Morgunblaðið - 13.11.2020, Qupperneq 26

26 ÍÞRÓTTIR
MORGUNBLAÐIÐ FÖSTUDAGUR 13. NÓVEMBER 2020
Erfið en rétt leið
Við lifum skringilega tíma og und-
irbúningur þeirra Arnars Þórs Við-
arssonar og Eiðs Smára Guðjohnsen
þjálfara hefur vissulega verið eftir
því. Leikurinn átti að fara fram í
október en var frestað eftir að þrír
leikmenn ítalska liðsins greindust
með kórónuveiruna við komuna til
landsins. Þá þurftu nokkrir í íslenska
liðinu að fara í sóttkví við komuna til
landsins í byrjun vikunnar og hefur
þetta auðvitað haft áhrif.
Það eru allar líkur á því að nokkrir
úr þessu liði muni spreyta sig með A-
landsliðinu á næstu árum enda ákveð-
in kynslóðaskipti yfirvofandi þar. Það
er ágætt, enda margt í þetta lið spun-
ið. Vel skipað lið Ítalíu sýndi engin
ógurleg tilþrif í Fossvoginum í gær
og að lokum þurfti heppnismark til að
útkljá leikinn. Skot Pobega fór af
varnarmanni og þaðan í hornið án
þess að Patrik Sigurður Gunnarsson
kæmi einhverjum vörnum við í mark-
inu. Alfons Sampsted var drjúgur í
hægri bakverðinum og erfitt að
ímynda sér annað en að hann geti
tekið næsta skref á næstu misserum.
Þá mynda þeir Willum Þór, Alex Þór
Hauksson og Andri Fannar Bald-
ursson öflugt teymi á miðjunni og
flestir áhugamenn um knattspyrnu á
Íslandi bíða spenntir eftir framtíð Ís-
aks Bergmanns Jóhannessonar sem
er ekki nema 17 ára.
Nú þurfum við að snúa spjótum
okkar til Írlands en íslenska liðinu
dugar einfaldlega ekkert annað en
sigur, ætli það sér að eiga möguleika
á að keppa á Evrópumeistaramótinu í
fyrsta sinn síðan 2011.
Blóðugt að
tapa í lokin
 Nú dugar ekkert nema sigur á Írlandi
Morgunblaðið/Kristinn Magnússon
Svekkjandi Willum Þór Willumsson í skallaeinvígi við Alessandro Vogli-
acco í Fossvoginum í landsleiknum í gær. Willum skoraði mark Íslands.
Frakklandi eða gegn Finnlandi í
undankeppni HM. Í þeim tilfellum
var það Ísland sem skoraði seint og
tryggði sér sigur en nú þurfa lands-
liðsmennirnir að kyngja því að verða
fyrir slíku.
Ísland var yfir í 77 mínútur
Ekki þarf að deila um að Ungverj-
ar voru miklu meira með boltann en
Íslendingar að þessu sinni. Ef Ísland
hefði ekki tekið forystuna jafn
snemma og raun bar vitni má vera
að leikurinn hefði þróast á annan
hátt. Ungverjarnir voru með boltann
á löngum köflum en sú staða hefur
ekki verið óþægileg fyrir íslenska
liðið á undanförnum árum. Senni-
lega eru fá landslið í heiminum sem
eru jafn vön því að pakka í vörn og
verja forskot eða jafntefli með ágæt-
um árangri.
Einmitt þess vegna átti maður al-
veg eins von á því að liðið gæti varið
forskotið þótt íslenska liðið hefði
ekki spilað sérstaklega vel að þessu
sinni. Sú varð ekki raunin og Ung-
verjar jöfnuðu 1:1 á 88. mínútu. Þótt
ótrúlegt megi virðast þá gerðist slíkt
hið sama síðast þegar liðin mættust.
