Morgunblaðið - 22.08.2020, Qupperneq 32

•
Embætti lögreglustjóra
á Suðurnesjum
laust til umsóknar
Auglýst er laust til umsóknar embætti lögreglustjórans á Suðurnesjum.
Lögreglustjórinn á Suðurnesjum fer með stjórn lögregluliðs í sínu umdæmi, þ.e. Reykjanesbæ, Grindavík,
Vogum, Garði, Sandgerði og á Keflavíkurflugvelli. Hann annast daglega stjórn og rekstur lögreglunnar í
umdæminu og ber ábyrgð á framkvæmd lögreglustarfa innan þess. Hjá embættinu starfa um 170 manns.
Lögreglustjórinn á Suðurnesjum hefur annars vegar á höndum stjórn almennrar löggæslu innan umdæmisins
og fer hins vegar með stjórn og framkvæmd landamæraeftirlits í Flugstöð Leifs Eiríkssonar, auk þess að
sinna umfangsmiklu alþjóðasamstarfi. Embættið á í nánu samstarfi við tollayfirvöld vegna löggæsluverkefna
í flugstöðinni og einnig Útlendingastofnun í tengslum við mál sem upp koma á landamærum í málefnum
útlendinga.
Umsækjendur skulu fullnægja skilyrðum 2. mgr. 28. gr. lögreglulaga nr. 90/1996.
Aðrar hæfniskröfur eru:
• Góð þekking og yfirsýn á verkefnum lögreglunnar æskileg
• Reynsla af stjórnun og stefnumótun æskileg
• Góð þekking og/eða reynsla af störfum innan stjórnsýslunnar æskileg
• Rekstrarþekking og/eða reynsla er æskileg
• Reynsla af alþjóðlegu samstarfi kostur
• Mjög góð forystu-, samvinnu- og samskiptahæfni
• Fagmennska, frumkvæði, drifkraftur og jákvæðni
• Mjög gott vald á íslensku og ensku og færni til að tjá sig í ræðu og riti
• Þekking á einu Norðurlandamáli æskileg
Dómsmálaráðherra skipar lögreglustjóra til 5 ára í senn, sbr. lög um réttindi og skyldur starfsmanna ríkisins,
nr. 70/1996. Miðað er við að skipað verði í embættið frá og með 1. nóvember 2020. Um laun og starfskjör
lögreglustjóra fer eftir ákvörðun kjara- og mannauðssýslu fjármála- og efnahagsráðuneytisins.
Upplýsingar um starfið veitir Haukur Guðmundsson ráðuneytisstjóri í síma 545 9000.
Umsóknarfrestur er til og með 14. September 2020. Dómsmálaráðuneytið hefur ákveðið að fela nefnd að fara
yfir þær umsóknir sem berast og á nefndin að skila ráðherra rökstuddu áliti á hæfni umsækjenda. Öllum
umsóknum verður svarað þegar ákvörðun um skipun liggur fyrir.
Umsóknum skal skila rafrænt á starf@dmr.is.
Með umsókn skal fylgja ítarleg starfsferilsskrá, afrit af prófskírteinum, upplýsingar um umsagnaraðila og
kynningarbréf þar sem gerð er grein fyrir ástæðu umsóknar og hvernig viðkomandi uppfylli hæfniskröfur fyrir
starfið. Umsækjandi skal í kynningarbréfi gera skýra grein fyrir hæfni sinni í samræmi við þær hæfniskröfur
sem fram koma í 2. mgr. 28. gr. laga nr. 90/1996 og auglýsingunni. Í umsókn skulu enn fremur koma fram
upplýsingar um: 1) menntun, 2) reynslu af stjórnun, 3) reynslu af lögmannsstörfum, saksókn, dómstörfum,
4) reynslu af stjórnsýslustörfum, 5) upplýsingar um samskiptafærni og sjálfstæði, 6) aðrar upplýsingar sem
varpað geta ljósi á faglega eiginleika og færni umsækjanda sem máli skipta fyrir störf lögreglustjóra.
Stjórnarráð Íslands
Dómsmálaráðuneytið
atvinna@mbl.is
Pantaðu pláss fyrir þína atvinnuauglýsingu á