Morgunblaðið - 24.07.2020, Side 27

ÍÞRÓTTIR 27
MORGUNBLAÐIÐ FÖSTUDAGUR 24. JÚLÍ 2020
 Knattspyrnumaðurinn Jason Daði
Svanþórsson hefur samið við Breiða-
blik um að ganga til liðs við félagið frá
Aftureldingu eftir þetta tímabil. Jason
er tvítugur og hefur skorað 14 mörk í
52 leikjum fyrir Aftureldingu í 1. og 2.
deild frá 2017, þar af fjögur mörk í sjö
leikjum í 1. deildinni á þessu tímabili.
Þá hefur Jason gert fimm mörk í
tveimur leikjum Aftureldingar í bikar-
keppninni í sumar.
 Nýliðar Gróttu hafa fengið liðsstyrk
fyrir átökin í Olísdeild karla í hand-
bolta næsta vetur, en hornamaðurinn
Andri Þór Helgason samdi við félagið í
gær til tveggja ára. Andri spilaði síðast
með Stjörnunni og þar á undan Fram.
Andri skoraði 56 mörk í 20 leikjum í
Olísdeildinni á síðustu leiktíð og var
Stjarnan í áttunda sæti þegar keppi í
deildinni var hætt vegna kórónu-
veirunnar.
 Spánverjinn Unai Emery hefur verið
ráðinn knattspyrnustjóri Villarreal á
Spáni. Gerði hann gerði þriggja ára
samning við félagið í gær. Emery
stýrði síðast Arsenal á Englandi, en
hann tók við af Arsene Wenger í maí
2018 og var rekinn í nóvember á síð-
asta ári. Villarreal hafnaði í fimmta
sæti spænsku 1. deildarinnar á nýliðnu
tímabili og leikur því í Evrópudeildinni
á næstu leiktíð. Emery gerði Sevilla
þrívegis að Evrópudeildarmeistara á
árunum 2013 til 2016 og PSG að
frönskum meistara 2018.
 Mike Tyson, fyrrverandi heims-
meistari í þungavigt í hnefaleikum,
snýr aftur í hringinn 12. september
næstkomandi, en það er BBC sem
greinir frá þessu. Tyson mun þá mæta
Roy Jones Jr. sem varð fjórum sinnum
heimsmeistari á ferli sínum.
Tyson er í dag 54 ára gamall en Roy
Jones Jr. er orðinn 51 árs. Tyson barð-
ist síðast árið 2005 þegar hann tapaði
fyrir Íranum Kevin McBride en Jones
barðist síðast gegn Scott Sigmon í
febrúar 2018. Tyson er sá yngsti í sög-
unni til þess að verða heimsmeistari í
þungavigt, en hann var einungis tví-
tugur þegar hann sigraði Trevor Ber-
vick árið 1986 í bardaga um beltið. Ty-
son er með 58 bardaga undir beltinu
en hann hefur unnið fimmtíu þeirra.
 Bandaríski körfuknattleiksmaður-
inn Stanley Robinson sem lék með
Keflavík fyrri hluta tímabilsins 2017-18
fannst látinn á heimili sínu í Birm-
ingham í Alabama í Bandaríkjunum
fyrr í vikunni. Dánarorsök er ókunn en
ekkert bendir til þess að dauða hans
hafi borið að höndum með saknæmum
hætti, samkvæmt fregnum. Robinson
var 32 ára gamall, þriggja barna faðir,
og var valinn af Orlando Magic í ný-
liðavali NBA árið 2010 en lék aldrei í
deildinni. Tvö síðustu
tímabil lék hann með
Espanol de Talca í
Síle.
Eitt
ogannað
Haukur Þrastarson, landsliðs-
maðurinn ungi í handknattleik, er
ristarbrotinn. Þetta staðfesti hann
við Vísi í gær. Reiknað er með
þriggja mánaða fjarveru en Hauk-
ur er kominn til liðs við pólsku
meistarana Kielce. Tímabilið í Pól-
landi hefst 5. september og þá leik-
ur liðið fyrsta leik í Meistaradeild
Evrópu gegn Flensburg 16. septem-
ber. Horfur eru á að Haukur missi
af fyrstu fimm umferðum Meistara-
deildarinnar vegna meiðslanna en
Kielce leikur fjórtán leiki í riðla-
keppni hennar fyrri hluta vetrar.
