviðkvæmt eða hörundsárt. Hinsegin fólk á auðvitað að ráða för sjálft í eigin sagnaritun og sjálfsskoðun. En það er eins og við hin, ófullkomið, misjafnt og breyskt. Þessar margslungnu línur ættu að sjálfsögðu að sjást í fortíðarspeglinum. Megi þetta rit ná þeim tilgangi að auka vitneskju okkar um Samtökin ’78, merka sögu þeirra og aðdáunarverða baráttu fyrir frelsi og jafnrétti, þekkingu og umburðarlyndi, okkur öllum til heilla.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Samtökin '78 - 40 ára afmælisrit Samtakanna '78

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtökin '78 - 40 ára afmælisrit Samtakanna '78
https://timarit.is/publication/1494

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.