Morgunblaðið - 02.05.2020, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 2. MAÍ 2020
Veronika Steinunn Magnúsdóttir
veronika@mbl.is
Hækkun listamannalauna gerir það
að verkum að listamenn hafa tæki-
færi til að vinna að verkefnum sínum
og skapa meira, að sögn Erlings Jó-
hannessonar, formanns Bandalags
íslenskra listamanna.
„Mesta áfallið við þennan faraldur
er að starfsvettvangi listamanna er
kippt undan þeim í einu vetfangi. Við
höfum áður misst vinnuna en ekki á
þennan hátt,“ segir Erling
Jóhannesson, formaður Bandalags
íslenskra listamanna. Hann segir að-
gerðir stjórnvalda hafa fengið góðar
undirtektir meðal listamanna.
Ríkisstjórnin hefur lagt til að
hækka listamannalaun um 250 millj-
ónir, til þess að sporna við tekjutapi
listamanna. Er aðgerðin hluti af öðr-
um aðgerðarpakka ríkisstjórnar-
innar vegna faraldursins. Verður
þetta gert með því að úthluta rúm-
lega 600 verkefnamánuðum auka-
lega til listamanna á árinu.
Árlega er 650 milljónum úthlutað
til listamanna úr ríkissjóði og hlutu
325 listamenn af 1.544 listamanna-
laun í ár.
„Fjármagnið rennur til starfs-
launasjóða, sem við köllum lista-
mannalaun í daglegu tali. Þeir eru
bundnir lögum á þann hátt að fjár-
magn rennur til hverrar listgreinar,
til dæmis sviðslistasjóðs, myndlista-
sjóðs og fleiri sjóða,“ segir Erling.
Hann segir að líklegast sé að
launaviðbótinni verði úthlutað til
fleiri listamanna og til skemmri tíma
en hin hefðbundnu listamannalaun.
„Þessari úthlutun er ætlað að
brúa ákveðið bil núna, vegna þess að
verkefnastaðan er orðin mjög léleg í
þessum greinum,“ segir hann.
Hækkun stuðli að
aukinni sköpun
 Fleiri fá listamannalaun í ár
Morgunblaðið/Ómar
Formaðurinn Erling Jóhannesson.
Gunnlaugur Snær Ólafsson
gso@mbl.is
„Þetta er mjög spennandi verkefni
hjá stofnun sem hefur verið í mikilli
þróun og nýr vettvangur fyrir mig.
Ég hef nú verið tengdur sjávarút-
vegi alla mína tíð,“ segir Ögmundur
Knútsson, sem skipaður hefur verið
í embætti fiskistofustjóra til fimm
ára og tók formlega við embættinu í
gær. Ögmundur er með BS-gráðu í
viðskiptafræði frá Háskólanum á
Akureyri og meistaragráðu í sömu
grein frá Háskólanum í Edinborg
ásamt því að hafa lokið doktorsprófi
frá sama skóla. Fjallaði doktors-
verkefni hans um stjórnun á sam-
starfi í íslenskum sjávarútvegi með
áherslu á þróun sölusamtakanna.
Hann starfaði hjá Háskólanum á
Akureyri á árunum 1994 til 2019,
meðal annars sem framkvæmda-
stjóri stefnumótunar og starfsþró-
unar á árunum 2001 til 2006, fram-
kvæmdastjóri Rannsóknastofnunar
háskólans 2006 til 2007 og deild-
arforseti á árunum 2015-2017.
Spurður hvort það sé mikil breyting
á hlutverkum að fara úr fræði-
mennsku í verklega framkvæmd á
eftirliti með einni helstu útflutnings-
grein landsins, svarar hann: „Já og
nei,“ og vísar til stjórnunarreynslu
sinnar. „Það er fyrst og fremst
spennandi að takast á við þetta
verkefni í sjávarútvegi frá þessu
sjónarhorni, að vera í eftirlitinu og
hjá stjórnsýslustofnun.“
Áherslan á tæknina
Ögmundur segir að eitt af helstu
viðfangsefnum stofnunarinnar til
næstu ára verði að halda áfram að
leita leiða til að hagnýta tækni til að
hámarka árangur eftirlitsins. „Ég
held að það séu ótal tækifæri í því
að sjálfvirknivæða meðal annars
eftirlit, skráningu, notkun á tölfræði
og samanburð við eftirlit. Það eru
hlutir sem mér sýnist Fiskistofa
hafa verið að vinna að, en ég sé það
sem verkefni næstu ára hvernig við
getum stigið þau skref með hags-
munaaðilum í sjávarútveginum.“
Mikið hefur verið rætt á undan-
förnum árum um skekkjur í íspró-
sentum og á öðrum sviðum sem
heyra undir svið Fiskistofu. Spurð-
ur hvort hann telji sig vera að fara í
átakastöðu segir hann svo ekki
vera. „Ég hef þá trú að flestir vilji
gera vel og gera rétt. Það þarf að
skoða sérstaklega þá sem eru að
reyna að svindla í stað þess að horfa
á alla sem eru að gera rétt. Ég tel
það ekki vera átakamál.“ Þá bendir
Ögmundur á að það séu sameigin-
legir hagsmunir allra sem komi að
sjávarútvegi að vel sé gengið um
sameiginlega auðlind.
