Morgunblaðið - 26.05.2020, Blaðsíða 28

28 MENNING
MORGUNBLAÐIÐ ÞRIÐJUDAGUR 26. MAÍ 2020
Úti um heimsbyggðina velta stjórn-
endur sviðslistastofnana fyrir sér
hvenær hægt verði að bjóða upp á
allrahanda sýningar og tónleika að
nýju. Vegna COVID-19-faraldursins
er óvissan mikil. Samhliða fregnum
af því að óttast sé að einhverjar
stofnanir verði gjaldþrota á næstu
mánuðum er það mat sífellt út-
breiddara að ekki verðið boðið upp
á skipulagða dagskrá fyrir almenn-
ing fyrr en á næsta ári.
Í samantekt um stöðuna í The
New York Times segir að í síaukn-
um mæli sé nú horft til fyrstu mán-
aða næstu árs þegar rætt sé hvenær
sýningar geti hafist vestanhafs.
Talsmaður samtaka sinfóníu-
hljómsveita segir að flestir stjórn-
endur í þeim geira horfi ekki lengur
til haustsins, óvissan með veiruna sé
svo mikil og þá geri kvaðir um fjar-
lægð á milli gesta það vart mögulegt
að láta viðburði standa undir sér.
Metropolitan-óperan tekur um
4.000 gesti en með kröfunni um nær
tvo metra milli gesta geta að há-
marki 400 verið í salnum. Stjórnandi
óperunnar segir enga leið að setja
upp sýningar við þær aðstæður.
„Ég held að 2020 sé farið,“ segir
listrænn stjórnandi Steppenwolf-
leikhússins í Chicago. Og Guthrie-
leikhúsið í Minneapolis hefur til-
kynnt að í stað þeirra 12 uppsetn-
inga sem voru á dagskránni næsta
vetur sé nú stefnt á að setja upp
þrjár og ekki byrja fyrr en í mars.
Engir danshópar munu sýna í
haust á sviði en stjórnendur Lincoln
Center í New York vonast til að fá
leyfi til að setja upp minni sýningar
utandyra. Forstjóri Kennedy-
miðstöðvarinnar í Washington DC
segir að horft sé til þess að vera
mögulega með minni sýningar inn-
an við gler, sem gestir utandyra
gætu fylgst með. „En það verður
langt þar til við finnum eitthvað sem
má kalla nýtt normal-ástand,“ segir
hún.
Ekki hægt að byrja
að sýna fyrr en 2021
 Óvíst hvenær sýningar á sviði hefjast
AFP
Lokað Sviðslistastofnanirnar í Lin-
coln Center í New York eru lokaðar
en vilja fá að sýna á torginu.
Helgi Snær Sigurðsson
helgisnaer@mbl.is
Um nýliðna helgi var opnuð samsýn-
ingin Sóttqueen í Ásmundarsal og
eins og nafnið gefur til kynna er inn-
blástur listamanna sóttur í hina for-
dæmalausu tíma sóttkvía og sam-
komubanns vegna COVID-19--
farsóttarinnar. Postprent stendur
fyrir sýningunni en það er svokallað
prent-„kollektíf“ sem þýða mætti
sem samvinnuhóp eða samyrkjubú,
rekið af Þórði Hans Baldurssyni
myndlistarnema og Viktori Weiss-
happel Vilhjálmssyni sem er graf-
ískur hönnuður. Auglýstu þeir eftir
verkum fyrir sýninguna á Facebook
og sögðust forvitnir að sjá hvers
konar list yrði til á tímum sóttkvíar
og samkomubanns. Áttu áhuga-
samir að senda inn teikningar, ljós-
myndir eða grafík sem svo yrði birt
á Instragram og eina skilyrðið að
verkin tengust ástandinu sem þá var
en þá stóð yfir samkomubann. Nú
hefur fjöldi innsendra verka ratað á
veggi Ásmundarsalar og uppheng-
ingin í hinum frjálslega salon-stíl.
