Skessuhorn - 22.01.2020, Blaðsíða 13

MIÐVIKUDAGUR 22. jANúAR 2020 13
Mannamót landshlutanna
Mannamót Markaðstofanna var
haldið í Kórnum í Kópavogi síð-
astliðinn fimmtudag. Viðburðurinn
er haldinn árlega í janúar af Mark-
aðsstofum landshlutanna. Mark-
mið mannamóts er að skapa vett-
vang fyrir ferðaþjónustuaðila til að
kynna sér þá fjölbreyttu ferðaþjón-
ustu sem rekin er á landsbyggðinni,
sem og fyrir ferðaþjónustuaðila að
mynda tengsl sín á milli.
Ekkert laust pláss var á sýning-
unni, öll 270 sem í boði voru höfðu
verið seld nokkru áður en dagurinn
rann upp. Að þessu sinni tóku 40
ferðaþjónustuaðilar af Vesturlandi
þátt í viðburðinum, sem er mjög
sambærilegur fjöldi og verið hefur
undanfarin ár.
Skessuhorn lét sig ekki vanta á
Mannamót frekar en fyrri ár og tók
nokkra ferðaþjónustuaðila í lands-
hlutanum tali.
„Við viljum stækka og
verða stór“
„Sagnaseiður á Snæfellsnesi er hóp-
ur heimamanna, sem gefur sig út
fyrir það að hitta gesti á Snæfells-
nesi og segja frá lífinu og tilverunni
í bland við sögur, lesa í landið og
eiga góða stund með fólki og gefa
því innsýn í líf okkar,“ segir Dag-
björt Dúna Rúnarsdóttir í samtali
við Skessuhorn. Sagnaseiður var
stofnaður árið 2015 og árið eft-
ir var byrjað að bjóða upp á sögu-
ferðir. útbúin var gæðahandbók
sem unnið er eftir og að ferðunum
stendur fólk sem hefur lagt vinnu í
að þróa sína sögufylgd. „Þá virki-
lega vitum við hvað við erum að
bjóða fólki. Þetta er ekki mjög til-
viljanakennt en hins vegar erum við
ekki leiðsögumenn eða leikarar, en
hvert einasta stefnumót við gesti
er einstakt og fer eftir því hvert
samtalið leiðir okkur,“ segir Dag-
björt. Hópurinn vinnur einnig með
sagnaarfinn á svæðinu og notfærir
sér hann, segir frá Íslendingasög-
um sem gerast á Nesinu, þjóðsögur,
álfa- og tröllasögur og jafnvel sögur
af þeirra eigin fjölskyldum. „En það
er þetta samtal sem við viljum eiga
við gestina, þar sem við getum set-
ið fyrir svörum og gefið þeim virki-
lega tækifæri til að fá tilfinningu
fyrir því hvað er að búa á Íslandi og
Snæfellsnesi,“ segir Dagbjört.
Aðspurð segir hún að verkefnið
hafi gengið þokkalega. „Við erum
ekki ýkja mörg og enginn vinnur
við þetta í fullu starfi, en það er samt
stefnan. Við viljum stækka og verða
stór,“ segir hún en bætir því við að
þetta mjakist jafnt og þétt í rétta átt
og núna sé Sagnaseiður með samn-
ing við eina erlenda ferðaskrifstofu í
sumar. „Fyrst þegar við hittum fólk
frá þessari ferðaskrifstofu gerðum
við það einu sinni í viku. Núna hitt-
um við fólk á þeirra vegum tvisvar á
dag, tvisvar í viku. Það segir okkur
að það er mikil ánægja með þetta
og þetta er greinilega eitthvað sem
er þess virði að gefa tíma í. Þetta
eykur náttúrulega við dægradvöl á
svæðinu en samt þannig að við get-
um bara sótt í okkar eigin mann-
skap, það þarf ekkert utan um þetta
í rauninni,“ segir Dagbjört Dúna
að endingu.
Í fyrsta sinn
á Mannamóti
Þegar fólk hugsar um ferðaþjón-
ustu á Akranesi leitar hugurinn
ósjálfrátt til Hilmars Sigvaldason-
ar vitavarðar. Hann hefur verið öt-
ull talsmaður ferðaþjónustunnar í
sínum heimabæ um árabil en aldrei
mætt fyrir hönd bæjarins á Manna-
mót fyrr en nú. Hverju sætir það?
