Víkurfréttir - 11.06.2020, Blaðsíða 27

– Hver er uppáhaldsbókin þín
og/eða rithöfundur?
Pass!
– Hvað gerir þú betur en allir
aðrir á þínu heimili?
Þríf betur en allir en þeir eru mun
betri í eldhúsinu en ég!
– Hvert er snilldarverkið þitt í
eldhúsinu?
Karamellutertan hennar mömmu,
ég er að mastera hana.
– Hvernig er eggið best?
Hálf linsoðið.
– Hvað fer mest í taugarnar á
þér í fari þínu?
Get pirrað mig á minnstu hlutum
en er að reyna að gera það ekki, er
allt í vinnslu !
– Hvað fer mest í taugarnar á
þér í fari annarra?
Óheiðarleiki og ókurteisi.
– Uppáhaldsmálsháttur eða til-
vitnun:
Ekki geyma til morguns það sem
þú getur gert í dag!
– Hver er elsta minningin sem
þú átt?
Þegar ég var á Mallorca með
mömmu og pabba, fjögurra ára
gömul.
– Orð eða frasi sem þú notar of
mikið:
Nákvæmlega, mögulega!
– Ef þú gætir farið til baka í
tíma, hvert færirðu?
Þegar ég var u.þ.b. 25 ára og átti
nóg eftir í körfunni. Vildi óska þess
að ég gæti enn æft körfu, ekkert
endilega keppa bara æfa ... þetta
var skemmtilegur tími ...
– Hver væri titillinn á ævisögu
þinni?
Tvö líf – fyrir og eftir boltann!
– Þú vaknar einn morgun í
líkama frægrar manneskju og
þarft að dúsa þar einn dag.
Hver værirðu til í að vera og
hvað myndirðu gera?
Ég væri til í að vera í líkama Tiger
Woods og spila lokadaginn á Mast-
ers.
– Hvaða þremur persónum vild-
irðu bjóða í draumakvöldverð?
Ég myndi alltaf bjóða einhverjum
af mínum skemmtilegu vinum en
ef við förum út fyrir það myndi
ég bjóða Michael Jordan, Jürgen
Klopp og ég gæti ekki gert upp á
milli vinkvenna minna í sauma-
klúbbnum þannig að ég myndi
bjóða Höddu vinkonu, þetta yrði
geggjað kvöld og karlmennirnir
mínir í fjölskyldunni myndu elda
fyrir okkur ... þetta myndi ekkert
endilega klikka!
– Hvernig hefur þú verið að
upplifa árið 2020 hingað til?
Eins og flestir aðrir ... mjög sér-
stakt hingað til en það rætist von-
andi úr þessu þegar líður á árið.
– Er bjartsýni fyrir sumrinu?
Já, já. Ég er nú alltaf frekar bjartsýn
og reyni lítið að kíkja í baksýnis-
spegilinn þannig að ég er bara
bjartsýn fyrir sumrinu.
– Hvað á að gera í sumar?
Ég ætla að reyna að spila mikið
golf, ferðast með hjólhýsið og sinna
barnabörnunum eins mikið og
hægt er.
– Hvert ferðu í sumarfrí?
Það er ekki ákveðið, ég læt bara
veðrið ráða því hvert ég fer, nenni
ekki að ferðast mikið í rigningu.
– Ef þú fengir gesti utan af landi
sem hafa aldrei skoðað sig um
á Suðurnesjum. Hvert myndir
þú fara með þá fyrst og hvað
myndir þú helst vilja sýna þeim?
Ég myndi fara með þau í Leiruna í
golf og mat á eftir í Leirukaffi, svo
myndi ég taka hring um Reykja-
nesið eins og það leggur sig. Ég
þyrfti meira að segja að skoða það
betur það eru svo margir fallegir
staðir hér á svæðinu.
– Ef þú gætir hoppað upp í
flugvél og réðir hvert hún færi,
þá færirðu ...
Ég myndi fara með Binna til Sevilla
á Spáni, mér finnst það sjúklega
kósý staður. Allt svo rólegt og
þægilegt, gott að borða og drekka
... en núna tækjum við golfsettin
með.
Deildarmei
stari
1995
FIMMTUDAG KL. 20:30
HRINGBRAUT OG VF.IS
Fimmtudagur 11. júní 2020 // 24. tbl. // 41. árg.
VíKurFrÉttir á SuÐurnESjum í 40 ár // 27