Morgunblaðið - 02.05.2020, Síða 8

8 FRÉTTIRInnlent
MORGUNBLAÐIÐ LAUGARDAGUR 2. MAÍ 2020
Borgarstjóri kynnti ársreikningReykjavíkurborgar í liðinni
viku. Hann virtist hróðugur í til-
kynningu á vef borgarinnar: „Þessi
niðurstaða sýnir öðru fremur
sterkan fjárhag borgarinnar eftir
síðasta ár.“ Og bætti við: „Þessi
niðurstaða er því
gott veganesti inn í
þær efnahagslegu
þrengingar sem við
erum að sigla inn í
núna í kjölfar
Covid-19.“
  
Í tilkynningunnivar rakin jákvæð
rekstrarniðurstaða
ársins 2019, að vísu
minna jákvæð en
áætlað hafði verið,
og af því dregin sú
ályktun að staðan
væri sterk. Athygli
vekur að þrátt fyrir bólgna upplýs-
ingadeild borgarinnar tókst ekki
að koma inn í tilkynninguna upp-
lýsingum um hve mjög skuldir hafa
vaxið frá árinu 2018. Skuldir og
skuldbindingar borgarsjóðs hækk-
uðu í fyrra um 4 milljarða króna í
112 milljarða og skuldir og skuld-
bindingar borgarinnar í heild sinni,
að fyrirtækjum meðtöldum, hækk-
uðu um nær 21 milljarð í 345 millj-
arða.
  
Eins og oddviti sjálfstæð-ismanna í borginni benti á
gerðist þetta þrátt fyrir „mesta
tekjugóðæri sögunnar“, sem sýnir
vel hve illa borgin er búin undir
það hallæri sem nú er skollið á,
þvert á það sem borgarstjóri full-
yrðir.
  
Sé horft enn lengra aftur, fimmár, má sjá að skuldir borgar-
sjóðs hafa nær tvöfaldast og nemur
hækkunin nær tíu milljörðum á ári
að meðaltali. Núverandi borgar-
stjórnarmeirihluti hefur alla tíð
lokað augunum fyrir þessum vanda
og það versta er að hann virðist
engin áform hafa um að opna þau.
Dagur B.
Eggertsson
Vaxandi vandi
STAKSTEINAR
Eyþór Arnalds
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Minningarsjóður Eðvarðs
Sigurðssonar, fyrrum
verkalýðsforingja og al-
þingismanns, veitti fjóra
styrki upp á 2,5 milljónir í
gær, á baráttudegi verka-
lýðsmanna.
Andrea Hjálmsdóttir og
Valgerður S. Bjarnadóttir
hlutu styrk, að fjárhæð ein
milljón króna, vegna rann-
sóknarinnar „Lífið á tím-
um kórónuveirunnar: Breyt-
ingar á fjölskyldulífi,
atvinnu og ábyrgð“. Dag-
bókarfærslur verða hafðar
að leiðarljósi í því að varpa
ljósi á daglegt líf barnafjöl-
skyldna meðan faraldurinn
stendur yfir, og hins vegar
viðtalsrannsókn. Með henni
er leitast eftir dýpri skiln-
ingi á upplifun og reynslu
foreldra af áhrifum farald-
ursins á samræmingu fjölskyldu og
vinnu.
Þá hlutu Einar Kári Jóhannsson
og Styrmir Dýrfjörð 500.000 króna
styrk til rannsóknar á lífi og störf-
um Hallgríms Hallgrímssonar, eins
stofnenda Kommúnistaflokks Ís-
lands, og ritunar ævisögu hans.
Jafnháan styrk hlaut Hrafnkell
Lárusson vegna rannsóknanna
„Lýðræði í mótun: viðhorf, iðkun og
þátttaka almennings“. Fjallar verk-
efnið um árekstra sem urðu á milli
gamla samfélagsins í kjölfar vax-
andi stéttar launafólks.
Loks hlaut Sigurður Gylfi
Magnússon styrk að fjárhæð
500.000 króna til þess að fjalla um
lífskjör alþýðufólks á liðnum öldum.
Hafa þegar komið út 25 bækur í rit-
röðinni Sýnisbók íslenskrar Alþýðu-
menningar, en frá og með fimm-
tándu bók hefur áhersla færst á
fátækt.
2,5 milljónir veittar til rannsókna
 „Lífið á tímum kórónuveirunnar“ hlaut milljón úr sjóði Eðvarðs Sigurðssonar
Eðvarð
Sigurðsson
Vinna við tvöföldun Reykjanes-
brautar í Hafnarfirði, frá Kaldár-
selsvegi að Krýsuvíkurvegi, hefur
gengið vel undanfarna tvo mánuði
þrátt fyrir COVID-19 faraldurinn.
Fyrsta malbikun sumarsins hófst
28. apríl.
Tvöföldun Reykjanesbrautar á
þessum kafla fer fram í mikilli ná-
lægð við þunga umferð. Íbúðar-
byggð er mikil í næsta nágrenni
og þar eru einnig skólar og versl-
anir. Því er lögð mikil áhersla á
öll öryggismál. Verið er að tvö-
falda 3,2 kílómetra kafla auk þess
sem setja á upp tvær nýjar göngu-
brýr og breikka brúna yfir
Strandgötu.
Fram kemur í frétt á heimasíðu
Vegagerðarinnar að verktakinn,
Ístak, hafi haldið ótrauður áfram
þrátt fyrir veirufaraldurinn, en að
jafnaði hafa verið 45 starfsmenn á
vinnusvæðinu.
Umferð verður hliðrað á næst-
unni yfir á hinn nýja hluta Strand-
götubrúar svo hægt verði að ljúka
við vinnu við undirgöng norður-
akreinar. Verklok eru áætluð í
nóvember 2020. sisi@mbl.is
Vinna við tvöföldun
gengið framar vonum
Ljósmynd/Vegagerðin
Vegagerð Fyrsta malbikun sumarsins á Reykjanesbraut var á þriðjudaginn.R
GUNA
GÓÐAR
I