Morgunblaðið - Sunnudagur - 19.07.2020, Blaðsíða 17

sem er meðal þekktustu blaðamanna og pistlahöf-
unda Bandaríkjanna.
Will hefur löngum verið hallari undir repúblikana
en andstæðinga þeirra. Það vakti því mikla athygli
þegar hann tilkynnti í aðdraganda kosninganna 2016
að hann gæti ekki fengið sig til að kjósa Trump sem
forseta og rökstuddi það. Nýlega sagði hann að-
spurður að hann hefði ekki gert það upp við sig hvort
hann myndi kjósa Joe Biden í kosningunum nú eða
ekki. Spyrjandinn benti á sífellt fleiri merki þess að
Biden hefði farið stórlega aftur og væri bersýnilega
ekki treyst til að standa á eigin fótum fyrir framan
blaðamenn. George Will nefndi þá dæmi úr kosninga-
baráttu þeirra Bidens og Obama frá haustinu 2008,
þegar Biden gagnrýndi Bush, fráfarandi forseta,
harðlega fyrir slæleg viðbrögð við fjármálakreppunni
nokkru fyrr. Biden sagði að forsetinn hefði þó haft
upplagða fyrirmynd sem hann hefði átt að fylgja.
(Biden svaraði spurningum í einkaviðtali CBS sem
sýnt var 22. september þetta ár. Hann vildi sýna sam-
anburð á pólitískri forystu þá og áður þegar Roose-
velt forseti, úr röðum demókrata, sat í Hvíta húsinu.)
Biden sagði við fréttamann CBS: „Þegar kreppan
mikla brast á fór Franklin D. Roosevelt strax í sjón-
varpið og talaði til þjóðarinnar og þar lét hann ekki
nægja að tala eingöngu um græðgisgaurana (the
princes of greed).“ Gallinn við þessa ádrepu Bidens
var ekki bara einn heldur margir. Kreppan brast á
árið 1929. Herbert Hoover var forseti þá en ekki
Franklin Roosevelt. Roosevelt varð ekki forseti fyrr
en í janúar 1933. Og þótt hann hefði farið í sjónvarp
strax þá hefði það ekki heldur gengið, því að slíkt
tæki var fyrst kynnt til sögunnar á heimssýningunni í
New York 1939, réttum áratug eftir að kreppan varð!
Ekki þótti öllum að þetta dæmi ætti að styrkja
George Will í því að þurfa umhugsunarfrest til að
svara því hvort hann myndi kjósa Biden í nóvember.
En Will færði þetta fram sem svar við fullyrðingum
um að „nú væri svo komið“ að Biden væri fjarri því að
vera með á nótunum. Hann hefði þannig verið býsna
lengi úti á þekju, eins og þetta dæmi sýndi, en það
mætti nálgast á YouTube. Will gaf til kynna að verið
gæti að þessi „galli“ gerði Biden að manneskjulegri
persónu en ella í augum einhverra og benti til að það
væri hvorki betra né verra en það hefði lengi verið.
Hatur halar inn
Það er alþekkt að þeir sem komast nærri forseta
Bandaríkjanna, á öllum tímum, leitast við að gera sér
mat úr því og oft með góðum árangri. Bróðurdóttir
Donalds Trumps, Mary Trump, hefur gefið út bók
um frænda sinn, „hættulegasta mann Bandaríkj-
anna“, eins og hún kallar hann. Mary er flokksbund-
inn demókrati og ötull stuðningsmaður Hillary Clin-
ton. Bókin um Trump eftir frænkuna kom út 14.
þessa mánaðar og seldist í milljón eintökum fyrsta
daginn!
Það er því ekki of fljótt að segja að Mary verði mjög
fjáð eftir bókina og eru aurarnir þá taldir í millj-
örðum króna. Hún var svo sem ekki á flæðiskeri fyrir,
því afi hennar hafði arfleitt fjölskylduna að háum
fjárhæðum (10-40 milljörðum (mælt í íslenskum
krónum)), en Mary og aðrir afkomendur Freds yngri,
bróður Trumps, töldu sig hafa komið verr frá þeim
potti en eðlilegt hefði verið og þaðan mun hatrið á
Donald frænda komið. Fred jr. var forfallinn alkóhól-
isti en Donald hefur aldrei smakkað vín. Hann segist
ekki hafa sett sínum börnum önnur skilyrði í þeim
efnum en þau, að noti þau áfengi, sem sé þeirra mál,
geti þau ekki starfað við fyrirtæki hans.
Og svo bók Boltons
Bók Johns Boltons, fyrrverandi öryggisráðgjafa
Trumps, er einnig komin út og margir töldu að hún
væri líklegri til að skaða forsetann en bók frænkunn-
ar. En bók Boltons hefur ekki fengið mikið flug og
þykir nokkuð tyrfin og smásmyglisleg og sumt sem á
að vera gagnrýni sé fremur til að styrkja forsetann en
hitt.
Eitt af því sem Bolton gagnrýnir Trump fyrir er at-
vik þegar Íransher skaut niður njósnadróna Banda-
ríkjanna. Bolton lagði hart að forsetanum að gera
refsiárás á Íran, þótt hún yrði að sjálfsögðu takmörk-
uð. Forsetinn spurði hvað slíkri árás fylgdi og Bolton
svaraði því til að það hlyti að verða nokkurt mannfall
hjá Írönum, sem reynt yrði að takmarka. Trump benti
á að enginn Bandaríkjamaður hefði farist þegar drón-
inn var skotinn niður og hann gæti því ekki varið það
fyrir sjálfum sér eða öðrum að valda manntjóni í
hefndaraðgerð vegna drónans.
Öfugt við spár margra (og stundum stórkarlalegt tal
Trumps) hefur forsetinn verið tregari til manndrápa
en flestir forverar hans á síðari tímum. Augljóst er að
Bolton telur viðbrögð forsetans veikleikamerki en þar
sem Bolton hefur orð á sér fyrir að vera í vígreifari
kanti er ekki víst að af skrifum hans verði mikill skaði.
Kórónuveiran hefur farið mikinn í Bandaríkjunum
en margt bendir til að senn hjaðni þar og er þá líklegt
að fjör færist í leikinn í kosningunum og jafnvel verði
sendur leiðangur til að sækja Joe Biden upp úr kjall-
aranum. Stjórnendur hans í Demókrataflokknum
reyna þó að draga það eins lengi og þeir mega.
Kannski mun Biden óska eftir því að fá að ræða þær
aðstæður við Franklin D. Roosevelt, enda hefur hann
lengi haft mætur á honum.
Hvernig væri að þeir tveir hittust í sjónvarpssal?
Morgunblaðið/Árni Sæberg
19.7. 2020 MORGUNBLAÐIÐ SUNNUDAGUR 17