Var það í Marseille á EM í Frakk-
landi árið 2016. Þá komst Ísland í 1:0
á 39. mínútu en Ungverjaland jafn-
aði á 88. mínútu. Sá leikur kom upp í
hugann þegar Ungverjar jöfnuðu í
gær og þá átti maður von á því að
framlenging væri framundan. Það
reyndist bjartsýni því vonarstjarna
Ungverja, Dominik Szoboszlai, skor-
aði sigurmarkið með frábæru skoti í
stöngina og inn í uppbótartíma.
Hannes Þór Halldórsson, sem lék
vel í marki Íslands, átti ekki mögu-
leika að koma í veg fyrir mörkin.
Fyrirliðinn fór út af
Leikurinn var erfiður fyrir ís-
lensku leikmennina og þá sér-
staklega í síðari hálfleik. Þreytu-
merki sáust og Erik Hamrén nýtti
nokkrar skiptingar til að freista
þess að hressa upp á liðið. Fáir
þeirra leikmanna sem voru í byrj-
unarliðinu geta talist vera í góðri
leikæfingu. Nokkrir þeirra spiluðu
síðast þegar Ísland lék landsleiki
snemma í október. Jóhann Berg og
Alfreð eru auk þess nýorðnir leik-
færir á ný. En veðjað var á að
reyndir menn myndu ráða við verk-
efnið og gerðu það lengi vel enda var
Ísland 1:0 yfir.
Fyrirliðinn Aron Einar Gunn-
arsson þurfti að fara af leikvelli á 83.
mínútu, en hann virtist meiðast í
nára. Hversu miklu máli skipti það
þegar nokkrar mínútur voru eftir?
Hér á síðum Morgunblaðsins höfum
við oft bent á hversu mikilvægur Ar-
on Einar er fyrir liðið. Er það vel
þekkt enda sýna úrslitin það sem og
tölurnar yfir fjölda marka sem Ís-
land fær á sig án hans. Hvort það
hafi úrslitaáhrif á nokkurra mínútna
lokakafla er hins vegar erfiðara að
dæma um.
Stutt er á milli sigurs og taps í
leikjum sem þessum. Þótt Ísland
hafi ekki fengið mörg marktækifæri
í leiknum þá fékk íslenska liðið engu
að síður góða sókn nokkrum sek-
úndum áður en Ungverjarnir skor-
uðu sigurmarkið. Þá voru Íslend-
ingar komnir inn í teiginn hjá
Ungverjalandi en náðu ekki að nýta
sér þá stöðu og fengu á sig skyndi-
sókn sem skilaði Ungverjum sigur-
markinu. Mínútu áður en Ungverjar
jöfnuðu renndi Albert Guðmunds-
son sér á boltann fyrir opnu marki
eftir fyrirgjöf Jóns Daða Böðv-
arssonar en var örlítið of seinn.
Nær sæti í lokakeppni
 Ísland úr leik eftir grátlegt tap í síðari leik í umspilinu  Ungverjar skoruðu
tvívegis á lokakaflanum  Aftur jöfnuðu Ungverjar á 88. mínútu gegn Íslendingum
Umspil EM karla 2021
A-deild:
Ungverjaland – Ísland ............................. 2:1
B-deild:
N-Írland – Slóvakía ......................... (frl.) 1:2
C-deild:
Serbía – Skotland ............................ (frl.) 1:1
 Skotland sigraði 5:4 í vítaspyrnukeppni.
D-deild:
Georgía – N-Makedónía ...........................0:1
 Ungverjaland, Slóvakía, Skotland og N-
Makedónía leika í lokakeppni EM næsta
sumar.
Undankeppni EM U21
1. riðill:
Ísland – Ítalía............................................ 1:2
Staðan: Ítalía 19, Írland 16, Svíþjóð 15, Ís-
land 15, Armenía 3, Lúxemborg 3.
Vináttulandsleikir karla
Bosnía – Íran ............................................ 0:2
Moldóva – Rússland ................................. 0:0
Wales – Bandaríkin.................................. 0:0
England – Írland ...................................... 3:0
Svíþjóð
Bikarkeppni:
Gute – Hammarby ................................... 0:5
 Aron Jóhannsson var ekki í leikmanna-
hóp Hammarby.
KNATTSPYRNA
Undankeppni EM kvenna
Leikið í Grikklandi:
Ísland – Slóvenía ...................................58:94
Grikkland – Búlgaría ............................73:66
Staðan: Slóvenía 6 stig, Grikkland 5, Búlg-
aría 4, Ísland 3.
KÖRFUBOLTI
ÍSLAND – ÍTALÍA 1:2
0:1 Tommaso Pobega 35.
1:1 Willum Þór Willumsson 63.
1:2 Tommaso Pobega 88.
M
Alex Þór Hauksson
Alfons Sampsted
Jón Dagur Þorsteinsson
Willum Þór Willumsson
Dómari: Ioannis Papadopoulos,
Grikklandi.
Áhorfendur: Engir.
 Liðsuppstillingar, gul spjöld, við-
töl og greinar um leikina – sjá
mbl.is/sport/fotbolti
UNGVERJAL. – ÍSLAND 2:1
0:1 Gylfi Þór Sigurðsson 11.
1:1 Loic Nego 88.
2:1 Dominik Szoboszlai 90.
M
Hannes Þór Halldórsson
Kári Árnason
Aron Einar Gunnarsson
Gylfi Þór Sigurðsson
Ísland: (4-4-2) Mark: Hannes Þór Hall-
dórsson. Vörn: Guðlaugur Victor Páls-
son, Kári Árnason, Ragnar Sigurðsson,
Hörður Björgvin Magnússon. Miðja:
Jóhann Berg Guðmundsson (Albert
Guðmundsson 72), Rúnar Már Sigur-
jónsson (Sverrir Ingi Ingason 87), Aron
Einar Gunnarsson (Ari Freyr Skúlason
83), Birkir Bjarnason. Sókn: Gylfi Þór
Sigurðsson, Alfreð Finnbogason (Jón
Daði Böðvarsson 72).
Ungverjaland: (3-5-2) Mark: Péter Gu-
lácsi. Vörn: Attila Fiola (Gergö Lovr-
encsics 61), Willi Orbán, Attila Szalai.
Miðja: Endre Botka, Zsolt Kalmár (Dá-
vid Sigér 61), Ádám Nagy (Loic Nego
83), Dominik Szoboszlai, Filip Holen-
der (Nemanja Nikolivs 71). Sókn: Rol-
and Sallai, Ádám Szalai (Norbert
Könyves 83).
Dómari: Björn Kuipers, Hollandi.
Áhorfendur: Ekki leyfðir.
 Ýmsa umfjöllun um leikinn er einnig
að finna á mbl.is/sport/fotbolti.
„Það er erfitt að hugsa til þess að
þetta sé hugsanlega mitt síðasta
verkefni,“ sagði niðurlútur Kári
Árnason, varnarmaður íslenska
karlalandsliðsins í knattspyrnu, í
samtali við Stöð 2 Sport eftir 2:1-tap
Íslands gegn Ungverjalandi í um-
spili um laust sæti á EM á Puskás
Aréna í Búdapest í gærkvöldi.
Kári er orðinn 38 ára gamall en
hann á að baki 86 A-landsleiki þar
sem hann hefur skorað sex mörk.
„Ég er ekki hættur í fótbolta en
mér finnst ólíklegt að ég sé að fara
að spila fleiri landsleiki, ekki nema
þá að séu til einhverjar undratöflur
til þess að framlengja knattspyrnu-
ferla.
Þetta er bæði erfitt og tilfinninga-
þrungið fyrir mig persónulega. Það
er erfitt að sætta sig við þessa niður-
stöðu og mér finnst í raun erfitt að
tala um þetta,“ bætti Kári við en
hann er samningsbundinn úrvals-
deildarliði Víkings í Reykjavík.
Landsliðsfyrirliðinn Aron Einar
Gunnarsson var að leika sinn 90.
landsleik í gær en hann var ómyrkur
í máli í leikslok.
„Það fyrsta sem kemur upp í hug-
ann er svekkelsi en þessi úrslit
marka samt sem áður engin enda-
lok,“ sagði landsliðsfyrirliðinn.
