Lögmannablaðið - 2016, Side 33

LÖGMANNABLAÐIÐ TBL 03/16 3333 LÖGMANNABLAÐIÐ TBL 03/16
Innanríkisráðuneytið hefur á undanförnum mánuðum
ítrekað feng ið fyrir spurnir frá Mannréttindadóm stól
Evrópu (MDE) vegna mála þar sem íslenska ríkið er kært
fyrir ætluð brot gegn Mann réttinda sáttmála Evrópu (MSE).
Ráðu neytið óskaði í lok júní sl. eftir fram leng ingu á fresti
til umsagnar í nokkrum þessara mála og bar við miklu
annríki í ráðuneytinu vegna fjölda mála sem beint væri
gegn Íslandi. Það er að sjálfsögðu mikið ólán fyrir íslenska
réttar ríkið að það skuli nú vera komið undir smásjá MDE
með þeim hætti sem fyrirspurnir dómstólsins benda til.
Það vakti athygli lögmanna kærendanna að frestbeiðni
ráðuneytisins var undirrituð af íslenskum lögfræðingi sem
til skamms tíma starfaði hjá MDE og hafði verið í sam-
skiptum við a. m. k. einn þeirra lögmanna sem bíða eftir
niður stöðum á kæru til dómstólsins. Mun hún hafa starfað
hjá MDE til ársloka 2015 og hafa tekið þátt í vinnu við
meðferð mála frá Íslandi til þess tíma.
Nánari eftirgrennslan leiðir í ljós að lögfræðingur þessi er
nú starfandi hjá Umboðsmanni Alþingis, en mun vera í ein-
hvers konar „láni“ til að vinna fyrir innanríkisráðuneytið í
mál efnum sem varða mannréttindi. Jafnvel þótt einhverjum
kunni að þykja þessi tilhögun vera einhvers konar lán í
áður nefndu óláni réttarríkisins vaknar sú spurning hvort
eðlilegt sé að embætti Umboðsmanns Alþingis „láni“ starfs-
menn sína til að vinna fyrir ríkisstofnanir sem embætti
Umboðsmanns Alþingis á að hafa eftirlit með.
Því er hér með varpað fram til umhugsunar hvort þetta
„starfsmannslán“ sé þegar öllu er á botninn hvolft raun-
verulegt lán í óláni.
RAGNAR HALLDÓR HALL HRL.
LÁN Í ÓLÁNI
– EÐA HVAÐ?