Morgunblaðið - 24.07.2020, Qupperneq 6

6 FRÉTTIRInnlent
MORGUNBLAÐIÐ FÖSTUDAGUR 24. JÚLÍ 2020
Garðatorg 6 | s. 551 5021 | www.aprilskor.is
Ten Points Vivienne
Nú 11.893 kr. 16.990 kr.
Útsala
40-60% afsláttur
Aron Þórður Albertsson
aronthordur@mbl.is
Nú á dögunum var íslenskur veit-
ingastaður opnaður í Torrevieja
skammt frá Alicante á Spáni. Stað-
urinn ber heitið Smiðjan – SkyBar
og hefur verið í bígerð um nokkurt
skeið. Eigendur staðarins eru kær-
ustuparið Bjarni Haukur Magnús-
son og Laufey Eva Stefánsdóttir.
Þau hafa undanfarin ár verið búsett
á Spáni þar sem Bjarni hefur m.a.
starfað við sölu fasteigna.
Að sögn Bjarna hefur hann lengi
dreymt um að opna veitingastað á
svæðinu. Hins vegar hafi planið allt-
af verið að opna minni stað, en
Smiðjan – SkyBar tekur rétt um 180
manns í sæti og er á besta stað í
Torrevieja.
„Ég hef verið hér með hléum í
átta ár og unnið við fasteignasölu og
í ferðaþjónustu. Ég fann að sama
skapi að það var kominn tími til að
breyta um vettvang og gera eitthvað
nýtt. Laufey var til í að koma með
mér í þetta og planið var að opna
talsvert minni stað. Eftir að við
fundum svo þessa staðsetningu
breyttust plönin og þetta gerðist allt
mjög hratt,“ segir Bjarni, en staður-
inn var opnaður í byrjun mánaðar-
ins. Verkefnið fór þó af stað í
september í fyrra og var áætluð opn-
un í apríl fyrr á þessu ári. Heimsfar-
aldur kórónuveiru kom hins vegar í
veg fyrir allar slíkar áætlanir.
„Við vorum læst inni í 70 daga,
sem var auðvitað ótrúlega skrýtið.
Við gátum ekki farið út úr húsinu
nema rétt til að fara út í búð. Það var
síðan gott þegar það kláraðist og við
gátum opnað staðinn,“ segir Bjarni.
Viðtökurnar hafa ekki látið á sér
standa, en auk Íslendinga eru
heimamenn áberandi meðal gesta.
„Þetta er staður með íslensku ívafi
þar sem við erum með íslenskan
kokk og starfsfólk. Þar fyrir utan er
íslenska rétti og drykki að finna á
matseðlinum, en auk þess verðum
við alltaf með íslenska lýsingu á
íþróttaleikjum þegar það er í boði.
Við finnum að Íslendingar sækja í að
koma hingað og það eru margir sem
vita nú þegar af okkur.“
Opna veitingastað á besta
stað skammt frá Alicante
 Nýr íslenskur staður tekur rétt um 180 manns í sæti
Útsýni Smiðjan er á besta stað skammt frá Alicante. Útsýnið er fallegt.
Ljósmynd/Smiðjan
Smiðjan Staðurinn var opnaður í byrjun júlímánaðar. Viðtökurnar hafa ekki látið á sér standa frá opnuninni.
BAKSVIÐ
Pétur Hreinsson
peturh@mbl.is
Íslenskir nemendur á aldrinum 16-
24 ára koma vel út úr nýrri könnun
Hagstofu Evrópusambandsins þar
sem tæknilegt
læsi nemenda var
kannað. Tilefnið
var aukið fjarnám
sem kom til vegna
kórónuveiru-
faraldursins þar
sem skólum á
námsstigunum
fyrir aldursbilið
sem um ræðir var
lokað. 96% ís-
lenskra nemenda
búa yfir grunnþekkingu eða meiri
þekkingu til þess að nýta sér þá fjar-
námsmöguleika sem í boði eru sam-
kvæmt könnuninni. Standa Íslend-
ingar jafnfætis Norðmönnum og eru
það aðeins króatískir nemendur sem
standa betur þar sem 97% nemenda
eru nokkuð tæknilæs.
Lára Stefánsdóttir, skólameistari
við Menntaskólann á Tröllaskaga, er
vel inni í málefninu og segir skýr-
inguna á góðu tæknilegu læsi ís-
lenskra nemenda m.a. vera félags-
lega, en segir hægt að nálgast
viðfangsefnið frá ýmsum vinklum.
„Samfélag ungs fólks á Íslandi
notar þessa tæknilegu hæfni sína
daglega. Félagslíf ungs fólks byggist
á að vera lipurt á þessum miðlum.
Það eru þá bara fátækir sem eiga
ekki fyrir tækninni sem gætu setið
eftir, eða þessi 4%. Fólk á þessum
aldri er í samskiptum, félagslífi,
miðlun og sköpun. Þetta er sam-
félagslegt og óháð stofnunum.
Hvatinn er ekkert endilega að ein-
hver hafi kennt þér á þetta heldur
þarftu bara að kunna þetta til að
taka þátt í samfélaginu á þessum
aldri,“ segir Lára í samtali við
Morgunblaðið, en Menntaskólinn á
Tröllaskaga hefur verið framarlega
á þessu sviði í kennsluháttum.