Haukur frá í
þrjá mánuði
Morgunblaðið/Kristinn Magnússon
Brotinn Haukur Þrastarson spilar
ekki strax með Kielce.
Knattspyrnumaðurinn Jón Guðni
Fjóluson er farinn frá rússneska fé-
laginu Krasnodar, en hann átti eitt
ár eftir af samningi sínum þar.
Krasnodar skýrði frá þessu á
heimasíðu sinni í gær. Félagið
keypti Jón Guðna, sem er 31 árs
gamall miðvörður, af Norrköping í
Svíþjóð sumarið 2018 en hann lék
aðeins sex leiki af þrjátíu fyrra
tímabilið sitt og á nýloknu tímabili
lék Jón Guðni tíu leiki í deildinni.
Krasnodar endaði í þriðja sæti og
fer í undankeppni Meistaradeildar-
innar síðar í sumar.
Jón yfirgefur
Krasnodar
Ljósmynd/Krasnodar
Farinn Jón Guðni Fjóluson hefur
leikið með Krasnodar í tvö ár.
DANMÖRK
Jóhann Ingi Hafþórsson
johanningi@mbl.is
Landsliðsmaðurinn Mikael Ander-
son hefur verið lykilmaður hjá FC
Midtjylland sem tryggði sér danska
meistaratitilinn í fótbolta með 3:1-
sigri á FC København 9. júlí síðast-
liðinn, þrátt fyrir að þá væru fjórar
umferðir eftir af deildarkeppninni.
Yfirburðir Midtjylland í danska fót-
boltanum hafa verið miklir á tíma-
bilinu og er liðið með sautján stiga
forskot á toppnum þegar aðeins ein
umferð er eftir. Mikael og félagar
hafa náð í 82 stig í 35 leikjum, en
FCK er í öðru sæti með 65. Mikael,
sem er 22 ára gamall, er eini Íslend-
ingurinn sem hefur orðið danskur
meistari í fótbolta fyrir utan Rúrik
Gíslason, Ragnar Sigurðsson og
Sölva Geir Ottesen sem urðu dansk-
ir meistarar saman árið 2013 með
FC København.
„Þetta var risastórt. Þetta er í
fyrsta skipti sem ég vinn titil í meist-
araflokki og það er alltaf gaman að
vinna. Þetta er búið að vera langt
tímabil, en við höfum unnið flesta
leiki, spilað virkilega vel og þetta er
sætt og verðskuldað. Það var sér-
staklega sætt að við tryggðum titil-
inn með sigri á FC København,“
sagði Mikael í samtali við Morgun-
blaðið. Eins og taflan gefur til kynna
er Midtjylland búið að vera lang-
besta lið deildarinnar á tímabilinu.
„Við erum búnir að vera langbesta
liðið. FCK hefur verið óvenjuslakt á
þessari leiktíð, en við erum búnir að
vera rosalega góðir og stöðugir. Við
höfum spilað mjög skemmtilegan
fótbolta og á sama tíma erum við
með hrikalega sterka vörn. Við erum
með tvo bestu miðverðina í deildinni;
Alexander Scholz sem spilaði með
Stjörnunni og svo er fyrirliðinn okk-
ar Erik Sviatchenko mjög sterkur.
Hann spilaði með Celtic áður en
hann kom til okkar og hann er búinn
að vera gríðarlega góður líka. Við er-
um með hrikalega gott lið, spilum
vel saman og erum þéttir og það hef-
ur verið lykillinn að sigri.“
Fyrsta alvörutímabilið
Mikael hefur spilað 30 deildarleiki
af 35 til þessa á leiktíðinni, þar af 20
frá byrjun, og skorað í þeim fjögur
mörk. Er hann sáttur við eigin
frammistöðu á tímabilinu, þótt hann
væri til í að bæta við fleiri mörkum.
