Morgunblaðið - 19.09.2020, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 19. SEPTEMBER 2020
Tjarnargata 4, 3. hæð | Sími 546 1100 | investis@investis.is | www.investis.is
Fyrirtæki til sölu
Glæsileg ísbúð og skyndibitastaður í hjarta Keflavíkur.
Rekið í eigin húsnæði og er með alhliða veitingasölu.
Staðurinn hefur skilað góðum hagnaði ár eftir ár.
Mjög gott tækifæri í atvinnurekstri.
Sighvatur Bjarnason
Þorsteinn Ásgrímsson
Oddur Þórðarson
„Þetta er mjög gleðilegt og jákvætt“
sagði Bogi Nils Bogason, forstjóri Ice-
landair, í samtali við mbl.is eftir að
ljóst var að hlutafjárútboð félagsins
hefði tekist með miklum ágætum.
Þegar útboðinu lauk á fimmudaginn
kom í ljós að 85% umframeftirspurn
var eftir hlutum í félaginu, en samtals
bárust yfir níu þúsund áskriftir að
fjárhæð 37,3 milljarðar króna. Stjórn
félagsins hefur samþykkt að nýta
heimildir til stækkunar útboðsins að
30,3 milljörðum. Vegna umfram-
eftirspurnar verður hlutfallsleg skerð-
ing áskrifta sem nemur 37%, en
áskriftir undir 1 milljón króna haldast
óskertar.
Bogi sagði þetta mikilvæg og sögu-
leg tímamót sem gæfu félaginu
„sveigjanleika til að takast á við þær
aðstæður sem við búum við núna“ og
bætti við að félagið yrði tilbúið að fara
af stað þegar ferðavilji og eftirspurn
„tekur kipp“.
Tilboð úr óvæntri átt
Mikla athygli vakti þegar út spurð-
ist að athafnakonan Michelle Roose-
velt Edwards hefði á fimmtudaginn
skráð sig fyrir sjö milljörðum í útboð-
inu. Í gær kom svo í ljós að Icelandair
hafnaði tilboði sem nam sömu upphæð
og því sterkar vísbendingar um þar
væri að ræða áskrift Edwards. Að-
spurður sagðist Bogi „ekki geta tjáð
sig um einstaka áskriftir“, en vísar til
þess að stjórn Icelandair hefur heimild
til að kanna fjármögnun hluta í útboð-
inu og það hafi verið gert í „nokkrum
tilvikum“ og ástæða fundist til að
hafna einni áskrift. Í samtali við Morg-
unblaðið sagðist Páll Ágúst Ólafsson,
lögmaður Edwards, ekki hafa fengið
staðfestingu á því að tilboði hennar
hefði verið hafnað og vildi því ekki tjá
sig um málið að svo stöddu.
Gildi og LIVE ekki með
Öll spjót höfðu staðið að lífeyris-
sjóðum landsins og margar vangavelt-
ur átt sér stað um sjálfstæði stjórna
þeirra gegn ákafri andstöðu innan
verkalýðshreyfingarinnar vegna
þeirra sárinda sem urðu vegna upp-
sagna Icelandair á flugfreyjum í sum-
ar. Fyrir útboðið voru fjórir íslenskir
lífeyrissjóðir meðal fimm stærstu hlut-
hafa. Heimildir blaðsins herma að
Gildi lífeyrissjóður hafi tekið þátt í út-
boðinu en ekki fékkst staðfest að hve
miklu leyti. Um síðustu helgi rituðu
Sólveig Anna Jónsdóttir, formaður
Eflingar, og Jóna Sveinsdóttir grein í
Morgunblaðið þar sem þær lögðust
gegn þátttöku Gildis í útboðinu, en
þær eru aðal- og varamenn í full-
trúaráði sjóðsins.
Staðfest er að Lífeyrissjóður starfs-
manna ríkisins hafi skráð sig fyrir
tveimur milljörðum í útboðinu, en
bæði Birta og Lífeyrissjóður versl-
unarmanna (LIVE) hafa tilkynnt á
heimasíðum sínum að sjóðirnir hafi
ekki tekið þátt.
Um 1.000 starfsmenn keyptu
Æðstu stjórnendur Icelandair tóku
þátt í útboði félagsins og skráðu sig
fyrir samtals 94 milljónum króna. Þar
af keypti Bogi fyrir 17,5 milljónir og
sjö aðrir í framkvæmdastjórn fyrir
58,5 milljónir. Þrír stjórnarmenn tóku
einnig þátt fyrir samtals 18 milljónir.
Eitt þúsund almennir starfsmenn fé-
lagsins gripu einnig tækifærið til fjár-
festingar.
Eftirlaunasjóður Félags íslenskra
atvinnuflugmanna skráði sig fyrir
283,5 milljónum en ekkert hefur
spurst um önnur stéttarfélög flug-
fólks.
Nýr og breiður eigendahópur
Nýr hluthafalisti fæst ekki uppgef-
inn að svo stöddu, en heimildarmenn
blaðsins telja líklegt að í ljós muni
koma mjög breiður eigendahópur úr
ólíkum áttum. Flestir eru á því máli að
útboðið hafi verið mjög vel heppnað og
ljúka lofsorði á framgöngu stjórnar fé-
lagsins og forstjóra þess. Mikill varn-
arsigur hafi unnist en framundan sé
erfið barátta í miklu óvissuástandi.
Slegist um hlutabréf Icelandair
 Mikil umframeftirspurn í vel heppnuðu hlutafjárútboði  Sjö milljarða áskrift hafnað af stjórn
félagsins Tveir af fimm stærstu hluthöfum auka við sig Forstjórinn fagnar áfangasigri
Morgunblaðið/Arnþór Birkisson
Forstjóri Líklegt er að brúnin á Boga Nils Bogasyni lyftist eftir vel heppnað hlutafjárútboð félagsins í liðinni viku.
Góð þátttaka
» Hlutafjárútboð Icelandair
stóð yfir á miðvikudag og
fimmtudag. Alls var boðið út
hlutafé fyrir 20 milljarða.
» Alls bárust áskriftir upp á
37,3 milljarða króna frá yfir
9.000 aðilum.
» Stjórn Icelandair samþykkti
áskriftir upp á samtals 30,3
milljarða en hafnaði einni að
upphæð 7 milljarðar.
» Útboðsgengið var 1 króna á
hlut auk þess sem 25%
áskriftarréttindi fylgja á næstu
þremur árum.
„Ég trúi því að það hafi verið þáttur í því að framkvæma
vel heppnað útboð,“ segir Bjarni Benediktsson fjár-
málaráðherra, spurður um áhrif ríkisábyrgðar á hluta-
fjárútboð Icelandair. Með því hafi mátt kynna fjár-
festum að ríkisábyrgð væri trygging ef illa færi í
útboðinu. Bjarni segir að niðurstaða útboðsins dragi úr
líkum þess að Icelandair þurfi að sækja í lánalínur eða
sölutryggingar ríkisbankanna tveggja: Lands- og Ís-
landsbanka.
Að öðru leyti segir Bjarni að vel hafi tekist til og telur
það jákvætt að umframeftirspurn hafi orðið til þess að félaginu gefist nú
tækifæri til að taka til sín aukið hlutafé.
Ríkisábyrgð mikilvægur þáttur
FJÁRMÁLARÁÐHERRA ÁNÆGÐUR MEÐ ÁRANGUR ÚTBOÐSINS
Bjarni Benediktsson
Helgi Bjarnason
helgi@mbl.is
„Við finnum fyrir miklum áhuga á að
fjárfesta í blágræna hagkerfinu og
teljum tímann vera réttan til að
styrkja félagið enn frekar fyrir þau
verkefni sem standa fyrir dyrum,“
segir Kjartan Ólafsson, formaður
stjórnar fiskeldisfyrirtækisins Arn-
arlax á Vestfjörðum. Félagið undir-
býr skráningu á Merkur-markaðinn
í kauphöllinni í Osló sem og útboð á
nýju hlutafé. Hlutabréf fyrirtækisins
hækkuðu um 9,5% í gær, eftir til-
kynninguna og var verðið komið í
115 norskar krónur á hlut.
Arnarlax var fyrir tæpu ári skráð
á NOTC-lista kauphallarinnar í Osló
fyrir minni fyrirtæki. Kjartan segir
að það hafi reynst félaginu og hlut-
höfum þess vel. Merkur-markaður-
inn geri meiri kröfur til félagsins um
upplýsingagjöf og veiti fjárfestum
betri umgjörð. Hlutabréf sem þar
eru skráð höfði til breiðari hóps fag-
fjárfesta. Stærri og þróaðri fjárfest-
ar líti meira til þess markaðar, ekki
síst í vaxtarfyrirtækjum í blágræna
hagkerfinu. Að sögn Kjartans verð-
ur hugað að því á næsta ári að skrá
hlutabréfin á aðallista kauphallar-
innar.
Fyrirtækið hefur samið við DNB,
stærsta fjármálafyrirtæki Noregs,
um undirbúning skráningarinnar og
útboðs sem fram fer samhliða. Enn
sem komið er hefur ekki verið upp-
lýst um fjárhæð útboðsins eða verð á
hvern hlut. Norska fiskeldisfyrir-
tækið SalMar sem á tæplega 60%
hlutafjár í Arnarlaxi hefur lýst því
yfir að það muni halda sínum hlut,
eða eiga áfram að minnsta kosti 50%
hlutafjár. Kjartan segir mikilvægt
að SalMar styðji félagið áfram.
Skráningu og útgáfu nýrra hluta á að
ljúka fyrir áramót.
Áframhaldandi uppbygging
Aukið hlutafé verður notað til að
byggja áfram upp seiðaframleiðslu
fyrirtækisins og sjókvíaeldi. Fyrir-
tækið hefur sótt um heimildir til
frekari framleiðslu. Það hefur heim-
ildir til liðlega 25 þúsund tonna fram-
leiðslu og sótt um 14.500 tonn til við-
bótar. Áætlað er að framleiða 12
þúsund tonn af laxi í ár, 14 þúsund
tonn á næsta ári og stefnt að 30 þús-
und tonna framleiðslu árið 2024.
„Fiskeldið er í uppbyggingu. Við
teljum rétt að nýta þann mikla áhuga
sem er á fjárfestingu í fyrirtækinu til
að treysta grundvöll þess og styrkja
efnahaginn,“ segir Kjartan og lætur
þess getið að innlendir fjárfestar hafi
sýnt áhuga á að fjárfesta í Arnarlaxi.
Arnarlax undirbýr
útboð á nýju hlutafé
 Íslenskir fjárfestar eru sagðir sýna félaginu áhuga
Morgunblaðið/Helgi Bjarnason
Bíldudalur Unnið við slátrun og
pökkun á laxi í sláturhúsi Arnarlax.