Morgunblaðið - 26.06.2020, Síða 14

SVIÐSLJÓS
Guðmundur Magnússon
gudmundur@mbl.is
Nokkuð vantar upp á að bú-ið sé að fullmanna störf ískólum Reykjavíkur-borgar, leikskólum og
grunnskólum, fyrir haustið. Þegar
allt er talið er enn óráðið í yfir 200
stöðugildi. Staðan er þó betri í
grunnskólum en á sama tíma í fyrra
en aðeins verri í leikskólunum. Í
leikskólum er búið að ráða í 93,1 pró-
sent stöðugilda en í 94,1 prósent í
grunnskólum. Ekki liggur fyrir
hvernig staðan er á frístundaheim-
ilum og í sértækum félagsmið-
stöðvum en ráðningar þar fara að
miklu leyti fram á haustin.
Þetta kemur fram í minnisblaði
sem Helgi Grímsson, sviðsstjóri
skóla- og frístundasviðs, hefur sent
skóla- og frístundasviði og í svari
hans við fyrirspurn fulltrúa minni-
hlutans í borgarstjórn um sama efni.
Staða mála var rædd á fundi í ráðinu
á fimmtudaginn.
Samkvæmt minnisblaðinu á eftir
að ráða í 115,2 stöðugildi á leik-
skólum borgarinnar fyrir haustið
miðað við grunnstöðugildi á deild-
um, sérkennslu og stjórnun. Inni í
þessari tölu eru ekki rúmlega 39
stöðugildi til viðbótar sem eftir er að
ráða í, en þau eru vegna afleysinga
og annarra starfa. Í reynd eru það
því nær 145 stöðugildi sem vantar að
fylla. Í maí sl. voru samtals 1.673
stöðugildi í leikskólunum.
Í grunnskólana á eftir að ráða í
67,5 stöðugildi fyrir haustið, þar af
2,6 stöðugildi millistjórnenda, 30,4
stöðugildi kennara, 26,5 stöðugildi
stuðningsfulltrúa, 5,0 stöðugildi
skólaliða og 3,0 stöðugildi þroska-
þjálfa. Í maí voru samtals 2.356
stöðugildi í grunnskólunum.
Í fyrirspurn fulltrúa minnihlutans
var einnig leitað eftir upplýsingum
um það hve mikið væri um það að
leikskólakennarar og grunnskóla-
kennarar hafi færst á milli skóla-
stiga, en það er nú heimilt lögum
samkvæmt. Sviðsstjórinn segir að
þær upplýsingar liggi ekki fyrir á
þessari stundu. „Mjög rík hefð er
fyrir því að kennarar ljúki skólaári
og skipti um starfsvettvang að sumri
til með ráðningu frá 1. ágúst á nýj-
um stað. Það verður því ekki fyrr en
í september sem þessar tölur liggja
fyrir,“ segir í svarinu.
Staðan áhyggjuefni.
Við umræður um málið í skóla- og
frístundaráði létu fulltrúar Sjálf-
stæðisflokksins bóka að það væri
áhyggjuefni að enn eitt árið virtist
stefna í manneklu í leikskólum borg-
arinnar. „Ljóst er að bregðast verð-
ur við þessari stöðu með viðeigandi
aðgerðum sem séu til þess fallnar að
laða starfskrafta að leikskólum
borgarinnar. Betur hefur gengið að
ráða í kennarastöður í grunnskól-
unum en í fyrra en þrátt fyrir það er
enn óráðið í 67 stöðugildi sem sömu-
leiðis þarf að bregðast strax við svo
skólarnir verði fullmannaðir þegar
skólar hefjast í ágúst,“ segir í bók-
uninni.
Fulltrúi Flokks fólksins lét einnig
bóka að staða mála vekti áhyggjur.
