Harmonikublaðið - 01.12.2016, Blaðsíða 21

/\ÆúuUMý
Jóhann Haukur Jóhannsson
f. 8. júní 1929 - d. 19. ágúst 2016
Félagi okkar til margra ára Jóhann Haukur
Jóhannsson er látinn. Hann var fæddur
8.6. 1929 og lést þann 19.8. 2016.
Haukur eins og hann var ávallt kallaður,
var Húnvetningur og það vissu allir sem
þekktu Hauk enda var hann stoltur af því.
Hann var fæddur að Bjarnastöðum í
Vatnsdal í Austur Húnavatnssýslu. Leiðir
okkar lágu saman fyrir um 25 árum þegar
ég gekk í Harmonikufélag Reykjavíkur,
en þá gegndi Haukur formennsku í
félaginu. Ég var á byrjunarreit en Haukur
hokinn af reynslu og með betri spilurum
félagsins. Of langt væri upp að telja alla
þá viðburði sem hann tók þátt í á vegum
Harmonikufélags Reykjavíkur en óhætt
er að segja að hann hafi verið ein af þessum
styrku stoðum, sem ávallt voru tilbúnar
að taka að sér hin ýmsu verkefni.
Harmonikan var hans líf og yndi eins og
allra þeirra sem kynnst hafa þessu
dásamlega hljóðfæri. Hann fór ungur að
spila á harmoniku bæði á dansleikjum og
við mörg önnur tækifæri og hefur mér
verið sagt að hann hafi verið eftirsóttur
dansspilari í Húnaþingi og víðar á sínum
yngri árum. Eitt er það lag sem við í
félaginu höfum tengt alveg sérstaklega við
Hauk en það er lagið Lördagsvalsen og
finnst okkur það lag vera hans aðalsmerki
en Haukur spilaði lagið alltaf af mikilli
innlifun, lipurð og taktfestu. Einstaklega
vel gert.
Nokkrar ferðir höfum við farið saman á
vegum HR innanlands sem og utan og þá
eins og alltaf var spilagleðin í fyrirrúmi
ásamt góðum félagsanda. En nú ferð þú
einn í þessa ferð sem þegar er hafin hjá þér
Haukur minn, ferðina sem við munum
öll fara í að lokinni þessari jarðvist, en ég
veit að það verður vel tekið á móti þér og
þú munt örugglega taka vel á móti okkur
þegar þar að kemur. Við hugsum með
hlýju og virðingu til Hauks, sem gekk til
liðs við Vitatorgsbandið íyrir um 8 árum,
en það var mjög ánægjulegt að fá hann í
bandið enda góður liðstyrkur.
Við í Vitatorgsbandinu þökkum Hauki
fyrir samspilið ennfremur trausta og góða
vináttu og biðjum guð að blessa okkar
kæra félaga.
Rögnu og fjölskyldu sendum við okkar
innilegustu samúðarkveðjur.
Góða ferð kæri vinur.
Vitatorgsbandið
Guðrún Guðjónsdóttir
Stefán Þórisson
f. 22. júní 1930 - d. 28. september 2016
Þann 28. september síðastliðinn lést Stefán
Þórisson harmonikuleikari, sem öllum
harmonikuunnendum mun af góðu
kunnur.
Stefán var fæddur í Hólkoti í Reykjadal
22. júní 1930, bóndi þar og atvinnubílstjóri.
Hann ólst upp í Reykjadalnum þar sem
tónlistarlíf var blómlegt, stundaði nám í
Laugaskóla, lærði ungur á harmoniku og
keypti sína fyrstu nikku 18 ára. Hann var
farinn að spila fyrir dansi um tvítugt. Hann
var einn af stofnendum Harmonikufélags
Þingeyinga, gegndi þar bæði formennsku
og öðrum félagsstörfúm og var virkur fram
á síðasta dag. Hann var gerður að
heiðursfélaga 2014.
Stefáns er sárt saknað af öllum félögum.
Hann var frábær harmonikuleikari og
góður félagi. Mér er ógleymanlegt fyrsta
skiptið sem ég heyrði hann spila á
samkomu. Það geislaði svo af honum
fjörið. Hann var félagslyndur og drífandi
hvar sem hann kom og húmoristi. Hann
var glaðsinna ljúfmenni og sérlega
skemmtilegur ferðafélagi. Fjörið var alltaf
kring um hann enda snjall sögumaður.
Það var ekki til svo ómerkilegt atvik að
Stefán sæi ekki á því skemmtilegu hliðina
og hvetti okkur hagyrðingana til að yrkja
um það. Hann hló innilegast sjálfur ef um
hann var ort og hlátur Stefáns var smitandi.
Svona minnist Friðrik Steingrímsson
Stefáns og ég er sannfærð um að félagarnir
allir sem einn gætu tekið undir það.
Minningin um gleðigjafa
glaðist nú sem aldrei jyr,
síðustu þá hljóðnað hafa
Hólkots nikku tónarnir.
Stefán var giftur Gunnhildi Sigríði
Guðmundsdóttur, sem einnig er látin og
eignuðust þau sex börn.
Við félagar í Harmonikufélagi Þingeyinga
þökkum fyrir ótal ánægjustundir, mikið
starf í þágu félagsins og tónlistarinnar og
sendum fjölskyldu Stefáns og Ingu
vinkonu hans okkar innilegustu
samúðarkveðjur.
Fyrir hönd.H.F.Þ.
Hólmfríður Bjartmarsdóttir
21