Fjölrit RALA - 20.05.1997, Side 58

Korn 1996
48
Kynbætur á korni og kornræktartilraunir (132-9251)
Nýliðið sumar var óvenjulangt. Hlýindi voru bæði vor og haust, en miðbik sumars var nærri
meðallagi að hitafari. Það reyndist mjög hagstætt til kornræktar norðanlands, en ekki nema
miðlungi gott syðra. Á Korpu var sumarið 0,8°C hlýrra en í meðalári miðað við fjögurra
mánaða tímabil frá 15. maí til 15. september.
Sáð var í allar tilraunir á tímabilinu frá 18. apríl til 3. maí í klakalausa jörð. Korn skreið
snemma eða í fyrri hluta júlí og í ágúst litu akrar og tilraunir mjög vel út. Þegar vika lifði af
þeim mánuði brá til sunnanáttar með vætu sunnanlands og hélst svo óslitið næstu sex vikur að
heita mátti. Norðanlands gerði þá hita mikla og varð kornuppskera þar meiri og betri en menn
höfðu áður séð. Syðra varð aftur á móti sáralítið gagn að þessum sex vikum. Þótt hlýtt væri í
súldinni til jafnaðar gerði aldrei þann hita sem þurfti til þess að korn fyllti sig til hlítar. Um 20.
ágúst var snemmþroska korn langt komið í þroska en bætti litlu við sig eftir það. Seinþroska
yrki og síðsánir akrar héldu aftur á móti áfram að bæta við sig að vissu marki fram eftir
september. Þannig jafnaðist allur þroskamunur út, en hvarvetna sunnanlands vantaði nokkuð á
að korn næði endanlegri fyllingu. Kornskurður varð erfiður í þessu tíðarfari og nokkuð
ódrýgðist kornið í haustveðrum, einkum þó það sem óskorið var þegar vestanveðrið gerði
fyrstu helgina í október.
I ár var byggi sáð í um 900 hektara á landinu. Nærri allt var skorið upp sem kom. Akrar
voru nú þriðjungi stærri en þeir hafa stærstir orðið áður. Meira en helmingur þeirra var á
Suðurlandi, en fjórðungur í Eyjafirði og Skagafirði. Korn var einnig ræktað að nokkru marki í
Hornafirði, á Fljótsdalshéraði og í Borgarfirði. Kornrækt var þar að auki reynd í
Þingeyjarsýslu, Húnavatnssýslu og Dalasýslu, hvarvetna með furðugóðum árangri, enda
árferði gott. Uppskera varð meiri en í meðalári. Af 471 tilraunareit á vegum Rala víðs vegar
um landið varð uppskeran 3,7 tonn/ha að meðaltali og þá er miðað við kom með 85%
þurrefni. Sambærilegar tölur fyrir síðustu ár eru 3,4 tonn/ha 1994 og 2,4 tonn/ha 1995.
Tilraun nr. 125-96. Samanburður á byggyrkjum.
Tilraunir vom í sumar gerðar á 21 stað í þremur landshlutum. Tilgangurinn með þeim var að
minnsta kosti þríþættur. I fyrsta lagi vom borin saman byggyrki og þar með taldar fjölmargar
íslenskar kynbótalínur. í öðm lagi voru áburðarliðir í hverri tilraun og með þeim var reynt að
ákvarða áburðarþörf mismunandi jarðvegs. I þriðja lagi var verið að kanna möguleika á
kornrækt þar sem hún hefur ekki verið stunduð áður. Tilraunir vom gerðar á þessum stöðum: