Morgunblaðið - 14.09.2020, Blaðsíða 10

10 FRÉTTIRInnlent
MORGUNBLAÐIÐ MÁNUDAGUR 14. SEPTEMBER 2020
Sigurður Bogi Sævarsson
sbs@mbl.is
„Þórsmörk er paradís,“ segir Sig-
rún Ingunn Pálsdóttir, skálavörð-
ur Ferðafélags Íslands í Langadal
í Þórsmörk. „Í sumar voru Íslend-
ingar í meirihluta þess fólks sem
hingað lagði leið sína. Margt af
því hafði á orði að hingað hefðu
þeir ekki komið í áratugi. Þó fór
ekki milli mála að fólkið átti yf-
irleitt góðar minningar úr Þórs-
mörk, margir höfðu verið hér í
útilegum með söng og gleði eða
höfðu upplifað hér eitthvað eft-
irminnilegt. Hér er náttúran líka
stórbrotin; skógurinn, fjöllin og
Eyjafjallajökull sem blasir við.
Fólk virðist sækjast í að koma
hingað aftur.“
Líðandi sumar er hið tíunda
með hléum sem Sigrún sinnir
skálavörslu fyrir Ferðafélag Ís-
lands. Þar af er þetta fjórða sum-
ar Sigrúnar í Langadal í Mörk-
inni, en hún hefur einnig verið á
vaktinni í Hvanngili og í Botnum
á Emstrum.
Endurbætur og orkuskipti
„Ég byrjaði ung að fara með
foreldrum mínum í leiðangra upp
um fjöll og firnindi. Fannst slíkt
kannski ekkert æðislegt sem
krakki, en ég lærði að meta landið
okkar og vil helst hvergi ann-
arsstaðar vera en á fjöllum. Ég
var frekar ung þegar ég byrjaði
að vinna fyrir FÍ, en starf skála-
varða er fjölbreytt og lifandi. Það
er alltaf eitthvað sem togar í mig
að koma aftur. Maður býr í raun í
vinnunni. Því er viðveran mikil og
sinna þarf hinum ýmsu málum
sem til okkar koma. Nú er rúm
vika liðin af september og fólki
sem kemur hingað farið að
fækka, en alltaf er nóg af öðrum
verkefnum sem þarf að sinna,“
segir Sigrún Ingunn þegar Morg-
unblaðið hitti hana í Þórsmörk í
sl. viku.
Fyrir nokkru var jarð-
strengur fyrir rafmagn og ljós-
leiðara lagður í Langadal á Þórs-
mörk, en áður var slíkt samband
komið í Húsadal með tengingu úr
Fljótshlíð. Þessi orkuskipti og
betra fjarskiptasamband segir
Sigrún munu tvímælalaust breyta
miklu fyrir starfsemi FÍ á staðn-
um. Raunar eru uppi nú marg-
víslegar hugmyndir um fjölgun
gistirýma í dalnum og miklar end-
urbætur á hinum svipsterka og
reisulega Skagfjörðsskála. Sú
bygging er frá árinu 1954 og hef-
ur allt frá fyrstu tíð verið meðal
helstu kennimarka FÍ.
Stundum hefur verið brydd-
að upp á þeirri hugmynd að bæta
samgöngur við Þórsmörk með ak-
brúm yfir árnar á leiðinni, það er
yfir Jökulkvísl, Steinholtsá,
Hvanná og Krossá, sem er beint
andpænis skálanum í Langadal.
Hugmyndir þessar hafa þó aldrei
náð neinu flugi né verið ræddar í
alvöru, enda er margra viðhorf að
slark yfir árnar sé einmitt nokkuð
sem gefi ferðunum gildi.
„Vissulega hafa orðið hræði-
leg slys á þessari leið og best að
hafa einhverja þekkingu á
straumvötnum og jökulám þegar
keyra á inneftir og að vera á vel
búnum bílum er mikilvægt. Alltaf
er ákveðin áskorun í því að aka
yfir árnar, og ávallt verður að
bera virðingu fyrir þeim. Það er
aldrei of varlega farið, sama
hversu oft ekið er yfir árnar. Hér
í Langadal er traktor sem við not-
um þegar fólk þarf á aðstoð að
halda í ánum sem gerist stundum,
en yfirleitt komast ökumenn þetta
alveg klakklaust.“
Hausttöfrarnir engu líkir
Opið verður hjá Ferðafélagi
Íslands í Langadal fram til 5.
október. Fram undan er góður
tími í Þórsmörk og tilvalið að
legga upp í leiðangur þangað nú,
enda eru jökulárnar gjarnan
vatnslitlar þegar sólin er skemur
á lofti. Óvíða eru hausttöfrarnir
líka meiri en í Þórsmörk – þegar
gróður skiptir litum svo engu lagi
er líkt.