Er um fyrsta alvörutímabil Mikaels
hjá Midtjylland að ræða, en hann
hafði aðeins spilað 22 mínútur í
deildinni með liðinu fyrir þessa leik-
tíð og verið að láni hjá Vendsyssel í
dönsku B-deildinni og Excelsior í
hollensku úrvalsdeildinni.
„Ég er ánægður með mína
frammistöðu. Ég er búinn að spila
mjög mikið, skapa mikið af færum
og skora nokkur mörk, þótt ég hefði
viljað skora aðeins meira. Heilt yfir
er ég sáttur við tímabilið mitt því ég
er búinn að standa mig vel og þjálf-
arinn og aðrir eru sáttir með mína
frammistöðu. Ég byrjaði tímabilið á
bekknum og þurfti að bíða eftir
mínu tækifæri. Ég var svo klár þeg-
ar kallið kom og nýtti tækifærið vel.
Ég skoraði tvö mörk í byrjun tíma-
bilsins og hef haldið sætinu í
byrjunarliðinu síðan. Ég bjóst ekki
endilega við því að spila svona
mikið, en á sama tíma hafði ég trú á
því.“
Lygileg sigurganga á útivelli
Gengi Midtjylland á útivöllum á
leiktíðinni hefur verið lygilegt og
vann liðið 15 af 18 útileikjum sínum
á tímabilinu. Eina tapið kom í síð-
asta útileiknum gegn Jóni Degi Þor-
steinssyni og félögum í AGF 12. júlí
þar sem lokaölur urðu 3:0, AGF í vil.
Þar á undan settu Mikael og félagar
danskt met yfir flesta sigra í röð á
útivöllum en 1:0-sigur gegn Nord-
sjælland á útivelli 5. júlí var ellefti
útisigurinn í röð. „Við erum með lið
sem er mjög gott í skyndisóknum.
Þegar við spilum á heimavelli pakk-
ar andstæðingurinn gjarnan í vörn
og þá þurfum við að stjórna leiknum
og það erfiðasta í fótbolta er að
stjórna leiknum og brjóta upp lið
sem eru með tíu leikmenn á bak við
boltann. Þegar við förum á útivelli
vilja hin liðin spila meira og við fáum
meira pláss og þá er léttara að ná
skyndisóknum. Við höfum líka verið
heppnir inn á milli og unnið leiki
sem við vorum ekki góðir í. Alvöru-
meistaralið taka svoleiðis sigra, ljóta
1:0-sigra.“
Midtjylland var á mikilli siglingu
þegar tæplega þriggja mánaða hlé
var gert á deildarkeppninni í Dan-
mörku vegna kórónuveirunnar.
Mikael viðurkennir að tímabilið hafi
verið langt og strangt, en fram und-
an er stutt frí, áður en undirbún-
ingur fyrir næsta tímabil fer á fulla
ferð. Fyrst leikur liðið gegn AaB í
lokaumferðinni á sunnudag. „Þetta
var mjög erfitt. Áður en Covid byrj-
aði vorum við á svakalegri siglingu
og að vinna alla leiki. Við töpuðum
fyrsta leik eftir hléið og misstum
smá flugið en það kom fljótt aftur.
Þetta er búið að vera rosalega langt
tímabil. Við fáum sjö daga frí eftir
sunnudaginn og svo förum við strax
að undirbúa næsta tímabil.“
Meistaradeild eða Evrópudeild
Með sigri í deildinni tryggði Midt-
jylland sér sæti í undankeppni
Meistaradeildar Evrópu þar sem lið-
ið byrjar í 2. umferð af fjórum.
