Víkurfréttir - 11.06.2020, Blaðsíða 10

Samanburður vertíða 50 ár aftur í tímann
Júnímánuður kominn af stað og eins og greint var frá í síðasta pistli, þar
sem talað var um hversu margt breytist í júni, og skulum við aðeins kíkja á
það sem og líta á nýjustu afurð mína í útgáfumálum.
Þessa fáu daga í júní hefur smá slatta
verið landað í Grindavík og Sand-
gerði en það sem vekur athygli er
að engum afla hefur verið landað í
Keflavík/Njarðvík.
Í Grindavík hefur 573 tonnum
verið landað og mest af því kemur
frá stóru línubátunum. Páll Jónsson
GK með 82 tonn, Sighvatur GK 79
tonn, Kristín GK 76 tonn, Fjölnir GK
73 tonn og síðan komu Áskell ÞH og
Vörður ÞH báðir með sitt hvor 83
tonnin í land.
Eins og sést þegar búið að er að
leggja þetta saman að þá eru þetta
542 tonn og því aðeins um 30 tonn
sem hafa komið aukalega frá smá-
bátunum.
Hrappur GK er með 4,5 tonn,
Sæfari GK 4,1 tonn, Þórdís GK 3,3
tonn og Jón Pétur RE 3,8 tonn allir á
færum og allir með fjóra róðra.
Í Sandgerði hafa aðeins fleiri bátar
landað afla og heildarlöndun er
komin í 144 tonn í júní. Mest af því á
Pálína Þórunn GK sem kom með 68
tonn í einni löndun. Aðalbjörg RE,
sem er á dragnót, er með 22 tonn í
fjórum róðrum.
Af færabátunum er Fagravík GK
með 3,5 tonn í þremur, Gréta GK 2,9
tonn í fjórum, Guðrún GK 2,6 tonn
í þremur og Jói á Seli GK 2,4 tonn í
þremur.
Allir minni línubátarnir eru farnir
í burtu frá Suðurnesjum, flestir fóru
austur og nokkrir norður, en einn
línubátur er eftir,það er Steinunn
HF sem var með 5,1 tonn í tveimur
róðrum í Sandgerði.
Vertíðirnar 1970 og 2020
Förum aðeins í aðra sálma því alveg
síðan árið 2005 hef ég skrifað um
vetrarvertíðirnar, sem eru ár hvert
frá 1. janúar til 11. maí. Gerði það
fyrst í Fiskifréttir fram til ársins 2017
og bar þá alltaf saman vertíðir 50 ár
aftur í tímann, t.d fyrsta var 2005 og
1955 og svo koll af kolli.
Síðan árið 2018 hef ég gefið út
þessi vertíðarrit sjálfur. Þetta eru
engir risadoðrantar, hvert rit er um
um 36 blaðsíður að stærð. Nýjasta
ritið um vertíðina 2020 og vertíðina
árið 1970 var að koma út. Í því er
fjallað um vertíðirnar bæði árin, sem
og birtur listi yfir alla þá báta sem
náðu yfir 400 tonn árið 2020, en þeir
voru um 90, og líka birtur listi yfir
alla þá báta sem náðu yfir 400 tonn
árið 1970.
Bátarnir árið 1970 voru ótrúlega
margir eða um 270 sem náðu yfir
400 tonn á þeirri vertíð og mjög
margir bátar frá Suðurnesjum eru
þar á blaði, þá lönduðu þeir bátar í
Grindavík, Sandgerði, Keflavík og
Vogum.
Í þessu riti er líka smá innsýn inn
í loðnubátanna árið 1970, togarana
bæði árin og smábátana árið 2020 en
þar er miðað við 200 tonn.
Ef þið hafið áhuga þá getið þið
pantað ritið í síma 6635575 (Gísli),
7743616 (Hrefna) eða á netfangið
gisli@aflafrettir.is. Ritið kostar 3.000
krónur.
Það má geta þess að nýtt Íslands-
met var sett á vertíðinni 2020 þegar
netabáturinn Bárður SH veiddi yfir
2000 tonn í net á vertíðinni, gamla
metið var frá árið 1989 og aftur til
ársins 1970 þá var Geirfugl GK sem
setti Íslandsmet með mestum neta-
afla á vertíð þegar að hann landaði
þá yfir 1700 tonn á vertíðinni. Sem
sé báðar vertíðir ansi merkilegar.
Gísli Reynisson
gisli@aflafrettir.is
Heyrnarmælingar, ráðgjöf og heyrnartækjaþjónusta
Bókaðu tíma í síma 568 6880 eða á www.heyrnartaekni.is
Vantar þig heyrnartæki?
Opn S eru ný tegund heyrnartækja frá Oticon sem hjálpa þér að
heyra margfalt betur í fjölmenni og klið. Þú getur fengið Opn S
með endurhlaðanlegum rafhlöðum. Árni Hafstað, sérfræðingur
hjá Heyrnartækni, verður í Reykjanesbæ í júní.
Reykjanesbær
23. júní 2020
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880 vf is
Þú finnur allar
nýjustu fréttirnar
frá Suðurnesjum á
10 // aFlaFrÉttir á SuÐurnESjum í 40 ár
Fimmtudagur 11. júní 2020 // 24. tbl. // 41. árg.