Iðjuþjálfinn - 01.01.2018, Qupperneq 29

29
að hafa betri yfirsýn á gagnsemi þjón-
ustunnar. Þar kemur ítrekað fram í svörum
einstaklinga ánægja með þjónustuna en
einnig að þeir eigi oft erfitt með að standa
fjárhagslega undir kostnað inum þrátt fyrir
að hann sé lítill og oft sjálfboðastarf af
minni hálfu. Það verður til þess að sumir
geta hreinlega ekki nýtt sér að fullu
þjónustu iðjuþjálfa þrátt fyrir að þörfin sé til
staðar og þeir hafa ekki aðgang að henni
annars staðar í samfélaginu eins og staðan
er nú. Þjónusta iðjuþjálfa er af mjög
skornum skammti á Íslandi og fer fram
innan þjónustukerfa sem starfa út frá
fyrirfram ákveðnu fyrirkomulagi. Iðju-
þjálfun er því einungis í boði fyrir tiltekinn
hóp einstaklinga sem uppfyllir þau viðmið
sem þjónustukerfið byggist á sem merkir að
það er stór hópur einstaklinga sem hefur
ekki aðgang að þjónustunni þrátt fyrir
þjónustuþörf. Næstu skref sem þyrfti að
taka væru að koma á samkomulagi við
Sjúkratryggingar Íslands, sambærilegu og
sjúkraþjálfarar hafa nú þegar, til að tryggja
aðgengi allra sem þurfa á iðjuþjálfun að
halda á Íslandi.
Það þarf enginn að efast um gagnsemi
iðjuþjálfunar og hversu jákvæð áhrif
þjónusta iðjuþjálfa hefur á lífsgæði og
samfélagsþátttöku einstaklinga, óháð aldri.
Það sé ég og upplifi á hverjum degi í starfi.
Þörfin fyrir iðjuþjálfa er mikil innan þjóð-
félagsins og því hvet ég ykkur sem hafið
áhuga á að gerast sjálfstætt starfandi
iðjuþjálfar að stíga það skref. Ég veit um
nokkra iðjuþjálfa sem starfa sjálfstætt á
Íslandi og hafa gert í mörg ár en einungis
tveir iðjuþjálfar eru með staðfestingu frá
Embætti landlæknis til að starfa sjálfstætt
samkvæmt skráningum Landlæknis-
embættisins. Ég vil eindregið hvetja ykkur
til að sækja um staðfestingu hjá landlækni
til að fá þá viðurkenningu sem þið eigið
skilið í starfi og taka um leið þátt í að vekja
athygli á mikilvægi iðjuþjálfunar.
Það er virkilega ómetanlegt að fá tækifæri
til að vinna við áhugamál sitt sem gerir það
að verkum að ég hlakka til hvers vinnudags,
að hitta nýtt fólk og takast á við ný og
krefjandi verkefni og aðstæður. Ég nýt góðs
af allri þeirri þekkingu og reynslu sem hefur
orðið á vegi mínum síðustu 40 ár og held
ótrauð áfram inn í framtíðina, bjartsýn og
full tilhlökkunar gagnvart öllum þeim
tækifærum og ævintýrum sem bíða mín,
bæði persónulega og faglega. Lífið er núna!
Guðrún Jóhanna Hallgrímsdóttir
Iðjuþjálfi, MA í norrænum
öldrunarfræðum
Heimasíða: www.heimastyrkur.is
Facebook: HeimaStyrkur – Guðrún
Jóhanna, iðjuþjálfi
Sími: 848-6509
Lengi hafa verið starfandi tveir hópar
iðjuþjálfa í öldrun, annars vegar hópur
iðjuþjálfa sem vinnur á hjúkrunarheimilum
og hins vegar „stóri hópurinn“ sem í eru
allir sem hafa áhuga á málefninu og vinna á
hinum ýmsu stöðum þar sem eldra fólk
nýtir þjónustu, s.s. hjá seljendum hjálpar-
tækja, í Hjálpartækjamiðstöð Sjúkra trygg-
inga Íslands, í dagþjálfun og á sjúkra húsum.
Á dögunum kviknaði áhugi á að breyta
þessu og sameina hópana í einn sem væri
opinn öllum og stuðla að aukinni fræðslu
og tækifærum til fagvinnu meðal allra
iðjuþjálfa í öldrunarþjónustu. Haldinn var
stofnfundur fyrir þennan nýja hóp 3. maí
síðastliðinn. Þar var farið í stefnumótun
fyrir hópinn, kosið í stjórn til næstu tveggja
ára, nafn valið og kastað fram hugmyndum
að verkefnum fyrir hópinn.
Þrír iðjuþjálfar skipa framkvæmdanefnd og
sitja í tvö ár í senn. Að þessu sinni eru tveir
til eins árs og einn til tveggja ára til að
tryggja samfellu í starfi hópsins. Nefndar-
menn eru Berglind Indriðadóttir, Lilja
Ingvarsson og Svanborg Guðmundsdóttir.
Nafn hópsins, Faghópur um iðjuþjálfun
aldraðra, var einróma samþykkt. Hópurinn
vill leggja aukna áherslu á faglega fræðslu á
sviðinu, koma á samstarfi við námsbraut í
iðjuþjálfunar fræðum við Háskólann á
Akureyri, vekja athygli á málefnum aldraðra
og aðkomu iðjuþjálfa auk þess að koma
upp gagnabanka með fræðslu og efni sem
nýtist í starfi iðjuþjálfa með öldruðum.
Markmið Facebook-síðu hópsins, sem ber
nafnið Faghópur um iðjuþjálfun aldraðra
(FIA), er að vera vettvangur fyrir iðjuþjálfa
og nema sem hafa áhuga á öldrunarmálum,
til að deila hugmyndum, reynslu og
áhugaverðu efni sem og til að leita ráða og
upplýsinga. Ákveðið var að fundir verði 4
sinnum á ári, sambland af markvissri
fræðslu og umræðum og verða þeir haldnir
í húsnæði BHM.
Margar áhugaverðar hugmyndir voru
reifaðar um verkefni fyrir hópinn sem unnið
verður úr á næstu misserum.
Þann 18. september var fyrsti fræðslu-
fundurinn haldinn í húsnæði BHM frá 14:30-
16:00. Flutt voru tvö erindi, Linda Ósk
Þorvaldsdóttir og Eva Snæbjarnardóttir
kynntu verkefni sitt og Kristínar Brynju
Árnadóttur um skjólstæðingsmiðað starf,
sjálfræði aldraðra og forræðishyggju. Þær
unnu verkefnið í tengslum við nám sitt í
iðjuþjálfun við Háskólann á Akureyri. Í
framhaldi af erindi þeirra fjallaði Sigrún
Huld Þorgrímsdóttir, sérfræðingur í hjúkrun
fólks með heilabilun, um sjálfræði aldraðra,
einkum með áherslu á einstaklinga með
heilabilun, notkun fjötra af ýmsu tagi og
aðrar leiðir til að draga úr óróleika og
vanlíðan.
Okkur langar að hvetja alla sem láta sig
þessi málefni varða til að mæta og taka þátt
í starfi hópsins og minnum jafnframt á
Facebook-hópinn, þar sem jöfnum höndum
fer fram þekkingar- og reynslumiðlun af
ýmsum toga.
KYNNING
Svanborg Guðmundsdóttir,
iðjuþjálfi
FAGHÓPUR
UM IÐJUÞJÁLFUN ALDRAÐRA