Harmonikublaðið - 01.12.2016, Blaðsíða 4

Þann 27. ágúst sl. fór 35 manna hópur úr
Harmonikufélagi Þingeyinga í hópferð til
Egilsstaða. Ferðin var vel heppnuð og
skemmtileg, þrátt fyrir rigningu. Lagt var af
stað snemma morguns og stefnan tekin á
Borgarfjörð eystri. Þar rigndi eldi og
brennisteini og skýin lágu nánast á
þjóðveginum og var skyggni og útsýni í
samræmi við það. Við byrjuðum að sjálfsögðu
á að stoppa í Alfakaffi og hressa okkur á súpu
og kaffi auk töluverðar fræðslu um staðinn og
umhverfið hjá staðarhaldaranum Kalla Sveins.
Því næst var ekið yfir að höfninni og að lokum
skoðuðum við kirkjuna.
Þó að hér sé veður vont
víst mun enginn klökkna.
Það er víst aðþingeyskt mont
þolir ögn að vökna....Fía.
Þá var stefnan tekin á Egilsstaði þar sem
Valaskjálf beið okkar með tilbúin herbergi og
huggulegheit. Eftir góðan kvöldverð og
almenna hressingu var svo farið yfir í
danssalinn þar sem við tókum þátt í dansleik
ásamt Harmonikufélagi Héraðsbúa. Var mjög
góð mæting að vanda og gott ball. Okkar
framlag var Strákabandið, Pálmi Björnsson og
Grímur Vilhjálmsson. Heim var svo haldið
daginn eftir í góðu veðri og tekinn krókur yfir
í Fjallakaffi.
Um bílstjórann ei stendur styr
stýrir leiðir vega.
PáLmi ekur eins ogjyr
óaðfinnanlega..........Sigríður.
Bílstjórinn var Pálmi Björnsson.
Formanninn þið miettuð mœra
mikið, jafnvel öll í kór.
Hans er nœstum óspillt æra
ögn þó drykki hann af bjór.........Fía
Aðalfundur HFÞ var haldinn á Breiðamýri
9. október. Þar var skipt um tvo stjórnarmenn
og nú eru í stjórn þau Sigurður Olafsson
formaður, Ólína Arnkelsdóttir gjaldkeri,
Karen Hannesdóttir ritari, Kjartan Sigurðsson
varaformaður og Sigríður Ivarsdóttir
meðstjórnandi. Þarna var ýmislegt rætt, t.d.
þátttöku í landsmótinu sem Isfirðingar halda
næsta sumar, einnig var samþykkt að styrkja
kvikmyndatöku Gunnars Kvaran í sýslunni,
þar sem hann tekur upp þrjá harmonikuspilara,
þá Sigurð Friðriksson, Jón Arna Sigfússon og
Jóel Friðbjarnarson, sem fékk félaga sína í
Strákabandinu til liðs við sig. Verður þetta
sýnt á sjónvarpsstöðinni INN í vetur.
Þá héldum við árshátíð á Breiðamýri 5.
nóvember og tókst hún vel, Sæmilegasta
mæting var og mikið fjör. Friðrik
Steingrímsson var veislustjóri. Katrín
Sigurðardóttir og Rúnar Hannesson léku
nokkur lög fyrir mat sem kom úr smiðju
Kristjáns Guðmundssonar kokks á Laugum.
Þá fluttu gamanmál þau Sigríður fvarsdóttir,
Tryggvi Óskarsson og Davíð Herbertsson.
Ásgeir Stefánsson spilaði fyrir fjöldasöng og
líka dansi. Þá léku fyrir dansi Aðalsteinn
Isfjörð, Strákabandið og Hildur Petra
Friðriksdóttir ásamt undirleikurunum Eiríki
Bóassyni bassaleikara, Hauki Pálmasyni
trommara og Snorra Guðvarðarsyni
gítarleikara. Spiluðu þau öli af krafti og fjöri
og fóru allir hressari og kátari heim.
Texti og myndir, Siggi á Sandi
Á árshátíðinni frá vinstri: Hildur Petra Friðriksdóttir, Eiríkur Bóasson, Ásgeir Stefánsson, Haukur Pálmason og Snorri
Guðvarðarson
4