Morgunblaðið - 28.09.2020, Blaðsíða 32

Steinþór Guðbjartsson
steinthor@mbl.is
Rekstur veitingastaða og ræðis-
mannsstaða í Prag í Tékklandi kem-
ur eflaust upp í huga margra þegar
Þóri Gunnarsson ber á góma, en
maðurinn er ekki síður kunnur fyrir
mikla bíladellu. „Núna ek ég um á
tveggja ára Skoda-sportjeppa og fer
svo í sunnudagabíltúra á gömlum
Skoda-blæjubíl,“ segir hann.
Þegar Þórir var sjö ára ákvað
hann að verða kokkur þegar hann
yrði stór. „Pabbi var vélamaður á
Vatnajökli og þegar ég kom eitt sinn
um borð og sá Einar Friðfinnsson
kokk leika listir sínar við elda-
mennskuna gat ég ekki annað en
hrifist af tilburðum hans og ákvað að
verða eins.“
Hann byrjaði að læra á Matstofu
Austurbæjar á Laugavegi 1962, fór
þaðan á Hótel Loftleiðir, þegar veit-
ingarekstur hófst þar, hélt svo til
Bandaríkjanna og vann við iðnina
vestra 1967 til 1971. Þá tók við sjálf-
stæður veitingastaðarekstur í
Reykjavík og minnist hann sérstak-
lega hamborgarastaðarins Vinnie’s,
sem var í anda amerísku staðanna
Wimpy og Wendy’s.
Bílar frá barnsaldri
Þrátt fyrir að hafa haslað sér völl í
veitingageiranum hafa bílar verið
ofarlega í huga hans frá barnsaldri.
„Frá því ég var strákur hef ég alltaf
haft áhuga á bílum og eftir að ég tók
bílpróf leið ekki á löngu þar til ég
keypti fyrsta bílinn í Sölunefnd
varnarliðseigna, Ford ’56, tvennra
dyra sportbíl,“ rifjar hann upp. „Ég
keypti nokkra slíka bíla og lét gera
þá upp.“
Amerískir bílar áttu hug hans all-
an og eftir að Þórir fékk græna kort-
ið og flutti til Bandaríkjanna keypti
hann nýjan Ford í fyrsta sinn.
„Fyrsti bíllinn sem ég flutti heim var
AMC Gremlin,“ rifjar hann upp.
Tenging við fótboltann varð til
þess að Þórir fór sem fararstjóri
með meistaraflokki Víkings til Belg-
íu og þá opnuðust augu hans fyrir
því sem Evrópa hefur upp á að
bjóða. Hann flutti til Prag 1990, opn-
aði þar veitingastað, keypti sér
bandarískan GMC Sierra, síðan
Benz og loks Skoda. „Eftir að ég
fékk fyrstu Oktavíuna með nýja lag-
inu varð ekki aftur snúið og ég hef
lengstum verið á Skoda síðan, 12 til
15 bílum.“ Aðrar tegundir hafa samt
flotið inn á milli. „Upp úr aldamótum
keypti ég Rolls Royce 1967. Ég byrj-
aði að láta gera hann upp og þegar
búið var að gera við bremsurnar var
kostnaðurinn orðinn sá sami og ég
borgaði fyrir bílinn. Þá lét ég hann
fara og hef haldið mig við Skoda síð-
an.“
Þórir flutti aftur heim 2013, opn-
aði veitingastaðinn Jörund hunda-
dagakonung við Lækjartorg árið
eftir og rak síðan kaffi- og veitinga-
húsið Munnhörpuna í Hörpu. „Nú er
ég bara húsvörður enda vanur því,“
segir hann og bætir við að það komi
sér vel að eiga stæði í bílakjallara í
miðbænum.
Fyrir um 15 árum keypti Þórir
Skoda Felicia-blæjubíl árgerð 1961.
„Ég hef gaman af þessum bílum og
eftir að hafa keypt einn fékk ég mér
annan, lét gera hann upp og nota
hann spari. Felician er djásnið.“
Morgunblaðið/Árni Sæberg
Sparibíll Óli Pétur Friðþjófsson útfararstjóri (t.h.) fékk að sitja í með Þóri í djásninu, Skoda Felicia árgerð 1961.
Bílar, matur og fótbolti
 Farartæki í forgangi hjá veitingamanninum Þóri Gunnarssyni
SÆKTU APPIÐ
á heimasíðu Hreyfils:
hreyfill.is
eða í App Store og Google Play
Sæktu appið frítt
á AppStore
eða Google Play
Hreyfils
appið
Pantaðu
leigubíl
á einfaldan
og þægilegan
hátt
Með Hreyfils appinu er fljótlegt
og einfalt að panta leigubíl.
Þú pantar bíl, færð SMS skilaboð
þegar bíllinn er mættur á staðinn.
Þú getur fylgst með hvar bíllinn er
staddur hverju sinni.
Ef þú ferðast á vegum fyrirtækis
getur þú valið viðskiptareikning
og opnað aðgang.
Hreyfils-appið er ókeypis.
Barítónsöngvarinn Oddur Arnþór Jónsson kemur fram
ásamt Hrönn Þráinsdóttur píanóleikara á Tíbrár-
tónleikum í Salnum annað kvöld, þriðjudagskvöld,
klukkan 19.30. Flytja þau Wanderer-lagasyrpu og Mayr-
hofer-ljóð eftir Franz Schubert auk Songs of Travel eft-
ir Ralph Vaughan Williams, en það er þekktasti ljóða-
flokkur tónskáldsins. Í tilkynningu segir að förumenn
hafi sett sinn svip á mannlífið á Íslandi um aldir og að
inntak tónleikanna sé að þótt förumaður falli frá muni
fegurð gjörða hans lifa áfram.
Ýmsir förumenn í söngvunum sem
Oddur Arnþór syngur í Salnum
MÁNUDAGUR 28. SEPTEMBER 272. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Valur og Breiðablik skoruðu samtals fimmtán mörk gegn
löskuðum andstæðingum sínum, Fylki og ÍBV, í Pepsi
Max-deild kvenna í fótbolta um helgina. Breiðablik vann
Eyjakonur 8:0 og Valur vann Fylkiskonur 7:0. Fram undan
er viðureign Vals og Breiðabliks, sem verður nánast
hreinn úrslitaleikur um Íslandsmeistaratitilinn. »26
Toppliðin skoruðu fimmtán mörk
ÍÞRÓTTIR MENNING