Harmonikublaðið - 01.12.2016, Blaðsíða 6

SIHU 2016
Aðalfundur SÍHU 2016 var haldinn á
Radisson Park Inn hótelinu í Keflavík
laugardaginn 24. september sl. Fundurinn að
þessu sinni var sá sautjándi í röð aðalfunda,
eftir breytingu sem gerð var haustið 1999.
Fram að því höfðu aðalfundir verið haldnir á
landsmótum og svokallaðir haustfundir til
frekari ráðagerða. Eftir það urðu haustfundir
að aðalfundum sambandsins, en fundarhald
á landsmótum var aflagt. Samkvæmt venju
mættu flestir fundargesta daginn áður og gerðu
sér glaðan dag. Urðu fagnaðarfundir hjá
mörgum fundargesta, sem voru í mörgum
tilfellum að hittast í fyrsta skipti síðan á Hellu,
þar sem síðasti fundur var haldinn.
Suðurnesjamenn höfðu undirbúið helgina af
natni og um kvöldið bauð FHUS upp á
ákaflega ljúffengan saltfisk að hætti Spánverja.
Urðu margir langleitir, sem vanari eru soðnum
saltfiski með hamsatólg eða mörfloti. Fljótlega,
eftir að hafa satt hungrið, hófu gestir að tína
fram hljóðfærin og stilla saman strengi. Allt
var þetta hið ánægjulegasta og dvöldu margir
fram eftir við spjall og spil. Klukkan tíu næsta
morgun hófst fundurinn. Hann sátu fulltrúar
frá þrettán af fjórtán félögum sambandsins.
Telst það ágætis mæting. Meðan á fundinum
stóð fóru makar í óvissuferð undir leiðsögn
um umhverfi staðarins. Við upphaf fundarins
minntist formaðurinn fallinna félaga, þeirra
Karls Jónatanssonar heiðursfélaga sambandsins
og Sigurðar Eymundssonar gjaldkera
sambandsins til margra ára.
Ymislegt áhugavert kom fram á fundinum. I
skýrslu Gunnars Kvaran formanns kom ma.
fram að sambandið hafi staðið fyrir
fjáröflunartónleikum í Salnum þann 5. mars
í vor ásamt dansleik sama kvöld í Stangarhyl
4. Þessir tveir viðburðir skiluðu sambandinu
ríflega kr. 350.000 í ágóða. I framhaldinu var
ákveðið að gefa tónlistina á tónleikunum út
á hljómdiski. Því starfi lauk síðastliðið sumar
og var diskurinn afhentur aðildarfélögunum
til sölu í lok fundarins. Ástæða er til að ætla
að diskasalan skili verulegum hagnaði í kassa
sambandsins, en gerðir voru 300 diskar. Þá
minntist formaðurinn á harmonikuþætti í
hans umsjón á sjónvarpsstöðinni INN.
Melkorka Benediktsdóttir starfandi gjaldkeri
lagði fram reikninga sambandsins, en í þeim
kom fram hagnaður ársins upp á kr. 540.000.
Má það teljast ágætis niðurstaða, ekki síst í
ljósi þess að ekki var um landsmótsgróða að
ræða.
Pétur Bjarnason kynnti tillögur að breytingum
á lögum sambandsins en hann hafði ásamt
Birni Olafi Hallgrímssyni og Sigurði
Eymundssyni setið í nefnd til endurskoðunar
6
á lögum sambandsins frá síðasta aðalfundi.
Ekki voru breytingar nefndarinnar miklar en
hnykkt var á ákveðnum atriðum. Stór áfangi
var þó tekinn í breytingum á ágóðaskiptingu
varðandi landsmót. Fram að þessu hefur
skiptingin verið 1/3 í hlut mótshaldara á móti
2/3 hluta sambandsins. Eftir breytinguna eru
hlutföllin 40% á móti 60%. Fannst mörgum
tími kominn á þessa lagfæringu til aukinnar
hvatningar til að halda landsmót, en því fylgir
gríðarleg vinna hjá mótshöldurum. Þá var lagt
til að tvo þriðju hluta atkvæða þurfi til á
aðalfundi, til samþykktar lagabreytingum.
Voru breytingartillögurnar samþykktar einum
rómi enda tillögurnar vel ígrundaðar og
rökstuddar hjá þeim félögum. Við stjórnarkjör
var Melkorka Benediktsdóttir kjörin gjaldkeri
til eins árs. Frosti Gunnarsson gaf ekki kost á
sér í stjórn eftir langa setu í stjórn sambandsins,
en í stað hans var Filippía Sigurjónsdóttir
kjörin í stjórn. Varamaður var kosinn Haraldur
Konráðsson frá Harmonikufélagi Rangæinga,
en Iangt mun síðan þeir hafa átt fulltrúa í
stjórn SlHU. Eftir nokkrar umræður í lok
fundarins tók Gunnar Kvaran til máls. Þakkaði
góðan fund, fráfarandi stjórn störfin og bauð
nýja stjórn velkomna til starfa. Sleit Gunnar
síðan fundinum laust upp úr klukkan eitt.
Klukkan sjö var síðan sest að kvöldverðarboði
í einum af glæsilegum sölum hótelsins. Var
boðið upp á einkar ljúffenga lambasteik, sem
veislugestir gerðu góð skil. Jón Berg,
fýrrverandi formaður Harmonikufélags
Reykjavíkur hafði með veislustjórn að gera og
fórst honum það vel úr hendi eins og hans er
vandi. Ekki leið á löngu áður en
harmonikuleikarar hófu leik og gesti stigu