„Já, ég hef farið víða um í
Þórsmörk og hér er endalaust af
áhugaverðum og fallegum stöð-
um. Tindafjöllin sem eru hér
skammt frá Langadalnum eru
virkilega fallegt svæði og það er
eiginlega sama hvert farið er, allt
er heillandi á sinn hátt og ómögu-
legt að verða leiður á þessu fal-
lega landslagi.“
Mörkin er mögnuð og endurbygging á Skagfjörðsskála stendur fyrir dyrum
Morgunblaðið/Sigurður Bogi
Skálavörður Fór ekki á milli mála að fólk átti góðar minningar úr Þórsmörk, segir Sigrún Ingunn Pálsdóttir.
Ég verð aldrei leið á
landslagi í Þórsmörk
 Sigrún Ingunn Pálsdóttir er
fædd árið 1994, er uppalin á
Hvolsvelli og á stóran ættboga
í Rangárþingi eystra. Stúdent
frá Fjölbrautaskóla Suður-
lands, sjúkraliði að mennt og
hefur starfað sem slík á Land-
spítalanum og fleiri heilbrigð-
isstofnunum.
Hver er hún?
Jeppaferð Keyrt yfir Krossána.
Morgunblaðið/Sigurður Bogi
Flugsýn Litið yfir Langadalinn. Birkið er áberandi í Þórsmörk en rétt
öld er nú liðin síðan Skógræktin tók svæðið yfir og friðaði.
„Við höfum í gegnum þetta ferli lýst
yfir áhyggjum okkar af minni sveigj-
anleika með hve lengi leikskólarnir
eru opnir. Einnig höfum við gagn-
rýnt skort á samráði við foreldra,“
segir Hrefna Sigurjónsdóttir, fram-
kvæmdastjóri hjá foreldrasamtök-
unum Heimili og skóli.
Eins og fram hefur komið í Morg-
unblaðinu ákvað Reykjavíkurborg
að framlengja þann tíma sem leik-
skólar borgarinnar eru starfandi
hálftíma skemur á daginn. Til loka
október verða þeir opnir til kl. 16.30
á virku dögunum í stað 17 áður.
Verður þá tekin ákvörðun hvort
haldið verði áfram með styttri
starfstíma leikskólanna.
Hrefna bendir einnig á að jafn-
réttismat hafi nú sýnt fram á að
þessi ráðstöfun hafi ekki góð áhrif á
jafnrétti og stöðu foreldra af erlend-
um uppruna.
„Einnig getur það reynst erfitt
fyrir foreldra með lítið bakland, eins
og einstæða foreldra sem hafa minna
svigrúm. Mikilvægt er að taka þau
gögn til greina og að svona breyting
sé þá byggð á góðum gögnum. Einn-
ig hefði mátt skoða að framkvæma
þetta í skrefum,“ segir Hrefna og
telur að það hefði verið æskilegt að
prófa styttri starfstíma með til-
raunaskóla til að byrja með. Og meta
þá kostina og gallana í framhaldinu.
„Leikskólar í Reykjavíkurborg
hafa líka þá sérstöðu að foreldrar
sem nýta þeirra þjónustu starfa víðs
vegar um höfuðborgarsvæðið og það
getur tekið talsverðan tíma að kom-
ast á milli staða,“ segir Hrefna.
Snertir 400 fjölskyldur
Í umsögn sem Heimili og skóli
sendu Reykjavíkurborg sl. vor, um-
beðin, um styttri starfstíma leikskól-
anna segir m.a. að ákvörðun borg-
arinnar hafi verið tekin án samráðs
við foreldra barna á leikskólum og
komið mörgum í opna skjöldu. Vitn-
að er til skýrslu stýrihóps um um-
bætur og skipulag leikskólastarfs í
Reykjavík. Þar komi fram að stytt-
ingin muni snerta um 400 fjöl-
skyldur, sem þurfi þá að finna aðrar
leiðir til að leysa málin vegna vinnu.
Gagnrýna skort
á samráði
 Heimili og skóli hafa áhyggjur af
styttri starfstíma leikskóla í borginni
Morgunblaðið/Eggert
Leikskólar Verða áfram opnir hálf-
tíma skemur á daginn en áður.
Dalvegi 10-14, 201 Kópavogi - Sími: 555-1212 - handverkshusid.is
Opið frá kl. 8 - 18 virka daga og 12 - 16 laugardaga
VILTU LÆRA SILFURSMÍÐI,
TÁLGUN EÐA TRÉRENNSLI?
Fjölmör
stuttnáms
í handve
g
keið
rki.
Skráning og upplýsingar á
www.handverkshusid.is
Garðatorg 6 | s. 551 5021 | www.aprilskor.is
Ten Points Alice
28.990 kr.