Morgunblaðið - 22.08.2020, Qupperneq 12

12 DAGLEGT LÍF
MORGUNBLAÐIÐ LAUGARDAGUR 22. ÁGÚST 2020
Barnabókaverðlaun
Guðrúnar Helgadóttur
Reykjavíkurborg auglýsir hér með eftir óbirtu handriti að skáldverki fyrir börn eða
unglinga, frumsömdu á íslensku, til að keppa um Barnabókaverðlaun Guðrúnar
Helgadóttur. Verðlaununum verður úthlutað í þriðja sinn að vori 2021.
Verðlaun að upphæð 1 milljón króna verða veitt fyrir eitt handrit.
Þriggja manna dómnefnd metur verkin og eru meðlimir hennar tilnefndir af
menningar-, íþrótta – og tómstundaráði Reykjavíkurborgar, Rithöfundasambandi
Íslands og Reykjavík bókmenntaborg UNESCO.
Útgáfuréttur verðlaunahandrits er í höndum höfundar eða þess forlags sem hann
ákveður að starfa með. Sé dómnefnd á einu máli um að ekkert innsent handrit
fullnægi þeim kröfum sem hún telur að gera verði til verðlaunaverka má fella
verðlaunaafhendinguna niður það árið.
Handritum skal skilað í þríriti og undir dulnefni, en nafn og símanúmer höfundar
fylgi með í lokuðu umslagi. Ef um myndskreytt handrit er að ræða er ekki tekið
á móti frummyndum, aðeins ljósritum.
Handrit berist í síðasta lagi 11. janúar 2021.
Utanáskrift:
Barnabókaverðlaun Guðrúnar Helgadóttur
b.t. Reykjavíkur bókmenntaborgar UNESCO
Ráðhúsi Reykjavíkur, Tjarnargötu 11, 101 Reykjavík
Í apríl 2018 samþykkti borgarráð að frá 2019 verði Barnabókaverðlaun Guðrúnar
Helgadóttur veitt árlega að vori fyrir handrit að nýrri barna eða ungmennabók.
Arndís Þórarinsdóttir og Hulda Sigrún Bjarnadóttir hlutu Barnabókaverðlaun Guðrúnar
Helgadóttur 2020 fyrir handrit sitt að bókinni Blokkin á heimsenda.
Við Strandgötu í Hafnarfirði hefur
verið sett upp ljósmyndasýningin 30
samvinnuhús í Hafnarfirði. Sýnt er á
auðri lóð vestan við menningar-
miðstöðina Hafnarborg, en þar stóð
eitt sinn verslunarhús Kaupfélags
Hafnfirðinga.
Fjölbreytt starfsemi og fimm-
tán sýningarspjöld
Myndirnar eru af byggingum sem
á 20. öldinni hýstu samvinnu-
starfsemi, svo sem á vegum kaup-
félaga eða annarra almanna-
samtaka. Þarna má nefna mjólkurbú,
leigubílastöð, kaupfélagsbúðir af
ýmsum toga, mjólkurbúðir, olíustöð,
matvælavinnslu, samvinnuútgerð,
pöntunarfélag og banka. Starfsemi
þessi var í húsum sem mörg hafa
verið rifin en öðrum hefur verið
breytt.
Segja má að samvinnuhúsasýn-
ingin varpi fróðlegu og skemmtilegu
ljósi á Hafnarfjörð frá fyrri tíð og
fram til dagsins í dag. Kaupfélag
Hafnfirðinga var til dæmis mikill
frumkvöðull í verslun hér á landi. Þar
sem ljósmyndasýningin stendur nú,
var opnuð fyrsta kjörbúð landsins og
litlu síðar rak Kaupfélag Hafnfirð-
inga einnig fjóra kjörbúðarbíla, þá
fyrstu á Íslandi.
