Fjölrit RALA - 20.05.1997, Page 5

Formáli
Skýrsla um jarðræktarrannsóknir á Rannsóknastofnun landbúnaðarins 1996
er á svipuðu formi og þrjú undanfarin ár. Efni hefur heldur aukist að magni
og fjölbreytni. M.a. er greint frá athugunum á rúlluböggum, sem gerðar hafa
verið á Möðruvöllum, og rannsóknir á jarðvegsdýrum eru hafnar að nýju.
I þessari skýrslu er víða notað orðið yrki um ræktunarafbrigði
nytjaplantna, sem í fyrri skýrslum hafa ýmist verið nefnd afbrigði eða stofnar
eftir því sem við á. Er það gert til samræmis við frumvarp til laga um
yrkisrétt, sem hefur verið samið og verður að líkindum lagt fyrir Alþingi á
þessu vori. Eldri heiti halda þó að sjálfsögðu gildi sínu og koma fyrir í
sumum köflum skýrslunnar, afbrigði ef allar plöntur yrkis eru af sömu
arfgerð, en stofn um yrki af víxlfrjóvga tegundum þar sem yrkið er safn
arfgerða. Æskilegt er þó að orðið yrki sé að jafnaði notað þegar fjallað er um
yrki sem hafa hlotið viðurkenningu eða eiga að fá hana.
Abyrgðarmenn verkefna hafa unnið efnið hver fyrir sig. Þórdís Anna
Kristjánsdóttir hefur unnið mest að ritstýringu og gert úr efninu eina skýrslu.
Sara Elíasdóttir hefur ásamt henni séð um endanlega ritvinnslu og frágang.
Hólmgeir Björnsson