Morgunblaðið - 13.11.2020, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 13. NÓVEMBER 2020
Þverholti 5 • Mosfellsbæ • Sími 898 1744 • myndo.is
Við búum til minningar
myndó.is
ljósmyndastofa
JÓLAGJÖFIN!
GJAFABRÉF handa ömmu og afa,
mömmu og pabba
og minningarnar
gleymast ekki
Best
a
Ágúst Ingi Jónsson
aij@mbl.is
„Það hefur gengið furðuvel,“ segir
Elías Tjörvi Halldórsson, en tíu vik-
ur eru liðnar síðan veitingahúsið
ÚPS á Höfn í Hornafirði tók til
starfa. Elías á og rekur staðinn
ásamt bróður sínum, Þorgrími
Tjörva, og Birnu Jódísi Magnús-
dóttur. Þeir bræður standa vaktina í
veitingahúsinu, elda og þjóna, og
segir Elías að þeim hafi fundist
vanta samkomustað fyrir heimafólk
og að Hornfirðingar hafi tekið
staðnum vel. „Ferðamenn eru sann-
arlega líka velkomnir, þegar þeir
koma,“ segir Elías.
Staðurinn tekur 40-50 manns í
sæti með áherslu á handverksbjór
og eru tólf slíkir á boðstólum. Með
veigunum er boðið upp á léttar
„bjórtengdar“ veitingar og er helm-
ingur þeirra vegan. Humar er ekki
á matseðlinum eins og vinsælt hefur
verið á Höfn enda hefur verið skort-
ur á Hornafjarðarhumri síðustu
misseri. Birna Jódís er með leirlist-
arverkstæði samtengt og er allt
leirtau á ÚPS úr hennar smiðju.
Hægt er að fylgjast með vinnunni á
verkstæðinu og kaupa vörur þaðan.
Aldrei hefur verið fullt á ÚPS frá
opnun, kórónuveikin og takmark-
anir hennar vegna hafa séð til þess.
Upp á síðkastið hefur verið miðað
við skertan afgreiðslutíma og tíu
manns á staðnum að hámarki, þann-
ig að gestir hverju sinni hafa ekki
verið fleiri en níu. Talsvert hefur
verið að gera og opið innan skilyrts
tímaramma alla daga nema sunnu-
daga og mánudaga.
Ákváðu að láta slag standa
-En hvernig datt þeim í hug að
opna veitingastað í miðjum heims-
faraldri og hvaðan kemur nafnið á
veitingastaðnum?
„Við byrjuðum að hugsa um þetta
löngu fyrir faraldurinn, en ef ég
væri að fara af stað núna myndi ég
sennilega hinkra aðeins,“ segir Elí-
as. „Við tókum við húsnæðinu í
byrjun árs, en það hýsti áður efna-
laug. Framkvæmdir byrjuðu í jan-
úar og við gerðum sjálf það sem
þurfti að gera með aðstoð góðs
fólks, en fengum reyndar fagmenn í
rafmagn og pípulagnir.
Hugmyndin var að opna áður en
sumartraffíkin byrjaði, en allt dróst
þetta vegna faraldursins. Við
ákváðum síðan að hafa hægt um
okkur um tíma, en vorum einfald-
lega komin of langt til að hætta við.
Það var síðan ekki annað að gera en
að láta slag standa og staðurinn var
opnaður síðustu helgina í ágúst.
Nafnið má rekja til þess að við
vinirnir vorum að tala saman einu
sinni sem oftar meðan á fram-
kvæmdunum stóð. Þá datt þetta
upp úr einhverju okkar, „úps, við
erum að fara að opna bar og veit-
ingastað“. Okkur fannst nafnið gott;
stutt, laggott og eftirminnilegt,“
segir Elías. Hann tekur undir að
nafnið mætti eins tengja við farald-
urinn, úps – svo kom veiran.
Veitingastaðurinn ÚPS er
staðsettur í miðjum bænum, gegnt
ráðhúsinu, en flestir aðrir veitinga-
staðir í fjölbreyttri flóru þeirra á
Höfn eru nálægt höfninni. Elías
segir að þeir séu flestir opnir eitt-
hvað og hafi veitingamenn á Höfn
sýnt ótrúlegan dugnað þrátt fyrir
nánast algeran skort á erlendum
ferðamönnum, sem síðustu ár hafi í
hundruðum þúsunda sótt í feg-
urðina nálægt jöklum Suðaustur-
lands.
Höfn Glaðbeittir gestgjafar: Þorgrímur Tjörvi Halldórsson, Birna Jódís Magnúsdóttir og Elías Tjörvi Halldórsson.
ÚPS – og svo kom veira
sem breytti áætlunum
 Opnuðu veitingastað á Höfn fyrir tíu vikum  Bera sig vel
Karítas Ríkharðsdóttir
karitas@mbl.is
Hársnyrtar eru orðnir óþreyjufullir
eftir að fá að byrja að klippa aftur
eftir. Hárgreiðslustofur á höfuð-
borgarsvæðinu hafa verið lokaðar
frá 7. október af sóttvarnaástæðum
og á öllu landinu frá 20. október og
ekkert liggur fyrir hvenær heimilt
verður að opna þær aftur.
