Lögmannablaðið - 2016, Side 23

LÖGMANNABLAÐIÐ TBL 03/16 23
Ánægja með vinnuveitendur
Fulltrúarnir voru spurðir út í vinnuveitanda og kom fram
að 42% (57 af 136) þeirra starfa á lögmannsstofu þar
sem 5 eða fleiri lögmenn eru sameiginlegir eigendur.
Þá starfa 30% (41 af 136) á lögmannsstofu þar sem 2-4
lögmenn eru sameiginlegir eigendur og 15% (20 af 136)
á lögmannsstofu þar sem er einn eigandi.
Alls 64% fulltrúa (89 af 138) eru ánægðir með vinnustað
sinn á meðan einungis 7% (9 af 138) eru óánægðir. Mun
fleiri karlar eru ánægðir en konur, eða 70% (50 af 71) á
móti 58% (39 af 67).
Helmingur fulltrúa (65 af 138) telur stjórnun góða á vinnu-
stað sínum á meðan 32% (44 af 138) telja hana lélega
en mun fleiri voru ánægðir með stjórnunina sem voru á
millistórum lögmannsstofum en á stofum með 5 eða fleiri
eigendur. Þá telja 57% (78 af 138) fulltrúa starf sitt metið
að verðleikum á meðan 22% (30 af 138) telja svo ekki
vera. Eins má geta þess að 85% fulltrúa (115 af 134) töldu
að vinnuveitandi sinn tæki tillit til þarfa fjölskyldufólks. .
Nær allir finna fyrir streitu
Fulltrúar voru spurðir hvort þeir fyndu fyrir streitu í starfi
og svöruðu 90% (124 af 138) því játandi. Þar af sögðust
15% (21 af 138) finna fyrir mikilli streitu og var jafnt á
komið með konum og körlum.
Raddir fulltrúa
„Fagna þessari umræðu - hefur vantað umræðu um
það hvort fulltrúar njóti sambærilegra kjarahækkana
og aðrir á vinnumarkaði og annarra launatengdra
réttinda, svo sem orlofs- og desemberuppbót.”
Raddir fulltrúa
„Grunar að það sé algengt að fulltrúar upplifa lítið starfsöryggi eins og markaðurinn er í dag.
Stéttin er yfirmönnuð. Þannig er auðvelt eigendur að réttlæta lægri laun og lakari kjör.”