Morgunblaðið - 03.06.2020, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 3. JÚNÍ 2020
Scangrip vinnuljósin
eiga heima í Fossberg
Minni umferð var um Hellisheiði á
öðrum í hvítasunnu í ár en í fyrra, en
hvítasunnuhelgin er af mörgum talin
fyrsta ferðahelgi sumarsins. Einnig
óku færri ökutæki um Kjalarnes,
Biskupsháls og Hvalnes í Lóni.
Í fyrra var hvítasunnuhelgin dag-
ana 8.-10. júní, en þá lögðu tæplega
fjórtán þúsund ökutæki leið sína yfir
Hellisheiði á annan í hvítasunnu. Í ár
voru nokkru færri, eða aðeins í
kringum tólf þúsund. Á Kjalarnesi
voru mæld 11.154 ökutæki um
helgina, en fyrir ári mældust þau
13.834.
Svipaða sögu má segja af öðrum
hlutum hringvegarins. Um Biskups-
háls á Norðurlandi eystra óku helm-
ingi færri en í fyrra, eða 481 öku-
tæki, og við Hvalnes í Lóni var talið
341 ökutæki, en þau voru tæplega
900 talsins í fyrra.
Að mati Friðleifs Inga Brynjars-
sonar, verkefnastjóra hjá Vegagerð-
inni, gæti margt valdið því að um-
ferð breytist á milli ára, og gegnir
veður yfirleitt lykilhlutverki í þeim
málum. Auk þess er erfitt að áætla
hversu margir einstaklingar hafi
verið á ferli, og til að fá betri sam-
anburð milli ára þurfi ítarlegri mæl-
ingar. Í ár hefur kórónuveiran, hins
vegar, sett strik í reikninginn hjá
ferðamönnum, og þykir þess vegna
líklegt að hlutfall erlendra ferða-
manna hafi lækkað talsvert milli ára.
Engu að síður virðast margir hafa
ferðast innanlands um helgina, en
Vegagerðin hefur hafið útgáfu á
vikulegum og mánaðarlegum
skýrslum um umferðarþunga við
lykilmælistöðvar sem hægt er að
nálgast á vef Vegagerðarinnar.
petur@mbl.is
Umferð dregst
saman milli ára
 Minni umferð var um lykilmælistöðvar
Vegagerðarinnar á annan í hvítasunnu
14,0 13,8
12,2 11,3
Þúsundir bíla um tvo
mæli punkta á Hringveginum
Umferð á annan
í hvítasunnu
2019 2020 2019 2020
Hellisheiði Kjalarnes
Aron Þórður Albertsson
aronthordur@mbl.is
Heildarkröfur Landspítala á hendur
erlendum ósjúkratryggðum einstak-
lingum nema 282,4 milljónum króna.
Þetta kemur fram í svari Landspít-
ala við fyrirspurn Morgunblaðsins.
Ekki er haldið sérstaklega utan um
skuldir ferðamanna sem hingað
koma heldur nær upphæðin til allra
erlendra aðila. Þannig ná umræddar
kröfur til allra ótryggðra aðila sem
þegið hafa þjónustu heilbrigðis-
kerfisins hér á landi.
Er fjárhæðin álíka há og í janúar á
þessu ári þegar hún nam 279,5 millj-
ónum króna. Af framangreindum
fjárhæðum eru iðulega afskrifaðar
kröfur upp á 25 til 30 milljónir króna
árlega.
Að því er fram kemur í svari
Landspítala er ekki algengt að illa
tryggðir ferðamenn eða aðrir er-
lendir einstaklingar þiggi þjónustu á
spítalanum. Reynslan undanfarin ár
sýni að það sé fremur sjaldgæft. Þá
hefur ekki sýnt sig að sérstaklega
erfitt hafi reynst að innheimta skuld-
ir erlendra ríkisborgara einhverra
tiltekinna landa. Þrátt fyrir að skuld-
ir ósjúkratryggðra einstaklinga hér
á landi teljist ekki áhyggjuefni hefur
álag á bráðamóttöku sökum erlendra
ferðamanna aukist umtalsvert. Er
fjölgun ferðamanna ein af þremur
helstu ástæðum þess að álag á bráða-
móttöku Landspítala hefur aukist til
muna síðustu ár. Ætla má þó að það
minnki talsvert nú þegar færri
ferðamenn koma til landsins að far-
aldri kórónuveiru loknum.
Í svari Landspítala við spurningu
Morgunblaðsins um til hvaða að-
gerða er gripið þegar skuldir eru
ekki greiddar kemur fram að inn-
heimta umræddra krafna fylgi hefð-
bundnu verklagi. „Innheimta er-
lendra krafna fylgir föstu verklagi
eins og innheimta annarra krafna.
Almennt er lögð áhersla á stað-
greiðslu komugjalda bráða-, dag- og
göngudeilda Landspítala. Stað-
greiðsluhlutfall ósjúkratryggðra er í
kringum 65%.
Eðlilega tekur oft lengri tíma að
innheimta háa legureikninga, þar
sem tryggingafélög eru oft greiðend-
ur þeirra, sem getur verið tímafrekt
ferli.“
Skulda Landspítala 282 milljónir
 Heildarskuldir erlendra ósjúkratryggðra aðila gagnvart Landspítala hlaupa á hundruðum milljóna
króna  Lengri tíma getur tekið að innheimta háa legureikninga sem tryggingafélög þurfa að greiða
Morgunblaðið/Sigurður Bogi
Landspítali Erlendir einstaklingar
skulda spítalanum háar fjárhæðir.
„Meðal þeirra sem að þessu verk-
efni standa er stórhugur og einmitt
slíkt þarf nú. Mér finnst gaman að
sjá hvernig hér mætast gamalt og
nýtt í miðbæ sem mun setja sterk-
an svip á Selfoss,“ segir Guðni Th.
Jóhannesson, forseti Íslands.
Góður gangur er í framkvæmd-
um á vegum Sigtúns – þróunar-
félags við nýja miðbæinn á Sel-
fossi, þar sem reist eru ný hús í
gömlum stíl. Kominn er heild-
stæður svipur á sex hús og þrjú
eru í byggingu. Alls eru í 1. áfanga
miðbæjarins 13 hús sem tekin
verða í notkun að ári. Guðni Th.
Jóhannesson og Eliza Reid eigin-
kona hans kynntu sér fram-
kvæmdir í gær undir leiðsögn Leós
Árnasonar, framkvæmdastjóra
Sigtúns, og fleiri.
„Ég get ímyndað mér að ein-
hverjir sagnfræðingar séu hugsi
yfir því að búa til ímyndaðan heim
gamalla húsa víða af landinu. Sjálf-
ur tel ég að fólk eigi að vera víð-
sýnt og umburðarlynt og fagna
uppbyggingu.“ sbs@mbl.is Morgunblaðið/Sigurður Bogi
Sé gamalt
mæta nýju
Forsetahjónin kynntu sér uppbyggingu í nýjum miðbæ á Selfossi