Víkurfréttir - 11.06.2020, Qupperneq 12
– sagði Katrín Jakobsdóttir, forsætisráðherra, sem fékk nýja VG lopapeysu frá Jónatan
Stefánssyni, vini sínum suður með sjó. Hann mætti í Stjórnarráðið með peysuna á
ráðherrabíl og færði forsætisráðherranum. „Á eftir að nota hana mikið,“ sagði Katrín,
alsæl með peysuna.
Þær eru misjafnar heimsóknirnar
og gjafirnar sem forsætisráðherra
Íslands fær alla jafna. Suðurnesja-
maðurinn Jónatan Jóhann Stefáns-
son er gallharður stuðningsmaður
Katrínar Jakobsdóttur og kom
færandi hendi með óvænta gjöf til
hennar nýlega í Stjórnarráðið, forláta
rauða lopapeysu, prjónaða í Sand-
gerði, merkta VG.
Jónatan er félagi númer sjö í Vinstri
hreyfingunni Grænu framboði á
Suðurnesjum og segir skemmtilega
frá því í viðtali sem Páll Orri Páls-
son, fréttamaður Víkurfrétta, átti við
hann þegar hann heimsótti Katrínu í
Stjórnarráðið. Ástæðan fyrir óvæntu
peysugjöfinni er skemmtileg en
þegar Katrín mætti með félögum
sínum í Vinstri grænum í heimsókn
til Suðurnesja rétt fyrir COVID-19
hreyfst hún af rauðri lopapeysu vinar
síns á fundi hennar á Hótel Keflavík.
Jónatan tók hana á orðinu og fékk
saumakonuna Kristínu Kristjáns-
dóttur í Sandgerði til að prjóna peysu
á Katrínu. Svo þegar hún var tilbúin
var pantaður tími hjá forsætisráð-
herra sem sagðist taka glöð á móti
vini sínum.
„Ég fór bara strax að huga að því
að láta prjóna á hana svona peysu,“
sagði Jónatan sem var spenntur að
vita hvort hún passaði ekki á hana.
Jónatan er vinamargur maður og
þeir Ásmundur Friðriksson og Mar-
geir Elentínusson fóru með honum
til fundar við Katrínu til að færa
henni peysuna, Margeir sem einka-
bílstjóri og Ási sem aðstoðarmaður.
Auðvitað mætir einn mesti VG félagi
á Suðurnesjum í ráðherrabíl þegar
hann hittir ráðherrann sinn og sat
aftur í bílnum að sið ráðherra.
Katrín bauð þeim félögum inn í
hús Stjórnarráðsins og sýndi Tana
fundarherbergi ríkisstjórnarinnar
og aðstæður í húsinu. Okkar maður
hafði hins vegar mun meiri áhuga
á því að Katrín mátaði peysuna en
Kristín saumakona hafði fengið þrjá
konur sem voru áþekkar Katrínu til
að máta hana. „Hún er fullkomin,“
sagði Katrín eftir að hún hafði smellt
sér í peysuna og undir það er hægt
að taka eins og sjá má á myndum og
í myndskeiðinu.
Hún er fullkomin
Jónatan og félagar hans fengu kaffi
hjá Katrínu í Stjórnarráðinu.
Magnús
Elentínusson á
ráðherrabílnum
við stjórnarráðið.
Tani aftur í að
hætti ráðherra.
12 // VíKurFrÉttir á SuÐurnESjum í 40 ár
Fimmtudagur 11. júní 2020 // 24. tbl. // 41. árg.
Jónatan og Katrín
í peysunum góðu.
VF-myndir/Páll Orri Pálsson