Margt gæti að vísu breyst fram á
haust en það væri sú óvissa sem hér
ríkti sem væri ekki síður erfið. Í
bókuninni er vitnað í skýrslu innri
endurskoðunar um skóla borgar-
innar frá síðasta sumri. „Kennarar
eru undir miklu álagi og hafa marg-
sinnis óskað eftir að álagsþáttur
þeirra í starfi verði skoðaður. Þeir
kalla eftir meiri fagþjónustu, fag-
fólki inn í skólana til að sinna börn-
unum og styðja við kennara. Í
skýrslunni kemur fram að nærvera
fagaðila myndi létta mjög álagið á
þeim. Ekki hefur verið brugðist við
því. Staðan er óbreytt og hefur verið
árum saman.“
Tilslakanir vegna Covid-19
Á fundi skóla- og frístundaráðs
var einnig kynnt minnisblað sviðs-
stjóra um tilslakanir frá reglu um 20
daga sumarleyfi barna í leikskólum
borgarinnar. Vegna aðstæðna sem
sköpuðust í kjölfar Covid-19-
faraldurs var samþykkt í borgarráði
í vor að veita tilslökun frá þessari
reglu í sumar að uppfylltum
ákveðnum skilyrðum. Ekkert barn
skyldi þó fá minna en 10 daga sum-
arleyfi.
Alls bárust 57 umsóknir um fækk-
un sumarleyfisdaga. Í ljós kom að
einhverjir uppfylltu ekki þau skil-
yrði sem sett voru fram á umsókn-
arformi, en 50 börn munu njóta
þessa úrræðis í sumar. Í þremur um-
sóknum var óskað eftir því að barn
færi í annan sumaropnunarskóla en
tilheyrði því hverfi sem barnið býr í
og var orðið við því.
Skólar eiga eftir að
ráða í mörg stöðugildi
Staða ráðninga í leik- og grunnskólum í Reykjavík fyrir haustið 2020
Stöðugildi sem var eftir að ráða í þann 10. júní sl.
Samtals
183 stöðu-gildi
115
68
Stöðugildi
Grunnskólar
Leikskólar
Breiðholt
87
Grafarvogur,
Kjalarnes
21 3
Árbær, Grafarholt
279
Miðborg, Hlíðar,
Vesturbær
3410
Laugardalur,
Háaleiti
44
21
Heimild:
Reykjavíkurborg
14
MORGUNBLAÐIÐ FÖSTUDAGUR 26. JÚNÍ 2020
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Það eru engarýkjur aðhjörtun slái
í takt í Samfylk-
ingu og Viðreisn.
Flokkarnir hafa
fyrst og fremst
barist fyrir einu
máli, því að koma Íslandi inn í
Evrópusambandið, en hefur
sem betur fer orðið lítið
ágengt enda fáir aðrir lands-
menn sem deila þessum
áhuga.
Líklegt er að annað sem
sameinar þessa flokka stafi af
þessu sameiginlega áhugamáli
og má þar helst nefna fjand-
skap þeirra í garð íslensks at-
vinnulífs. Þeir gangast vita-
skuld ekki við þessum
fjandskap, en hann skín þó
víða í gegn. Augljós er hann í
allri umræðu um sjávar-
útvegsmál þar sem þessir
flokkar standa þétt saman í
því að reyna að veikja þessa
mikilvægu undirstöðuatvinnu-
grein þjóðarinnar og sjást
hvergi fyrir í þeirri baráttu.
Ekki er ósennilegt að þetta
skýrist af því að auðveldara
yrði að ýta landinu inn í Evr-
ópusambandið ef hægt yrði að
knésetja sjávarútveginn fyrst.
Annað dæmi um þennan
fjandskap flokkannna tveggja
í garð atvinnulífsins mátti lesa
í Morgunblaðinu í gær þar
sem rætt var við þingmenn
beggja flokka, þau Oddnýju G.
Harðardóttur og Jón Steindór
Valdimarsson. Óli Björn
Kárason, formaður efnahags-
og viðskiptanefndar þingsins,
hafði í aðsendri grein fjallað
um frumvarp ríkisstjórnar-
innar um breytingar á sam-
keppnislögum, sem að ýmsu
leyti væri skref í rétta átt,
eins og hann nefndi. Um leið
sagði hann andstöðu við málið
og óvíst um afdrif þess, jafn-
vel þó að það væri að hluta til
komið vegna lífskjarasamn-
inganna.