„Ef maður hugsar út í það þá er
stutt í næstu undankeppni. Að vera
búnir að vinna jafn hart að einhverju
markmiði eins og þessu og komast
svo nálægt því en ná ekki að klára
það er virkilega svekkjandi.
Við vorum yfir í leiknum á 88.
mínútu en náum samt ekki að klára
þetta. Við getum bara sjálfum okkur
um kennt,“ bætti landsliðsfyrirliðinn
við í samtali við Stöð 2 Sport.
Ljósmynd/Szilvia Micheller
Vörn Kári Árnason (t.h.) og Ádám
Szalai (t.v.) eigast við í Búdapest.
Síðustu
landsleikir
Víkingsins?
FOSSVOGI
Kristófer Kristjánsson
kristoferk@mbl.is
Íslenska U21-árs karlalandsliðið í
knattspyrnu varð að sætta sig við af-
ar svekkjandi 2:1-tap gegn Ítalíu á
Víkingsvellinum í gær í undankeppni
EM.
Íslenska liðið hefur verið í baráttu
um efstu tvö sæti 1. riðilsins og hefði
með sigri tekið stórt skref í átt að
lokakeppninni á næsta ári. Willum
Þór Willumsson skoraði mark Ís-
lands eftir rúman klukkutímaleik til
að jafna metin eftir að Tommaso Po-
bega hafði komið gestunum yfir. Sá
hinn sami skoraði svo sigurmarkið
tveimur mínútum fyrir leikslok þegar
íslenska liðið reyndi sjálft að kreista
fram mark.
Ísland er áfram í 4. sæti riðilins
með 15 stig og verður nú að vinna Ír-
land úti á sunnudaginn með öllum til-
tækum ráðum til að eiga möguleika á
að komast á EM. Ítalir eru áfram
efstir, nú með 19 stig, en Írland og
Svíþjóð koma þar á eftir. Ísland átti
að mæta Armeníu á kýpur 18. nóv-
ember en þeim leik hefur verið frest-
að vegna stríðsástandsins í Armeníu
og ólíklegt að hann geti yfirhöfuð far-
ið fram. Lokakeppni EM2021 fer
fram í Slóveníu og Ungverjalandi á
næsta ári.
EM 2021
Kristján Jónsson
kris@mbl.is
Íslensku landsliðsmennirnir í knatt-
spyrnu þurftu að ganga af leikvelli á
Puskás Aréna með óbragð í munni í
Búdapest í Ungverjalandi í gær-
kvöldi. Ísland var 1:0 yfir í 77 mín-
útur í hreinum úrslitaleik um að
komast í lokakeppni EM sem fram
fer næsta sumar en mátti samt
sætta sig við tap. Ungverjaland
skoraði tvívegis undir lok venjulegs
leiktíma og sneri taflinu við. Ung-
verjaland sigraði 2:1 og fer í loka-
keppni EM en Ísland er úr leik. Nær
verður vart komist sæti í loka-
keppni, ef það næst ekki, en að fá á
sig mark í uppbótartíma í hreinum
úrslitaleik í umspilinu.
Ísland komst yfir strax á 11. mín-
útu þegar Gylfi Þór Sigurðsson
skoraði beint úr aukaspyrnu. Sak-
leysislegt skot Gylfa var beint á
markvörðinn, Péter Gulácsi, sem
gerðist kærulaus og hugðist grípa
boltann. Hann fór hins vegar á milli
handa Gulácsi og þaðan inn fyrir
marklínuna.
Eftir að hafa horft á Gylfa skora
markið þá gat maður ekki varist
þeirri hugsun að lukkudísirnar yrðu
með okkar mönnum þetta kvöldið.
Eins og þær hafa oft verið á undan-
förnum árum. Nokkuð langt er síðan
íslenska liðið hefur þurft að sætta
sig við tap í EM eða HM eftir að
hafa fengið á sig sigurmark á loka-
mínútum leiks. Er því reyndar hald-
ið fram hér eftir minni en sætu sigr-
arnir hafa verið allnokkrir. Til
dæmis gegn Austurríki á EM í