Ljósmyndir á sýningunni í Hafnar-
firði eru á alls fimmtán spjöldum, en
á hverju þeirra segir frá afmörk-
uðum efnisþáttum. Sýningin stendur
til septemberloka.
„Í raun mætti setja upp svona
sýningar í flestum bæjum landsins.
Samvinnuhreyfingin er veldi sem var
og kaupfélögin voru burðarásar at-
vinnulífsins víða úti um land. Því er
stefan sú að setja upp sambærilegar
sýningar víðar á næstu misserum,“
segir Reynir Ingibjartsson sem er í
forsvari fyrir félagið Fífilbrekku. Á
þess vegum hefur Reynir farið víða
um landið á síðustu árum og skráð
og myndað hús sem tengdust sam-
vinnuhreyfingunni og sögu hennar.
Byggingar fá alltaf
nýtt hlutverk við hæfi
„Ljósmynduð voru 1.625 hús sem í
dag hýsa margvíslega starfsemi. Í
þeim eru nú meðal annars söfn, veit-
ingastaðir, hótel, upplýsinga-
miðstöðvar og margt fleira. Æði
margt af þessu tengist með öðrum
orðum sagt ferðaþjónustu í einhverri
mynd. Slíkt segir okkur að góðar og
vel staðsettar byggingar fá alltaf
nýtt hlutverk við hæfi,“ segir Reynir
sem er í mun að saga sam-
vinnuhreyfingarinnar á Íslandi varð-
veitist, þótt aðstæður og svipmót
tímans hafi breyst. sbs@mbl.is
30 samvinnuhús í Hafnarfirði
Byggingar sem hýstu mjólk-
urbúð, banka, olíustöð og fleira
Morgunblaðið/Sigurður Bogi
Samvinnumaður Reynir Ingibjartsson hér við skilti á ljósmyndasýningunni
sem er í sundi milli Hafnarborgar og Pennans í Strandgötu í Hafnarfirði.
Sigurður Bogi Sævarsson
sbs@mbl.is
Hlaup eru góð þjálfun, segir Þórey Edda El-ísdóttir íþróttakona. „Ég hef alla tíð veriðmikið í íþróttum og þurft að hreyfa mig mik-ið. Hins vegar var það fyrst nú í vor sem ég
byrjaði að hlaupa nokkuð skipulega og þá helst fjórum til
fimm sinnum í viku. Mest hef ég verið hér innanbæjar en
nú þegar leið á sumarið fór ég að reyna mig í brekkunum
hér í kring, sem eru góðar til úthaldsæfinga.“
Á þrennum Ólympíuleikum
Þórey Edda Elísdóttir stangarstökkvari var um
langt árabil einn af þekktari frjálsíþróttamönnum lands-
ins. Hún sveif hátt yfir rána og var meðal fulltrúa Ís-
lands á þrennum Ólympíuleikum, það er árin 2000, 2004
og 2008. Bestum árangri náði Þórey á ÓL í Aþenu í
Grikklandi árið 2004; þegar hún stökk 4,55 metra og náði
fimmta sæti. Þá átti hún Norðurlandametið í stangar-
stökki í ellefu ár og keppti fimm sinnum á heimsmeist-
aramótum í greininni. Stangarstökk var íþrótt sem at-
hygli margra beindist að á fyrstu árunum eftir aldamót,
sem helgaðist af þeim góða árangri sem Vala Flosadóttir
og Þórey Edda náðu.
„Ég hef aldrei verið góð í íþróttum sem krefjast út-
halds, sem nú er smám saman að byggjast upp og þetta
er afar gaman. Hlaup eru líka afar fyrirhafnarlítil íþrótt.
Ekki er annað að gera en reima á sig skóna og hlaupa af
stað,“ segir Þórey Edda um hlaupin sem séu nokkuð ólík
öðrum greinum íþrótta sem hún hefur lagt fyrir sig, sem
eru blak, fjallaskíði og lyftingar svo eitthvað sé nefnt.