Viðbrögð þingmanna Sam-
fylkingar og Viðreisnar vekja
athygli. Jón Steindór segir
„ekki tímabært að ráðast í
þessar lagabreytingar“ og vill
sérstaklega að skoðuð verði
betur umsögn Samkeppniseft-
irlitsins, sem vill ekki aðeins
framfylgja lögum um sam-
keppnismál heldur hlutast til
um hvernig þau hljóða og beit-
ir sér af mikilli hörku þegar
svo ber undir, jafn óeðlileg og
slík afskipti ríkisstofnunar
eru.
Oddný er á sömu slóðum í
málflutningi og Jón Steindór
og vill standa vörð um óþarfa
regluverk og aukakostnað
fyrir atvinnulífið í landinu í
þágu Samkeppniseftirlitsins.
Þá nefnir Oddný að veltu-
mörkin á tilkynn-
ingarskyldu sam-
runa séu allt of há
í frumvarpinu. Þau
eru nú tveir millj-
arðar króna en
eiga samkvæmt
frumvarpinu að
fara í þrjá milljarða, sem er
síst of hátt. Oddný telur að
réttara væri að hækka við-
miðið í takti við „vísitölu
neysluverðs eða vöxt þjóð-
arframleiðslu“, en áttar sig
bersýnilega ekki á því að hefði
viðmiðið verið látið fylgja
neysluverðsvísitölu frá því það
var sett fyrir tólf árum væri
það komið yfir þrjá milljarða
króna og hefði það fylgt lands-
framleiðslu væri það nálægt
fjórum milljörðum króna, sem
væri eðlilegri tala.
Annað sem Oddný og Jón
Steindór eru hjartanlega sam-
mála um er að nú sé slæmt að
gera breytingar þar sem „and-
rúmsloftið sé mjög sérstakt og
í raun allt á iði,“ eins og
Oddný orðar það. Von sé á
talsverðri uppstokkun á mark-
aðnum, „ekki síst í ferðaþjón-
ustunni þar sem mörg fyrir-
tæki standa nú höllum fæti,“
segir hún. Og Jón Steindór
segir að í ástandi slíks umróts
sé „ótrúlegt að láta sér detta í
hug að ætla að slaka á þeim
húsaga sem Samkeppniseftir-
litið hefur á grundvelli sam-
keppnislaganna.“
Þegar fólk vill bregða fæti
fyrir atvinnulífið og nauðsyn-
lega hagræðingu innan þess
kann að hljóma vel að tala um
húsaga Samkeppniseftirlits-
ins, en það sem í raun er verið
að segja er að gera eigi at-
vinnulífinu erfiðara fyrir að
takast á við þann vanda sem
að steðjar og tryggja það að
sameiningum fyrirtækja,
stórra sem smárra, fylgi mikill
kostnaður umfram það sem
nauðsynlegt er. Þessi hugs-
unarháttur, fái hann að ráða,
getur jafnvel orðið til þess að
fyrirtæki sem ella hefðu getað
ráðist í sameiningar og bjarg-
að sér með þeim hætti, láti
ekki verða af því og afleið-
ingar þess geta orðið gjald-
þrot beggja fyrirtækja.
Ríkisstjórnin hefur verk að
vinna að laga rekstrarum-
hverfi íslenskra fyrirtækja
þannig að þau eigi auðveldara
með að koma sér út úr þeim
erfiðleikum sem skollið hafa á.
Hluti af því er að gera þeim
kleift að ráðast í hagræðingar-
aðgerðir án óeðlilegra af-
skipta opinberra stofnana.
Þess vegna er einmitt brýnt
nú að þessar hófsömu breyt-
ingar nái fram að ganga, þvert
á það sem þingmenn samfylk-
ingarflokkanna halda fram.