Nota 150 öpp
„Síðast þegar ég taldi vorum við
að nota um 150 öpp og forrit í nám-
inu. Eitt af því sem nemendur verða
að leysa hjá okkur í sínum fyrstu
verkefnum er að finna sér verkfæri
til þess að leysa hlutina,“ segir Lára.
„Þetta krefst auðvitað meiri tækni-
legrar hæfni en er endilega viðmiðið
í þessari könnun. Það sem við sjáum
á okkar unga fólki er að þegar maður
gerir kröfur, þá rísa þau undir þeim,
eins og þessi könnun gefur til kynna.
Þau hafa grunnhæfni til að byggja
á.“ Lára segir Covid-19 hafa haft til-
tölulega lítil áhrif á skólastarfið hjá
sér.
„Þetta var bara eins og að ýta á
takka. Við fundum ekkert fyrir því.
Allt var klárt, öllum leið vel, og það
þurfti litlu að breyta. Það stafar af
því að við blöndum saman staðnem-
um og fjarnemum sem þurfa alla
jafna að vinna saman að verkefnum.“
Ásamt Króatíu koma Eistland og
Litháen vel út úr könnuninni og það
þekkir Lára af eigin raun.
„Þetta eru lönd sem hafa lagt
áherslu á nútímatækni í sinni
kennslu. Þessi tiltölulega nýju lýð-
ræðisríki. Eistar eru mjög spenn-
andi og framarlega í þessum málum
og ég ferðaðist þangað fyrir þremur
árum og hélt fyrirlestur um módelið
í skólanum hjá mér sem skóp líflegar
umræður en á Íslandi er menntunar-
fræðileg umræða um framhalds-
skólakerfið lítil. En framhaldsskóla-
kerfið á Íslandi hefur breyst og er
líklega best til þess fallið að takast á
við þær miklu stafrænu breytingar
sem við erum að ganga í gegnum,“
segir Lára.
Lára fór á Erasmus+-ráðstefnu
til Rúmeníu fyrir nokkrum árum en
landið rekur lestina í könnuninni.
„Efnahagur Rúmena er þröngur og
þeirra styrkur er akademísk mennt-
un, m.a. í raunvísindum, en alþýða
manna hefur ekki endilega ráð á
verkfærum tækninnar.“
Íslenskir nemendur vel tæknilæsir
 Íslenskir nemendur koma vel út úr könnum Evrópusambandsins um tæknilegt læsi nemenda
 Hvatinn er félagslegur að mati Láru Stefánsdóttur, skólameistara Menntaskólans á Tröllaskaga
Tæknilæsi á Íslandi og í löndum Evrópu 2019
Hlutfall nemenda (16-24 ára) sem hefur grunnþekkingu eða meira, %
K
ró
a
tí
a
Ís
la
nd
N
o
re
g
u
r
E
is
tl
a
n
d
L
it
h
á
e
n
H
o
lla
n
d
S
vi
ss
B
re
tl
a
n
d
G
ri
kk
la
n
d
A
u
st
u
rr
ík
i
F
in
n
la
n
d
P
o
rt
ú
ga
l
S
p
á
n
n
Þ
ýs
ka
la
n
d
D
a
n
m
ö
rk
S
ví
þ
jó
ð
Fr
a
kk
la
n
d
ES
B
m
eð
al
ta
l
P
ó
lla
n
d
B
e
lg
ía
Ír
la
n
d
L
ú
xe
m
b
o
rg
U
n
g
ve
rj
a
la
n
d
Ít
a
lía
N
-M
a
ke
d
ó
n
ía
Ty
rk
la
n
d
B
ú
lg
a
rí
a
R
ú
m
e
n
ía
97 96 96 93 93 93 93 92 92 89 89 88 86 86 85 84 81 80 80 79 78 75
68 65 64 61 58 56
Heimild: Eurostat
Lára
Stefánsdóttir
Ragnhildur Þrastardóttir
ragnhildur@mbl.is
Geitungar í sumar eru ekki færri en
þeir voru í fyrra; þeir voru einfald-
lega seinna á ferðinni vegna kulda í
vor, að sögn meindýraeyðis sem taldi
fyrr í júlí að færri geitungar væru á
ferðinni.
„Nokkrum dögum seinna kom
þetta venjulega,“ segir meindýra-
eyðirinn, Steinar Smári Guðbergs-
son. Hann segir að búin séu minni en
í fyrra en geitungarnir séu þó alveg
jafn margir.
„Það er alltaf nóg af geitungum.
Maður fær alltaf fréttir frá Náttúru-
fræðistofnun um að það séu færri
geitungar en það hefur alltaf verið
aukning hjá mér, þótt ég finni
kannski ekki fyrir aukningu þetta
árið,“ segir Steinar.
„Þeir voru aðeins seinna á ferðinni
en í fyrra og búin eru ekki jafn stór
og þau voru í fyrra því það var svo
kalt í vor. Vegna kuldans koma þeir
seinna í ljós en í fyrra en það er alveg
jafn mikið af þeim.“
Fyrir tíu dögum birtist viðtal við
Steinar í Morgunblaðinu þar sem
greint var frá því að hann hefði feng-
ið færri beiðnir um að fjarlægja geit-
ungabú en áður, nú hefur sannarlega
orðið breyting þar á.
„Það er alltaf nóg
af geitungum“
 Flugurnar röndóttu hafa tekið við sér
Morgunblaðið/Árni Sæberg
Geitungabú Fyrri hluti sumars
skiptir sköpum fyrir geitunga.