Morgunblaðið - 02.09.2020, Blaðsíða 11

FRÉTTIR 11Erlent
MORGUNBLAÐIÐ MIÐVIKUDAGUR 2. SEPTEMBER 2020
Kristján H. Johannessen
khj@mbl.is
Grísk stjórnvöld ræða nú við
Frakka og aðrar þjóðir um hugs-
anleg vopnakaup samhliða vaxandi
spennu við Miðjarðarhaf. Eru
Grikkir meðal annars sagðir vilja
festa kaup á orrustuþotum, að sögn
Reuters.
„Við eigum nú í viðræðum við
Frakkland, og aðrar þjóðir, til að
auka varnargetu landsins,“ hefur
fréttaveitan eftir heimildarmanni
innan ríkisstjórnar Grikklands.
„Inni í þessari vinnu eru viðræður
sem fela í sér kaup á flugvélum.“
Sami heimildarmaður segir enga
niðurstöðu liggja fyrir, en grískir
fréttamiðlar fullyrða að þarlend
stjórnvöld hafi ákveðið að kaupa 18
franskar orrustuþotur af gerðinni
Dassault Rafale. „Það er ekkert
samkomulag í gildi, líkt og sumir
fjölmiðlar hafa haldið fram. Það er
þó verið að ræða nokkra hluti,“ seg-
ir sami heimildarmaður Reuters.
Rafale-orrustuþotur hafa mikið
flugþol, eru hannaðar með fjöl-
breytt verkefni í huga og þykja
henta vel til árása gegn loftförum,
skipum og skotmörkum á jörðu
niðri. Rafale-þotur eru til að mynda
notaðar hjá flug- og sjóher Frakka
og flugherjum Egyptalands og Kat-
ar.
Deila við Tyrki um auðlindir
Grikkir hafa af ýmsum ástæðum
átt í deilum við Tyrkland að und-
anförnu, meðal annars út af auðlind-
um sem finna má á svæðinu. Fram
til þessa hafa Frakkar og Þjóðverj-
ar reynt að stilla til friðar á milli
ríkjanna, en í síðustu viku ræddi
gríski forsætisráðherrann í tvígang
við forseta Bandaríkjanna, að því er
fram kemur í umfjöllun Reuters.
Vilja nú efla vopnabúr sitt
 Grískir miðlar segja þarlend stjórnvöld ákveðin í að kaupa orrustuþotur af
Frökkum  Heimildarmaður innan ríkisstjórnar segir það gert til að auka varnir
AFP
Herstyrkur Rafale-þota um borð í flugmóðurskipinu Charles de Gaulle.
Hátt í þrettán milljónir barna og
um 900 þúsund kennarar sneru í
gær aftur í skóla sína í Frakklandi.
Vegna heimsfaraldurs kórónuveiru
er nær öllum gert að bera andlits-
grímu meðan á skólastarfi stendur.
Einungis yngsti hópur nemenda er
undanskilinn grímuskyldunni.
„Ég treysti nú mjög á ykkur að
virða fjarlægðarmörk, bera grímur
og fylgja öllum öðrum reglum,“
sagði Emmanuel Macron, forseti
Frakklands, í ávarpi sem flutt var í
tilefni nýs skólaárs, en vonast er til
að hægt verði að halda öllum skól-
um opnum. Sýni einstaklingur sex
ára eða eldri þó einkenni kórónu-
veirusýkingar verður sá hinn sami
sendur í sýnatöku og heimasóttkví í
allt að 14 daga, að því er segir í
frönskum miðlum.
Heimsfaraldur kórónuveiru setur svip sinn á skólastarf í Frakklandi
AFP
Með veiru-
varnir í
skólanum
Ráðist var á
tölvukerfi
norska þingsins
og upplýsingum
stolið úr tölvu-
póstkerfi kjör-
inna fulltrúa og
starfsmanna
þingsins. Ekki er
vitað hverjir
stóðu að baki
árásinni og
stendur rannsókn lögreglu nú yfir.
„Þetta var umfangsmikil árás,“ hef-
ur Reuters eftir Marianne Andr-
eassen, skrifstofustjóra þingsins.
Í áhættugreiningu sem unnin var
fyrir norsk stjórnvöld í febrúar síð-
astliðnum er sérstaklega varað við
árásum á tölvukerfi hins opinbera
og slíkt sagt geta ógnað þjóðarör-
yggi Noregs.
NOREGUR
Ráðist á tölvukerfi
Stórþingsins
Þinghúsið Gögn-
um var stolið.
Rannsókn
vísindamanna á
hræjum ellefu
fíla sem nýverið
fundust dauðir í
Simbabve hefur
leitt í ljós að
bakteríusýking
varð dýrunum að
aldurtila. Ákveð-
ið var að senda
lífsýni úr dýr-
unum til rannsóknar eftir að í ljós
kom að um var að ræða unga kálfa.
Ekki hefur verið greint frá hvaða
bakteríusýking drap fílana, en tals-
maður þjóðgarða Simbabve segir
yngri dýr ekki geta náð sér í fæðu í
háum trjákrónum og leita þau því
gjarnan í lággróður. „Þessir yngri
geta ekki náð upp í hæstu toppa og
snúa sér því gjarnan að því að éta
nær hvað sem er, sem í sumum til-
fellum getur verið lífshættulegt.“
Fyrr á þessu ári fundust hræ 154
fíla í Botsvana og hratt það af stað
umfangsmikilli rannsókn dýra-
verndunarsinna þar í landi. Ekkert
bendir til aðkomu veiðiþjófa og
voru lífsýni því send til rannsóknar.
Enn er beðið eftir niðurstöðu.
ZIMBABWE
Fílar drápust vegna
bakteríusýkingar
Afríka Fíladauði
vakti athygli.
Álfheimum 74, 104 Rvk,
sími 568 5170
Verið velkomin
HAUSTVÖRUR
Glæsilegar
komnar
Túnikur • Bolir • Peysur
Nokkur spenna ríkti í gær þegar
íbúar Massachusetts-ríkis kusu í
forkosningum Demókrataflokksins
um væntanlega frambjóðendur
flokksins til bæði öldungadeildar og
fulltrúadeildar Bandaríkjaþings.
Mesti áhuginn var á prófkjöri
flokksins um öldungadeildarþing-
sætið, en þar hafði Joe Kennedy
III., barnabarn Roberts F. Ken-
nedy, fyrrverandi dómsmálaráð-
herra Bandaríkjanna, boðið sig
fram gegn Edward Markey, sitj-
andi öldungadeildarþingmanni rík-
isins.
Markey, sem er 74 ára, tók við
öldungadeildarþingsætinu árið 2013
þegar John Kerry tók við embætti
utanríkisráðherra í ríkisstjórn Bar-
acks Obama og hafði áður setið í
fulltrúadeildinni frá árinu 1976.
Kjörstöðum hafði enn ekki verið
lokað þegar Morgunblaðið fór í
prentun, en flestallar kannanir
undanfarna daga hafa sýnt Markey
með nokkuð forskot á Kennedy,
eða á bilinu 7-12 prósentustig.
Verði það niðurstaðan er það í
fyrsta sinn sem fulltrúi hinnar
fornfrægu Kennedy-ættar tapar
kosningum til embættis á landsvísu
í Massachusetts-ríki, heimavígi
ættarinnar.
Ekki þykir mikill munur á mál-
efnum frambjóðendanna tveggja,
og reyndi Kennedy, sem nú situr í
fulltrúadeildinni fyrir hönd demó-
krata, að benda á ýmis atriði af 44
ára ferli Markeys á þingi sem
sönnun þess að yngra blóðs væri
þörf.
Markey svaraði því hins vegar
með því að leita út á vinstri væng
Demókrataflokksins, og fékk hann
meðal annars þingkonuna Alexand-
ríu Ocasio-Cortez til að veita sér
meðmæli, sem öflugan fulltrúa fyr-
ir unga róttæklinga. Hinn 39 ára
gamli Kennedy var engu að síður
bjartsýnn á að sér tækist að snúa
taflinu sér í hag. sgs@mbl.is
Stefndi í sögulegan
ósigur Kennedy
 Markey með forystu í könnunum
AFP
Ættarsvipur Kennedy þykir svipa
mjög til hinnar frægu ættar sinnar.