Víkurfréttir - 11.06.2020, Blaðsíða 26
Vildi vakna í líkama Tiger Woods
og spila lokadaginn á Masters
Anna María Sveinsdóttir væri til í að
bjóða Michael Jordan og Tiger Woods í
draumakvöldverð. Hún væri reyndar til í að
vakna upp í líkama Tiger Woods og leika
lokadaginn á Masters. Golf á hug Önnu
Maríu í dag eins og sjá má af lestri svara
við spurningum í netspjalli Víkurfrétta.
Ef tímaflakk væri í boði færi Anna María
reyndar á þann stað þar sem hún var 25 ára
og átti mörg ár eftir í körfuboltanum, enda
mun ævisagan fá titilinn Tvö líf – fyrir og
eftir boltann!
– Nafn:
Anna María Sveinsdóttir.
– Árgangur:
1969.
– Búseta:
Keflavík.
– Fjölskylduhagir:
Gift Brynjari Hólm Sigurðs-
syni og eigum tvo stráka Hafliða
Má og Sigurð Hólm og svo tvö
barnabörn, Daníel Hólm og Hug-
rúnu Önnu.
– Hverra manna ertu og hvar
upp alin?
Ég er fædd og uppalin í Keflavík,
í Háholtinu þar sem ég bý í dag.
Mamma mín er Anna Pála Sig-
urðardóttir og pabbi minn Sveinn
Ormsson, ég á tvær systur Erlu og
Helgu.
– Starf/nám:
Vátryggingarráðgjafi í TM.
– Hvað er í deiglunni?
Reyna að spila sem mest golf í
sumar.
– Hvernig nemandi varstu í
grunnskóla?
Ég held að ég hafi nú bara verið
ágætis nemandi í grunnskóla.
– Hvernig voru framhaldsskóla-
árin?
Framhaldsskólaárin voru mjög
skemmtileg … var frekar lengi að
taka stúdentsprófið, lét körfubolt-
ann ganga fyrir. Það hafðist á end-
anum en sé ekki eftir neinu, þetta
var góður tími, eins og Gísli Torfa
heitinn sagði við mig að skólinn
færi ekkert frá mér en körfufbolta-
ferillinn gerði það.
– Hvað ætlaðir þú að verða
þegar þú yrðir stór?
Íþróttakennari, væri alveg til í að
vera það í dag, þá væri ég í fríi á
sumrin og gæti spilað meira golf,
annars er ég mjög ánægð í mínu
starfi í TM.
– Hver var fyrsti bíllinn þinn?
Daihatsu Charade, rauður með
kýrauga, algjör kaggi. Við vinkon-
urnar, Björg og Svandís, rúntuðum
um allt land á honum.
– Hvernig bíl ertu á í dag?
Toyota Land Cruiser.
– Hver er draumabíllinn?
Mér finnst Land Cruiserinn mjög
góður en annars er ég líka til í
Volvo jeppa.
– Hvert var uppáhaldsleik-
fangið þitt þegar þú varst
krakki?
Það var dúkkan mín hún Bettý, lék
mér mikið með hana en ég átti líka
bangsa sem fór út um allt með mér
og ég á hann ennþá.
– Besti ilmur sem þú finnur:
Mér finnst lykt af nýslegnu grasi
æðisleg.
– Hvernig slakarðu á?
Ég er alsæl þegar ég er með
ískaldan öl í góðu veðri og góðum
félagsskap
– Hver var uppáhaldstón-
listin þín þegar þú varst u.þ.b.
sautján ára?
Þegar ég var á þeim aldri, var það
bara þessi „eitís“-tónlist annars
held ég að ég verði bara pínu
að setja pass á þessar tónlistar-
spurningar, ég hlusta á mest allt en
er mjög léleg t.d. í popppunkti og
þess háttar tónlistarleikjum.
– Leikurðu á hljóðfæri?
Ég leik ekki á hljóðfæri og hef aldr-
ei gert.
– Horfirðu mikið á sjónvarp og
hvernig?
Ég horfi nokkuð á sjónvarp og þá
aðallega íþróttir, stundum Netflix
líka.
– Hverju missirðu helst ekki af í
sjónvarpinu?
Leik með Liverpool!
– Besta kvikmyndin:
Ég er ekki mikil kvikmyndamann-
eskja og nú fara vinkonur mínar í
Stellunum að hlægja en Lion King
og Stella í Orlofi eru mjög svo
tímalausar.
N
etspj@
ll
26 // VíKurFrÉttir á SuÐurnESjum í 40 ár
Fimmtudagur 11. júní 2020 // 24. tbl. // 41. árg.