Ljúfsár opnun
Þórður Hrafn var svo óheppinn að
vera í sóttkví þegar sýningin var
sett upp og opnuð en hann var þá
nýkominn frá Hollandi þar sem
hann nemur myndlist. Þórður kom
fyrir rúmri viku og sýningin var
opnuð um nýliðna helgi. Hann er
spurður að því hvernig hafi verið að
skipuleggja og setja upp mynd-
listarsýningu án þess að geta verið á
staðnum.
Þórður hlær og segist sem betur
fer hafa verið með góða samstarfs-
menn. „En það var ákveðin tog-
streita að vilja hafa hlutina eins
flotta og mögulegt er en geta ekkert
lagt fram sjálfur og þurfa að skipa
öðrum fyrir,“ segir Þórður og hlær
við. Hann hafi fengið að vera með í
ráðum eins og hægt var og eins og
tæknin leyfði. Við opnun fékk hann
að taka einn rúnt um salinn í spjald-
tölvu og heilsa gestum. „Það var
ljúfsárt,“ segir hann um þá reynslu.
– Gastu ekki skálað við gesti
heiman frá þér? „Jú, ég gerði það,
ég var úti á svölum. Ég bý á Grett-
isgötu og sé næstum því yfir í Ás-
mundarsal,“ segir Þórður og hlær.
Hann segir að gaman hafi verið að
sjá hversu margir sendu inn verk og
hversu fjölbreytt þau voru. „Það er
gaman að sjá þetta koma saman sem
eina heild, þetta meikar alveg sens.“
Sýningar af þessu tagi sjást ekki
oft í fínni sýningarsölum borgar-
innar, verkin unnin hratt og upp-
setning frjásleg og sýnendur ekki
allir myndlistarmenn, sumir graf-
ískir hönnuðir og aðrir ljósmynd-
arar, svo dæmi séu tekin. Sum verk-
anna eru spaugileg en önnur fúlasta
alvara, eins og gefur að skilja.
Til í fleiri sýningar
Þórður er spurður hvort þeir
Viktor gætu hugsað sér að setja upp
fleiri sýningar af þessu tagi; með því
að óska eftir verkum út frá einni,
skýrri og einfaldri hugmynd og
hengja upp frjálslega. „Það er klár-
lega eitthvað sem við myndum vilja
gera en stjörnurnar röðuðust alveg
rétt upp í þessu. Þetta er klárlega
einhvers konar konsept sem ég væri
til í að endurtaka með einhverjum
hætti,“ segir Þórður.
Þeir Viktor stofnuðu Postprent
árið 2008 og geta listamenn komið
sínum verkum á framfæri á vefsíðu
fyrirtækisins sem er á slóðinni post-
prent.is. Hægt er að kaupa verk af
ýmsu tagi þar eða öllu heldur út-
prentanir af þeim.
Fylgdist með af svölunum heima
 Samsýning Postprents, Sóttqueen, er fordæmalaus á fordæmalausum tímum  Öll verkin tengjast
sóttkví og samkomubanni á tímum COVID-19  Einn skipuleggjenda er ennþá í sóttkví
Samstarfsmenn Viktor Weisshappel og Þórður Hrafn Baldursson.
Morgunblaðið/Eggert
Kórónuveirusýning Á sýningunni Sóttqueen í Ásmundarsal má sjá fjölda verka sem fjalla með einum eða öðrum
hætti um ástand undanfarinna vikna, samkomubann og sóttkví vegna COVID-19-farsóttarinnar.
Best fyrir Verk Nicholas Grange.
Spritt Verk eftir Margréti Lóu Stef-
ánsdóttur á sýningunni Sóttqueen.
Ljósmynd/Salka Rósinkranz
Ármúla 24 • S. 585 2800
www.rafkaup.is
MANOLA
ljósakróna