Hann kveðst ekki hafa fyrirfram-
gefnar áherslur fyrir embættið. „Ég
ætla að nálgast þetta af hógværð og
læra fyrst um stofnunina og um-
hverfið sem hún starfar í. Ég er full-
ur tilhlökkunar að takast á við þetta
verkefni og vinna með þessu góða
fólki sem er á Fiskistofu og hags-
munaaðilum.“
Í eftirlitið úr
fræðimennsku
 Nýr fiskistofustjóri telur hagnýtingu
tækninnar vera helsta viðfangsefnið
Morgunblaðið/Þorgeir Baldursson
Stjóri Ögmundur Knútsson tók
formlega við embætti í gær.
Rafvörumarkaðurinn við Fellsmúla | Sími: 585 2888
OPIÐ ALLA DAGA. Mán. til fös. kl. 9–18. Laugard. kl. 10–16. Sunnud. kl. 12–16
RAFLAGNAEFNI
Í MIKLUÚRVALI
Margrét Þóra Þórsdóttir
Akureyri
Heilbrigðisstofnun Norðurlands
hefur óskað eftir að taka á lang-
tímaleigu húsnæði fyrir tvær heilsu-
gæslustöðvar á Akureyri, aðra í
norðurhluta bæjarins og hina í
suðurhlutanum. Krafa er gerð um
að húsnæðið sé í námunda við helstu
aðalgötur eða tengibrautir og al-
menningssamgöngur. Miðað er við
að hvort rými verði um 1.700 fer-
metrar að stærð. Stefnt er að því að
koma á samningi fyrir lok þessa árs
milli HSN og aðila sem geta séð um
byggingu hússins og rekstur þess.
Húsnæðið á að afhenda fullbúið vor-
ið 2023 og gjarnan fyrr.
Skarðshlíð fyrsti kostur
Akureyrarbær hefur bent á
nokkrar lóðir sem helst koma til
greina undir heilsugæslustöðvarnar.
Pétur Ingi Haraldsson, fram-
kvæmdastjóri Skipulagssviðs Akur-
eyrarbæjar, segir að þær lóðir sem
skipulagsráð hafi bent á eigi það
sameiginlegt að vera vel staðsettar
og aðgengi að þeim sé gott.
Fyrsti kostur hvað norðurstöð
varðar er ríflega 6.000 fm óbyggð
lóð við Skarðshlíð, en samkvæmt
gildandi aðalskipulagi er gert ráð
fyrir að byggja megi tvö fjölbýlishús
á lóðinni – fjögurra og fimm hæða
með bílakjallara fyrir 46 til 60
íbúðir.
Pétur segir að heilsugæslustöðin
yrði þá á jarðhæð byggingarinnar.
Aðrir kostir fyrir norðurstöð eru
annars vegar á svæði austan Hlíðar-
brautar. á móti gatnamótum við
Baldursnes. og á svæði við Lög-
mannshlíð, en bæði norðan og sunn-
an við hjúkrunarheimilið Lög-
mannshlíð er óbyggt svæði þar sem
koma mætti fyrir heilsugæslustöð.
Þéttingarreitur á tjaldsvæðinu
Fyrsti kostur fyrir suðurstöð er á
tjaldstæði við Þórunnarstræti. Sam-
kvæmt gildandi deiliskipulagi og er
svæðið að mestu nýtt sem tjaldsvæði
en gert er ráð fyrir að sú starfsemi
hætti eftir sumarið 2020. Pétur segir
svæðið vera mikilvægan þéttingar-
reit og því sé æskilegt að gera ráð
fyrir að heilsugæslustöð verði á
jarðhæð í stærra húsi með íbúðum
eða annarri starfsemi á efri hæðum.
Þá er einnig bent á lóð við
Hafnarstræti 80 og Austurbrú 10 til
12, en lóðir þar hafa nýlega fallið til
bæjarins. Pétur segir að þarna séu
einungis tilgreind svæði sem Akur-
eyrarbær hefur umráðarétt yfir, en
skipulagsráð hefur til viðbótar bent
á þrjú önnur svæði sem hentað geta
undir heilsugæslustöð, suðurstöð, en
í öllum tilvikum hefur ríkið umráða-
rétt yfir þeim. Lóðir sem um ræðir
eru hluti af lóðum við framhalds-
skóla bæjarins; Menntaskólann á
Akureyri og Verkmenntaskólann á
Akureyri, og eins er til staðar svæði
sem er hluti af lóð Sjúkrahússins á
Akureyri.
Morgunblaðið/Margrét Þóra
Lóð Tjaldsvæðið við Þórunnarstræti verður tekið úr núverandi notkun í lok sumars. Bent er á að heppilegt geti
verið að byggja þar heilsugæslustöð fyrir suðurhluta bæjarins. Lóð við Skarðshlíð kemur einnig til greina.
Tvær heilsugæslu-
stöðvar munu rísa
 Tvær lóðir á Akureyri taldar bestar fyrir starfsemina