„Ég er búinn að vera svo óheppinn
að ég hef alltaf orðið veikur í kring-
um þennan tíma, en ég slapp núna
og lét vaða,“ segir Hilmar í samtali
við Skessuhorn og kveðst ánægð-
ur með sitt fyrsta Mannamót. „Mér
finnst þetta alveg stórglæsilegt og
held að ég verði fastagestur hér
eftir. Þetta er flott leið til að koma
bænum á framfæri og búa til teng-
ingar,“ segir hann.
Hvernig hefur gengið í ferða-
þjónustunni á Akranesi undanfarið?
„Það hefur gengið vel. Við erum
kannski ekki á sama stað og sveitar-
félögin í kringum okkur, til dæmis
Borgarfjörður og Snæfellsnes. En
þetta er bara verkefni til að vinna
að og við þurfum að taka jákvætt
í hlutina og byggja upp tenging-
ar. Þá kemur þetta,“ segir Hilmar.
„Guðlaug er búin að slá algjörlega
í gegn, við fengum yfir 30 þúsund
gesti í hana í fyrra og hún var að fá
flotta viðurkenningu í desember,“
segir hann og vísar til þess þegar
Guðlaug hlaut Umhverfisverðlaun
Ferðamálastofu. „Við verðum að
nýta okkur svona umfjöllun,“ seg-
ir hann. Aðspurður segir Hilm-
ar að vel hafi gengið í Akranesvita
sömuleiðis, en tekur þó fram að
það sé rólegt þessar vikurnar. Hið
sama merkti blaðamaður raunar á
spjalli sínu við allnokkra ferðaþjóna
landshlutans á Mannamóti; að vet-
urinn hafi verið með rólegra móti,
að minnsta kosti miðað við undan-
farin ár. „En við þurfum bara að
taka betur á móti fólki en við erum
að gera núna, sinna því betur og þá
kemur þetta allt saman hægt og ró-
lega,“ segir Hilmar vitavörður að
endingu.
Stefnt að heilsársopnun
Sjóminjasafnið á Hellissandi er
sjálfseignarstofnun sem komið var
á fót af sjómannadagsráði á sínum
tíma, en er núna rekið af sjálfboða-
liðum. Auk safns er þar rekið lítið
kaffihús þar sem gestir geta fengið
sér rjúkandi bolla og íslenskt bakk-
elsi með. Skessuhorn hitti Þóru
Olsen, umsjónarmann safnsins, á
Mannamóti. Hún segir að undan-
farin fjögur ár hafi miklar endur-
bætur staðið yfir á safninu. „Síð-
ustu fjögur árin erum við búin að
taka þetta allt í gegn og erum núna
með fjórar sýningar í gangi; Nátt-
úran við hafið, Sjósókn undir jökli,
Landnámsmenn í vestri og ljós-
myndasýningu í anddyri safnsins
sem heitir Sagan okkar, sem sýn-
ir þróun hafna í Snæfellsbæ,“ seg-
ir Þóra. Endurbæturnar á safn-
inu hafa staðið yfir um vetrarmán-
uðina undanfarin ár. Safnið er lok-
að á vetrum, nema fyrir hópa, en
Þóra segir stefnt að því að geta haft
opið allt árið um kring. „Aðsóknin
hefur farið vaxandi en þetta hefur
Mannamót markaðsstofanna var haldið á fimmtudaginn
Þrátt fyrir fækkun ferðamanna á síðasta
ári ríkir almenn bjartsýni á Vesturlandi
Fjöldi gesta sótti Kórinn heim síðastliðinn fimmtudag, í tilefni Mannamóts.
Dagbjört Dúna Rúnarsdóttir frá Sagnaseiði á Snæfellsnesi á tali við Harald
Benediktsson, fyrsta þingmann Norðvesturkjördæmis, á Mannamóti.
Keli vert í Langaholti segir frá hinni rómuðu fiskisúpu, sem var að sjálfsögðu á
boðstólnum fyrir gesti og gangandi.
Framhald á næstu síðum