Danska liðið þarf því að vinna þrjú
einvígi til að komast í riðlakeppni
Meistaradeildarinnar. Tapi liðið í
undankeppninni taka við leikir þar
sem sæti í riðlakeppni Evrópu-
deildarinnar eru undir. „Stefnan er
að komast annaðhvort í Meistara-
deildina eða Evrópudeildina. Það
verður erfitt þar sem það eru mjög
góð lið í undankeppninni. Við þurf-
um að vera heppnir með dráttinn
okkar en ég tel að við eigum góða
möguleika á að komast annaðhvort í
Meistaradeildina eða Evrópudeild-
ina. Það væri æðislegt að komast
þangað,“ sagði Mikael. Hann er
samningsbundinn Midtjylland til
ársins 2023, en hann viðurkennir að
stefnan sé að yfirgefa liðið áður en
samningurinn rennur út.
„Ég er mjög ánægður hjá Midt-
jylland núna en ég stefni ekki á að
vera hjá félaginu til 2023. Maður
stefnir alltaf hærra og ég vonast til
þess að komast að í sterkari deild.
Tímasetningin er mjög mikilvæg, en
það er erfitt að segja hvenær rétti
tíminn er til að færa sig um set, von-
andi gerist það fyrir 2023. Það gæti
hjálpað að standa sig vel í Evrópu-
keppni. Það myndi hjálpa mér per-
sónulega að komast í riðlakeppnina í
annarri hvorri keppninni.“
Mikael lék sinn fyrsta A-landsleik
gegn Indónesíu í vináttulandsleik í
ársbyrjun 2018. Hann þurfti að bíða
þolinmóður eftir næsta tækifæri því
landsleikur númer tvö kom gegn
Tyrklandi á útivelli 17. nóvember á
síðasta ári í undankeppni EM, en
hann kom þá inn á sem varamaður í
Istanbúl. Mikael var svo í byrjunar-
liðinu gegn Moldóvu ytra þremur
dögum síðar í sömu keppni og lagði
upp mark í 2:1-sigri. Átti lokamót
EM að fara fram í sumar, en var
frestað vegna kórónuveirunnar. Ís-
land mætir Rúmeníu á heimavelli í
umspili um sæti í keppninni 8. sept-
ember næstkomandi og annaðhvort
Ungverjalandi eða Búlgaríu á úti-
velli í hreinum úrslitaleik um sæti í
lokakeppninni, nái liðið að leggja
Rúmeníu að velli.
Risaleikir í Þjóðadeildinni
Síðustu tveir landsleikir Mikaels
komu í vináttuleikjum gegn Kanada
og El Salvador í byrjun árs og hefur
hann því alls leikið fimm A-lands-
leiki. Mikael vill ólmur sanna sig
með landsliðinu og er spenntur fyrir
komandi verkefnum, sérstaklega í
Þjóðadeildinni þar sem Ísland mætir
Englandi, Belgíu og Danmörku í
september, október og nóvember.
Mikael ólst upp í Keflavík og Sand-
gerði en hann flutti ungur til Dan-
merkur.
„Ég horfði á dráttinn þegar það
var dregið í Þjóðadeildinni og þegar
ég sá England, Belgíu og sérstak-
lega Danmörku varð ég mjög
spenntur. Þetta verða sex risaleikir
og gegn skemmtilegum þjóðum.
Vonandi stend ég mig nógu vel með
félagsliðinu og fæ sénsinn með
landsliðinu aftur, þá verð ég að nýta
tækifærið og standa mig vel. Við eig-
um góða möguleika gegn öllum þess-
um þjóðum þótt þetta séu stórar fót-
boltaþjóðir,“ sagði Mikael. Hann
dreymir sérstaklega um að vinna
Danmörku á útivelli. „Það er stærsti
leikurinn fyrir mig og það yrði algjör
veisla að vinna Danmörk á Parken,“
sagði Mikael Neville Anderson.
Draumur danska meistar-
ans að vinna Dani á Parken
 Mikael Anderson ánægður með glæsilegan árangur Midtjylland í Danmörku
Ljósmynd/Midtjylland
Fastamaður Mikael Anderson hefur leikið 30 leiki í deildinni á tímabilinu.