Víkurfréttir - 11.06.2020, Blaðsíða 29
– Hvað er í deiglunni?
Það er alla vega ekki að fara í útilegur
í sumar, ég er meira svona hótel-
maður. Annars er það helst á döfinni
í dag að halda áfram að hugsa vel um
fjölskylduna mína og fyrirtækið og
rækta það eins vel og hægt er.
– Hvernig nemandi varstu í
grunnskóla?
Ég var ágætur nemandi, krefjandi,
orkumikill og nokkuð góður í leik-
fimi. Held bara fínn drengur.
– Hvernig voru framhaldsskóla-
árin?
Ég stundaði nám við FS og voru
þetta góð ár enda kynntist maður
mörgu fólki á þessum árum sem
urðu vinir til lífstíðar og að sjálf-
sögðu kynntist ég Elínu minni þarna
þannig að það er ekki annað hægt að
segja en þetta hafi verið góð ár.
– Hvað ætlaðir þú að verða
þegar þú yrðir stór?
Ég man ekki eftir neinu sérstöku en
ætli ég hafi ekki haft þann draum að
verða atvinnumaður í fótbolta, hef
reyndar atvinnu að einhverju leyti
af fótbolta í dag :-)
– Hver var fyrsti bíllinn þinn?
Toyota Corolla, standard týpa með
vínilsætum, geggjaður bíll.
– Hvernig bíl ertu á í dag?
Toyota Landcruiser og Kia Stonic.
– Hver er draumabíllinn?
Volvo xc90 eru geggjaðir bílar, á eftir
að fá mér svoleiðis bíl þegar ég verð
stór.
– Hvert var uppáhaldsleik-
fangið þitt þegar þú varst
krakki?
Ætli það hafi ekki verið fót-
boltinn.
– Besti ilmur sem þú
finnur:
Það er svolítið skrýtið en lyktin
inní búningsklefanum rétt fyrir leik í
fótboltanum er sérstök, kannski ekki
besti ilmur ef við getum kallað hann
ilm en tilfinningin af spennu fyrir
leiknum gerir ilminn góðan.
– Hvernig slakarðu á?
Í góðu fríi á sólarströnd með fjöl-
skyldunni er besta slökunin. Einnig
er góð slökun að fara út að hlaupa
og hjóla, þannig hleður maður batt-
eríin vel.
– Hver var uppáhaldstón-
listin þín þegar þú varst u.þ.b.
sautján ára?
Það er auðvelt, U2, besta hljómsveit
allra tíma :-)
– Uppáhaldstónlistartímabil?
Ég er alæta á tónlist, hlusta á flestar
tegundir tónlistar þannig að það
tímabil sem maður er í er líklega
það besta.
– Hvaða tónlist fær
þig til að sperra
eyrun þessa
dagana?
Nýjasta platan
hans Ásgeirs,
Satt, er geggjuð.
– Hvers konar
tónlist var hlust-
að á á þínu heimili?
Þegar ég bjó hjá mömmu
og pabba á Heiðarhorninu þá var
Villi Vill oftast spilaður og er oftast
spilaður enn í dag.
– Leikurðu á hljóðfæri?
Nei, gæti ekki bjargað lífi mínu með
hljóðfæraleik.
– Horfirðu mikið á sjónvarp og
hvernig?
Ég horfi mikið á sjónvarp, helst
horfi ég á þætti á Netflix, Stöð 2 og
RÚV en aðalsjónvarpsefnið mitt er
þó íþróttir, þar horfi ég á allt sem ég
kemst í tæri við og fæ að hafa sjón-
varpið í friði.
– Hverju missirðu helst ekki af í
sjónvarpinu?
Leikjum með Liverpool, það er
ótrúlega margt sem ég er tilbúinn
að fórna til að geta horft á leik með
mínum mönnum.
– Besta kvikmyndin:
Shawshank Redemption er geggjuð
mynd.
– Hver er uppáhaldsbókin þín
og/eða rithöfundur?
Ég les alveg rosalega lítið, líklega
er uppáhaldsrithöfundurinn minn
Arnaldur Indriðason þar sem ég hef
ekki lesið bækur eftir neinn annan
og besta bókin er Betty. Reyndar las
ég bókina um Klopp líka en það er
annað mál.
– Hvað gerir þú betur en allir
aðrir á þínu heimili?