Lilja Kristbjörg Sæmundsdóttir,
formaður Félags hársnyrtisveina,
segir hársnyrta algjörlega í lausu
lofti. Tekjufallið í stéttinni sé algjört
og enn er ekki hægt að sækja um
lokunarstyrki. Hún segir hlutina
hreyfast hægt í þeim málum og hár-
snyrta þurfa vissu í sínum málum,
ekkert sé í hendi ennþá og það skapi
óþarfa kvíða.
Hún segir óvissuna erfiðasta og
skort á samtali gera sínum fé-
lagsmönnum erfiðara fyrir. Mikil-
vægt sé fyrir hársnyrta að vita helst
fyrir helgina hvort möguleiki sé á
opnunum í næstu viku og hvort það
verði þá innan einhvers ramma sem
hægt væri að byrja að undirbúa um
helgina. „Það væri t.d. gott að geta
skipulagt vaktir, ef staðan verður sú
að það þarf að takmarka fjölda inni á
hverri stofu gætu hársnyrtar skipt
með sér tímum.“
Lilja segir sína félagsmenn þó
svartsýna á að stofur verði opnaðar í
næstu viku. „Miðað við hvernig Þór-
ólfur (Guðnason sóttvarnalæknir)
talar, þá er engin sérstök ástæða til
bjartsýni.“ Þórólfur sagði á upplýs-
ingafundi almannavarna í gær, að
hann hefði sent heilbrigðisráðherra
tillögur um hvað taki við næsta mið-
vikudag þegar núverandi reglur
falla úr gildi. Í þeim tillögum fælist
einhver tilslökun en hann teldi að
fara yrði hægt í sakirnar.
Gagnrýnir breytingar
á hlutabótaleiðinni
Lilja gagnrýnir harðlega að miðað
sé við að starfsfólk sé í 50% vinnu til
þess að falla undir hlutabótaleiðina,
en viðmiðið var 25% í vor. Þetta hafi
komið illa við hárgreiðslustofur sem
hafa margar hverjar enga innkomu
eins og staðan er í dag.
Sara Aníta, hársnyrtisveinn í
meistaranámi, segir ástandið mjög
erfitt. Það sé erfitt að hætta að gera
það sem hún elskar að gera og hafa
engar tekjur á meðan.
Stofan sem Sara leigir stól hjá gat
komið til móts við sína hársnyrta í
leigu í vor þegar fyrsta bylgjan skall
á. Sara segir fyrirtækið nú ekki í
sömu stöðu í þetta skipti og hár-
snyrtar þurfi því að greiða stólaleigu
þótt innkoman sé engin.
Hún segir óvissuna um afkomuna
mikla þar sem framundan séu jól.
Desember er alla jafna stærsti út-
gjaldamánuður einstaklinga en þá
eru einnig mestu uppgripin fyrir
hársnyrta. Sara er sammála því að
óvissan sé meiri í þessari bylgju far-
aldursins en í vor og segir hana
valda meiri kvíða.
Hársnyrtar svartsýnir á að fá að opna
 Formaður Félags hársnyrtisveina segir þungt hljóð vera í sínum félagsmönnum  Hárgreiðslu-
stofur á höfuðborgarsvæðinu hafa verið lokaðar frá 7. október  Mikil óvissa fyrir desember
Klipping Ekki hefur verið hægt að fá klippingu á höfuðborgarsvæðinu í 5 vikur.
Höskuldur Daði Magnússon
hdm@mbl.is
„Ég held að það sýni allir skilning á
ástandinu en auðvitað vonum við að
slakað verði á takmörkunum fyrr en
seinna svo við getum haldið áfram.
Maður finnur það á nemendunum að
þeir eru orðnir þreyttir og pirraðir á
þessari fjarkennslu,“ segir Davíð
Brár Unnarsson, skólastjóri Flug-
akademíu Íslands.
Samkomutakmarkanir vegna kór-
ónuveirufaraldursins hafa sett strik í
reikninginn hjá nemendum Flugaka-
demíunnar að undanförnu. Heil-
brigðisráðuneytið sendi frá sér þau
tilmæli að verklegt flugnám og
kennsla þar sem ekki væri unnt að
viðhalda tveggja metra nálægðar-
takmörkunum væri óheimil fram til
17. nóvember næstkomandi.
Davíð segir að bókleg kennsla hafi
að mestu farið fram á Teams, að
minnsta kosti þar sem því hefur ver-
ið við komið. Ekki sé þó hægt að
kenna að fullu leyti í gegnum fjar-
fundi. Tveir bekkir eru í bóklegu
námi í skólanum í Keflavík og þrír í
Reykjavík, samtals rúmlega eitt
hundrað nemendur. Annar eins
fjöldi er svo í verklegu námi við skól-
ann.
Erlendir nemar í biðstöðu
„Eins og staðan er núna er öll
verkleg kennsla stopp. Nema það
sem við köllum sólóflug, eða einliða-
flug,“ segir Davíð. Hann segir að-
spurður að þetta sé ekki góð staða,
síst fyrir erlenda nemendur sem séu
í algjörri biðstöðu með verklegt nám
sitt. Um 20-30 erlendir nemendur
eru í verklegu námi við Flugakadem-
íuna og segir Davíð að þetta komi
verst við þá enda þurfi þeir að halda
sér uppi og borga leigu og treysta á
námsstyrki og lán. „En þetta hefur
áhrif á alla nemendur að einhverju
leyti.“
Fjarkennslan
orðin þreytandi
 Verklegt flugnám liggur nær niðri
Flugnám Kórónuveiran setur strik í
reikning flugmanna framtíðar.