Viðreisn og Sam-
fylking láta ekki
deigan síga í
baráttunni gegn
atvinnulífinu}
Flokkar sameinast
til varnar kerfinu
T
ilvitnun úr sáttmála Framsókn-
arflokks, Sjálfstæðisflokks og
Vinstrihreyfingarinnar græns
framboðs um ríkisstjórnarsam-
starf og eflingu Alþingis: „Lög-
gjafar-, fjárstjórnar- og eftirlitshlutverk Al-
þingis verður styrkt á kjörtímabilinu með
auknum stuðningi við nefndastörf og þing-
flokka. Auk þess vilja ríkisstjórnarflokkarnir
ýta nokkrum verkefnum úr vör með þver-
pólitískri nálgun og tryggja þar betur en
venja er að sú umfangsmikla þekking og
reynsla sem þingið býr yfir nýtist í þágu lands
og þjóðar óháð því hvaða flokkar skipa stjórn
og stjórnarandstöðu á hverjum tíma.“
Eins og margt annað í þessum sáttmála,
voru þessi fögru orð innantómt lýðskrum. Alþingi er enn
stjórnað af gömlum meginreglum valdapólitíkurinnar.
Stjórnarandstöðuflokkar eru hunsaðir. Þeirra mál eru
svæfð í nefndum, og gildir einu hversu góð þau eru.
Nú liggja 18 þingmannamál Flokks fólksins inni í
fastanefndum þingsins og fá ekki að koma inn í aðra um-
ræðu í þingsal. Öll lúta þau að bættum kjörum borgar-
anna. Öll eru komin í gegnum umsagnarferli og tilbúin til
frekari meðhöndlunar. Framlögð frumvörp og þings-
ályktunartillögur Flokks fólksins eru hér eftir nefndum:
Velferðarnefnd: Skerðingarlaus atvinnuþátttaka ör-
yrkja til tveggja ára. Búsetuöryggi í dvalar- og hjúkr-
unarrýmum. Hagsmunafulltrúi aldraðra. Upplýsinga-
skylda og eftirlitsheimildir. Fjárhæð bóta fylgi
launavísitölu. Aldurstengd örorkuuppbót haldist eftir
töku ellilífeyris. 100.000 kr. frítekjumark
vegna lífeyristekna. Afnám „Vasapeningafyr-
irkomulags“. Almannatryggingar (kostnaður
við framkvæmd greiðslna).
Efnahags- og viðskiptanefnd: Skattleysi
launatekna undir 350.000 kr. Staðgreiðsla við
innborgun í lífeyrissjóð. Aukið lýðræði og
gagnsæi í lífeyrissjóðum.
Atvinnuveganefnd: Niðurfelling strand-
veiðigjalds. Tilhögun strandveiða.
Umhverfis- og samgöngunefnd: Mat á um-
hverfisáhrifum (vatnsorkuver, vindbú).
Allsherjar- og menntamálanefnd: Greiðsla
ríkissjóðs á bótum til þolenda afbrota (hækk-
un bótagreiðslna). Skaðabótalög (launaþróun
og gjafsókn). Höfundalög (mannvirki).
Lagafrumvarp Flokks fólksins um afnám verðtrygg-
ingar á fasteignalánum neytenda, hefur verið skráð, en
fær nú ekki aðgang að dagskrá Alþingis.
Flokkur fólksins mun halda ótrauður áfram að leggja
fram þingmál í baráttu fyrir réttlátara samfélagi. Við
gefumst ekki upp þó að við getum ekki sótt í meirihluta-
stuðning við þingmálin okkar, næstum sama hversu góð
þau eru. Við vitum að dropinn holar steininn. Okkur
tókst að breyta lögum um tekjuskatt sem felldu niður
skerðingar á styrkjum sem öryrkjar og lífeyrisþegar fá
út af kostnaði vegna veikinda. Þetta er eina þingmál okk-
ar sem ríkisstjórnin hefur gefið eðlilega meðferð og skil-
aði strax réttlátum kjarabótum. Baráttan heldur áfram.
Inga Sæland
Pistill
Flokkur fólksins gefst aldrei upp
Höfundur er alþingismaður og formaður Flokks fólksins.
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen