Morgunblaðið - 02.09.2020, Blaðsíða 23

Eitt
ogannað
 Danska knattspyrnuliðið Esbjerg
fór vel af stað undir stjórn Ólafs Krist-
jánssonar er það vann 8:0-sigur á
Glamsberg í fyrstu umferð danska bik-
arsins í gær. Andri Rúnar Bjarnason,
sem er nýgenginn til liðs við Esbjerg,
skoraði þrennu í leiknum.
Esbjerg er nýfallið í B-deildina en Ólaf-
ur tók við þjálfun liðsins í sumar en
áður stýrði hann liði FH hér heima.
Andri Rúnar er sömuleiðis nýkominn,
frá Kaiserslautern í Þýskalandi.
Glamsberg spilar í fjórðu deildinni í
Danmörku.
 Bandaríska knattspyrnufélagið DC
United hefur áhuga á að kaupa ís-
lenska landsliðsmanninn Gylfa Þór
Sigurðsson en það er The Athletic
sem segir frá þessu.
Samkvæmt frétt á miðlinum hafa
forráðamenn bandaríska félagsins
sett sig í samband við umboðsmann
Gylfa en mikið hefur verið rætt og rit-
að um framtíð miðjumannsins í sumar.
Hann þótti ekki standa undir vænt-
ingum hjá Everton í ensku úrvalsdeild-
inni á síðustu leiktíð og þá hafa enskir
fjölmiðlar sagt liðið nálægt því að
ganga frá kaupum á miðjumanninum
James Rodríguez frá Real Madríd. Fari
þau skipti í gegn gæti tækifærum
Gylfa í liði Everton farið fækkandi.
 Ivan Rakitic er aftur genginn til liðs
við knattspyrnulið Sevilla á Spáni.
Rakitic hefur leikið með Barcelona frá
árinu 2014 en kom til Barcelona frá
Sevilla. Króatíski landsliðsmaðurinn er
32 ára gamall og Sevilla borgar 1,5
milljónir fyrir hann en 9 milljónir evra
gætu bæst við kaupverðið.
 Miami Heat er 1:0 yfir í einvígi sínu
gegn Milwaukee Buck í 2. umferð
Austurdeildarinnar í NBA-körfubolt-
anum eftir 115:104-sigur. Jimmy But-
ler fór á kostum og skoraði 40 stig
fyrir Miami. Giannis Antetokounmpo
hafði hægt um sig í stigaskori og skor-
aði einungis 18 stig en hann var engu
að síður nálægt þrefaldri tvennu, tók
tíu fráköst og gaf níu stoðsendingar.
Staðan í rimmu Oklahoma City Thun-
der og Houston Rock-
ets í 1. umferð Vestur-
deildar er nú 3:3 eftir
sigur Oklahoma,
104:100. Chris
Paul skoraði
28 stig fyrir
Oklahoma
en James
Harden,
fyrrverandi
leikmaður Okla-
homa, var með 32
stig fyrir Houston.
ÍÞRÓTTIR 23
MORGUNBLAÐIÐ MIÐVIKUDAGUR 2. SEPTEMBER 2020
GOLF
Kristófer Kristjánsson
kristoferk@mbl.is
Atvinnukylfingurinn Valdís Þóra
Jónsdóttir keppir ekkert meira á
þessu ári á meðan hún jafnar sig
af álagsmeiðslum sem hún varð
fyrir í sumar. Valdís, 30 ára, er
einn fremsti kylfingur meðal
kvenna á Íslandi og hefur orðið Ís-
landsmeistari í þrígang, 2009 í
Grafarholti, 2012 á Hellu og 2017 á
Hvaleyri. Undanfarin ár hefur hún
einnig keppt á Evrópumótaröð
kvenna, þeirri sterkustu í álfunni.
Valdís hefur ekki keppt síðan í
júní og gat m.a. ekki tekið þátt á
Íslandsmótinu í ár, sem fór fram í
Mosfellsbæ í síðasta mánuði.
Morgunblaðið sló á þráðinn til Val-
dísar og tók stöðuna á afrekskylf-
ingnum. „Læknirinn vill meina að
þetta séu miklar krónískar bólgur
og festa í liðum, fyrir neðan neðsta
rifbeinið, vinstra megin í hryggn-
um. Þetta veldur því að það er
ótrúlega sárt að slá boltann,“ sagði
Valdís Þóra og bætir við að hún
hafi verið að spila golf meidd í
nokkur ár, hins vegar hafi hún í
sumar komist yfir þolmörkin.
Vil geta gengið upprétt síðar
„Ég er þegar með þrjár hrygg-
skekkjur og eydda smáliði á milli
herðablaðanna hægra megin sem
hafa verið að angra mig. Ég fann
út úr því hvernig ég gæti lifað með
því og spilað þannig að sá sársauki
væri viðráðanlegur. En svo kemur
þetta þar að auki í lok apríl. Þetta
hefur undið upp á sig og ég spilaði
mjög verkjuð í sumar, var að
vakna á næturnar vegna sársauka
og var bara komin yfir þolmörk.
Ég var byrjuð að gretta mig í
hverri sveiflu af sársauka og mað-
ur verður líka að hugsa um næstu
ár. Ég vil geta gengið upprétt þeg-
ar ég er 35 ára og þess vegna tók-
um við þessa ákvörðun. Ég vil
komast í gott stand áður en álagið
byrjar aftur. Ef ég ætla að komast
inn á Ólympíuleikana þarf ég að
vera 100%.“
Valdís keppir því ekkert fyrr en
í fyrsta lagi í janúar á næsta ári en
það kemur sér að ýmsu leyti vel
fyrir hana að taka sér hlé núna.
Heimsfaraldurinn sem herjað hef-
ur á heimsbyggðina hefur auðvitað
riðlað keppnishaldi í golfi eins og
öðrum íþróttum, eitthvað sem
kemur þjáðum kylfing, sem þarf á
hvíld að halda, vel.
Faraldurinn lán í óláni
„Ég fer ekkert meira út á þessu
ári að keppa. Ég sá ekki fram á að
geta verið komin í stand til að taka
þátt á mótinu sem var í Tékklandi
núna á dögunum og því sem verð-
ur í Sviss í næstu viku. Ég hefði
þurft að spila mjög vel á þessum
mótum til að komast inn á þau
næstu, eitthvað sem hefði aldrei
gerst miðað við ástandið á mér síð-
ustu vikur.
Það er kannski lán í óláni, þetta
kórónuveiruástand. Það halda allir
sömu stöðu í Evrópumótaröðinni,
enginn missir keppnisrétt og það
verða engin úrtökumót. Það halda
allir keppnisréttinum og ég verð í
sömu stöðu í byrjun næsta árs eins
og ég er í núna á mótaröðinni.“
Hún ætlar að nýta næstu mán-
uði vel, styrkja sig og ná fullri
heilsu áður en hún byrjar að keppa
á fullu að ný. „Ég hef aldrei fengið
svona tíma til að styrkja líkamann.
Þótt maður hafi verið í ræktinni og
í styrktaræfingum hef ég aldrei
fengið svona tíma og ég ætla nýta
hann. Ég verð á Íslandi fram í jan-
úar eins og staðan er í dag,“ sagði
Valdís Þóra Jónsdóttir við
Morgunblaðið.
Komin að þolmörkum
Morgunblaðið/Kristinn Magnússon
Hvíld Valdís Þóra Jónsdóttir er komin í hvíld frá keppni í golfi til áramóta á
meðan hún jafnar sig af meiðslum sem komu upp í byrjun sumars.
 Valdís ætlar að hvíla sig til áramóta
 Var byrjuð að gretta sig af sársauka
Evrópumeistarinn í knattspyrnu, Sara
Björk Gunnarsdóttir, sendi löndum sín-
um kveðju ef svo má segja á samfélags-
miðlum þar sem hún þakkar fyrir hlýjar
kveðjur sem henni hafa borist héðan af
ævintýraeyjunni.
„Vá takk fyrir allar fallegu kveðjunar!
Litla Ísland segja þeir,“ skrifaði Sara
meðal annars og segir titilinn (sigur í
Meistaradeild Evrópu) vera tileinkaðan
fótboltastelpum og fótboltastrákum sem
eigi sér þann draum að komast langt í
íþróttinni.
„Það eru engin takmörk! Stolt að vera Íslendingur,“
skrifaði Sara ennfremur og vafalítið hitta þessi orð hennar í
mark hér heima. kris@mbl.is
Sara þakkar fyrir sig
Sara Björk
Gunnarsdóttir
Danski handboltinn er kominn af stað en í
gær fór fram leikurinn um Meistarabikarinn
og opnunarleikur efstu deildarinnar.
Aalborg, þar sem Arnór Atlason er aðstoð-
arþjálfari, er meistari meistaranna eftir
37:31-sigur á GOG þar sem landsliðs-
markvöðurinn Viktor Gísli Hallgrímsson
stendur á milli stanganna.
Þá fóru Óðinn Þór Ríkharðsson og félagar
í Holstebro vel af stað, unnu 37:32-útisigur
gegn Íslendingaliði Ribe-Esbjerg í fyrstu um-
ferð deildarinnar. Óðinn skoraði fjögur mörk
fyrir gestina en Rúnar Kárason hið sama fyrir heimamenn.
Gunnar Steinn Jónsson skoraði þrjú fyrir Ribe-Esbjerg og Daní-
el Ingason spilaði einnig fyrir liðið. Thea Imani Sturludóttir og
stöllur í Aarhus töpuðu 30:18-gegn Herning-Ikast.
Byrjað í Danmörku
Óðinn Þór
Ríkharðsson.
Þrír leikmenn úr efstu deild karla og tveir úr
efstu deild kvenna voru úrskurðaðir í leikbann
þegar aganefnd KSÍ kom saman í gær.
Ragnar Bragi Sveinsson úr Fylki fékk
brottvísun gegn Gróttu og fékk eins leiks
bann. Halldór Orri Björnsson úr Stjörnunni
fékk brottvísun gegn KA og fékk eins leiks
bann en tók það út í síðasta leik. Þeir Arnþór
Ari Atlason úr HK og Birkir Heimisson úr Val
eru komnir í leikbann vegna fjögurra áminn-
inga.
Við þetta má bæta að Brynjar Björn Gunn-
arsson, þjálfari HK, fær eins leiks bann fyrir brottvísun gegn Val.
Álfhildur Rósa Kjartansdóttir úr Þrótti og Eva Núra Abra-
hamsdóttir úr FH fá eins leiks bann af sömu ástæðu, hefur þeim
fjórum sinnum verið sýnt gula spjaldið.
Tveir úr HK í banni
Brynjar Björn
Gunnarsson
Enska knattspyrnufélagið Chelsea
nældi í gær í danska landsliðsfyr-
irliðann Pernille Harder. Með
Chelsea leikur María Þórisdóttir
sem er í norska landsliðinu en er
ættuð frá Selfossi.
Pernille Harder kemur frá þýska
stórliðinu Wolfsburg og lék þar með
Söru Björk Gunnarsdóttur um tíma.
BBC telur að Chelsea greiði um
250 þúsund pund fyrir krafta Har-
der sem gerir þriggja ára samning
við enska félagið. Eru þetta ein
stærstu kaup á knattspyrnukonu frá
upphafi en BBC bendir á að árið
2019 hafi verið greidd 500 þúsund
pund í heildina fyrir knattspyrnu-
konur sem fóru á milli liða.
Harder er 27 ára gömul og hefur
skorað 61 mark í 118 landsleikjum
fyrir Dani. Hún er almennt talin
vera ein sú besta í heimi. kris@mbl.is
Ein sú besta mun leika
með Maríu hjá Chelsea
AFP
England Pernille Harder í úrslita-
leik Meistaradeildarinnar.
Haukur Óskarsson, fyrirliði úrvals-
deildarliðs Hauka, hefur ákveðið að
taka sér ótímabundið frí frá körfu-
bolta en þetta kemur fram á sam-
félagsmiðlum félagsins.
„Mér gafst tækifæri til að stækka
rekstur fjölskyldufyrirtækis sem ég
hef tekið þátt í síðustu fjögur árin og
sá pakki er stærri og tímafrekari en
mig grunaði. Ég tók því þá erfiðu
ákvörðun í sameiningu við Hauka að
vera á hliðarlínunni þar til rekst-
urinn er kominn betur af stað. Ég
stefni á að byrja aftur þegar ég get
gefið mig 100% í boltann,“ er meðal
annars haft eftir Hauki.
Haukur er öflug þriggja stiga
skytta og var í liði Hauka sem komst
í úrslit Íslandsmótsins árið 2018.
Haukar hafa þegar fengið Austin
Magnús Bracey frá Val sem ætti að
geta leyst stöðu Hauks.
Haukur tekur sér frí frá
körfunni á Ásvöllum
Morgunblaðið/Eggert
Annir Haukur ætlar að nýta tímann
í annað en íþróttina á næstunni.