Ég vil meina að ég geri allt betur en
allir hér á mínu heimili, ég kann að
skera ost rétt, skera appelsínurnar
rétt, sný klósettrúllunni líka rétt en
það virðist vera mjög erfitt að ná því
hvernig þær eigi að snúa. Svo vinn
ég yfirleitt í öllum íþróttum.
– Hvert er snilldarverkið þitt í
eldhúsinu?
Nautalund, verður að vera Medium
Rear, þar er ég algjör meistari.
– Hvernig er eggið best?
Over Easy egg eru best.
– Hvað fer mest í taugarnar á
þér í fari þínu?
Á það til að hlaupa stundum á mig.
– Hvað fer mest í taugarnar á
þér í fari annarra?
Óstundvísi og geta ekki gert það sem
ég taldi upp áðan, skera ostinn rétt,
sumir vinnufélagar mínir á Sjúkra-
þjálfun Suðurnesja eru þarna algjör-
lega ófærir í því.
– Uppáhaldsmálsháttur eða til-
vitnun:
Be kind always.
– Hver er elsta minningin sem
þú átt?
Þegar ég var að veiða með pabba í
Brunná við bæinn þar sem hann ólst
upp.
– Orð eða frasi sem þú notar of
mikið:
Nota þennan svolítið heima hjá mér
við fjölskylduna ... æi viltu ná í þetta
fyrir mig?
– Ef þú gætir farið til baka í
tíma, hvert færirðu?
Ég færi líklega til baka um fjögur,
fimm ár, til Manchester og ég færi
ekki í Liverpool-bolnum mínum á
leikinn Manchester - Liverpool. Ég
kæmist þá kannski inn á leikinn.
– Hver væri titillinn á ævisögu
þinni?
Maðurinn sem fór ekki í útilegu.
– Þú vaknar einn morgun í
líkama frægrar manneskju og
þarft að dúsa þar einn dag.
Hver værirðu til í að vera og
hvað myndirðu gera?
Donald Trump, ég myndi byrja á því
að segja af mér forsetaembættinu og
svo myndi ég líklega fara að spila
golf á einhverjum af golfvöllunum
mínum.
– Hvaða þremur persónum vild-
irðu bjóða í draumakvöldverð?
Hef mikinn áhuga á að bjóða
meistara Klopp í mat, held að það
yrði mjög skemmtilegt. Svo væri ég
alveg til í að detta í smá dinner með
Bono og The Edge og spjalla um
heimsmálin og fá þá svo til að taka
lagið í stofunni hjá mér.
– Hvernig hefur þú verið að
upplifa árið 2020 hingað til?
Þetta ár hefur ekki verið alveg uppá
það besta, það má þó segjast eins
og er að þegar það hægðist á öllu í
kjölfarið á COVID-19 þá sá maður
svolítið hlutina í réttu ljósi og sér hve
heppinn maður er með fjölskyldu og
vini.
– Er bjartsýni fyrir sumrinu?
Sumarið verður flott, líklega mikil
vinna. Fótboltinn mun standa sig
vel og maður á eftir að fara eitthvað
um landið og kanna hótelin með
fjölskyldunni.
– Hvað á að gera í sumar?
Fótbolti og sund lita sumarið hjá
okkur. Vegna COVID þá frestuðust
öll sundmótin og verða þau fyrir-
ferðamikil næstu vikurnar.
– Hvert ferðu í sumarfrí?
Við munum líklega ferðast að mestu
innanhúss en jafnvel verða farnar
stuttar ferðir um landið þegar tími
gefst til.
– Ef þú fengir gesti utan af
landi sem hafa aldrei skoðað
sig um á Suðurnesjum. Hvert
myndir þú fara með þá fyrst og
hvað myndir þú helst vilja sýna
þeim?
Fyrst myndi ég náttúrlega fara með
þá á Garðskaga og skoða sólarlagið
þar, algjörlega geggjað. Svo myndi
ég fara með þá þennan helsta hring,
Brú milli heimsálfa, Sandvík, Brim-
ketil og Gunnuhver og ef þeir eiga
nægilega mikinn pening þá myndi
ég biðja þau að bjóða mér í Bláa
lónið.
– Ef þú gætir hoppað upp í
flugvél og réðir hvert hún færi,
þá færirðu....
... til Ítalíu í frí með fjölskyldunni
minni. Myndi líklega enda á Lake
Como og hafa það huggulegt í tvær
vikur.
N
et
sp
j @
ll
Villi Vill
Fimmtudagur 11. júní 2020 // 24. tbl. // 41. árg.
VíKurFrÉttir á SuÐurnESjum í 40 ár // 29