„Tilviljun réð því að ég lagði stangarstökkið fyrir
mig á sínum tíma. Ragnheiður Ólafsdóttir sem varð síðar
einn þjálfara minna hjá FH hafði samband við mig og
spurði mig hvort ég hefði áhuga á að prófa þessa grein,
ég sló til og úr þessu varð heilmikið ævintýri. En þá ber
líka að taka fram að íþróttin krefst mikils af þátttak-
endum og æfingarnar eru fjölþættar. Þú tekur ekki bara
stöngina, ferð út á völl og sveiflar þér upp í loftið. Margt
fleira þarf til,“ segir Þórey sem jafnhliða stífum æfingum
á sínum tíma las verkfræði við Háskóla Íslands. Er með
BS-gráðu í bygginga- og umhverfisverkfræði og meist-
arapróf í síðarnefndu greininni.
Verkfræðingur hjá Ráðbarði
Sex ár eru síðan Þórey Edda flutti á Hvammstanga.
Kom þar til að eiginmaður hennar, Guðmundur Hólmar
Jónsson, er sveitapiltur af svæðinu og vildi norður. Þór-
ey segist hafa verið treg til í byrjun en látið slag standa
þegar hún fékk vinnu í sinni grein. Starfar í dag hjá
verkfræðistofunni Ráðbarði á Hvammstanga og þunginn
í verkefnum þar er þjónusta við byggingastarfsemi í hér-
aði. „Hér er mikið byggt og nóg að gera,“ segir Þórey
sem jafnhliða þjálfar krakka á staðnum í fimleikum og
frjálsum íþrótttum. Guðmundur maður hennar er tón-
listarkennari á svæðinu jafnhliða því að sinna þjálfun af-
reksfólks í frjálsum íþróttum.
„Ég komst nokkuð fljótt inn í samfélagið hér á
Hvammstanga sem tekur vel á móti fólki sem flytur
hingað,“ segir Þórey Edda sem með Guðmundi manni
sínum á þrjá drengi sem eru þriggja, 9 og 11 ára. Í
tengslum við skólagöngu þeirra hafa svo myndast marg-
vísleg tengsl við fólkið í byggðarlaginu og af þeim sökum
komu afskipti af sveitarstjórnarmálum nánast af sjálfu
sér.
Allir geta haft áhrif
„Já, ég hef gaman af pólitík og hef skoðanir á mál-
um. Hér fyrir norðan var ég fyrir síðustu kosningar á
lista Nýs afls hér í Húnaþingi vestra og er varamaður í
sveitarstjórn. Mörg spennandi mál eru þar í deiglunni,
enda þótt ekki sé mikill pólitískur ágreiningur um verk-
efni sem eru í gangi á hverjum tíma, svo sem stækkun
grunnskólans og hitaveitumálin. En menningin hér er
einfaldlega þannig að allir geta látið rödd sína heyrast,
komið sjónarmiðum á framfæri og haft áhrif. Að búa í
slíku samfélagi er mikill kostur,“ segir Þórey Edda að
síðustu.
Morgunblaðið/Sigurður Bogi
Morgunskokk Þórey Edda á hlaupum árla dags. Brekkurnar á þessum slóðum segir hún góðar til úthaldsæfinga.
Hlaup eru góð og
úthaldið að aukast
Tekið á rás! Þórey Edda Elísdóttir var
afrekskona í stangarstökki. Í dag býr
hún á Hvammstanga, er verkfræðingur
og þjálfar börn í frjálsum íþróttum. Fer
svo út að skokka, fyrirhafnarlaust.
Landsbyggðarkona Þórey Edda við skilti við bæj-
armörk, en hún hefur búið á Hvammstanga sl. sex ár.
Morgunblaðið/Golli
ÓL Í Aþenu árið 2004 þar sem Þórey Edda fór á stöng-
inni yfir rána í 4,55 m hæð og náði fimmta sæti.